શું ટાર્ગેટ કિલિંગ પાછળ ભારતનો હાથ? પાકિસ્તાનના આરોપ અંગે અમેરિકાએ આપ્યો જવાબ
- અમે આ મામલે કોઈ ટિપ્પણી કરીશું નહીં: પાકિસ્તાનના આરોપો પર USની પ્રતિક્રિયા
નવી દિલ્હી, 9 એપ્રિલ: પાકિસ્તાને તાજેતરમાં તેના દેશમાં થતી ટાર્ગેટ કિલિંગ પાછળ ભારતનો હાથ હોવાનો આરોપ લગાવ્યો છે. પાકિસ્તાને બ્રિટિશ અખબાર ધ ગાર્ડિયનમાં છપાયેલા અહેવાલના આધારે ભારત પર આ આરોપ લગાવ્યો છે. તે જ સમયે, હવે આ મામલે અમેરિકાનું નિવેદન બહાર આવ્યું છે. ભારત પર પાકિસ્તાનના આરોપો પર અમેરિકાએ કહ્યું છે કે, ‘અમે આ મામલે કોઈ ટિપ્પણી કરીશું નહીં.’ અમેરિકી વિદેશ મંત્રાલયના પ્રવક્તા મેથ્યુ મિલરે કહ્યું કે, અમે આ મુદ્દાને સમજવાનો પ્રયાસ કરી રહ્યા છીએ. અમે મીડિયા રિપોર્ટનું અધ્યયન કરી રહ્યા છીએ. અમે આ આરોપો પર ટિપ્પણી કરવા માંગતા નથી. અમે વચ્ચે પાડવા માંગતા નથી. અમે બંને પક્ષોને તણાવ ટાળવા અને વાતચીત દ્વારા ઉકેલ શોધવા માટે પ્રોત્સાહિત કરીએ છીએ.
#WATCH | On being asked about the United States’ position on Pakistan’s allegations against India about carrying out state killings in Pakistan, US State Department Spokesperson Matthew Miller says, “So we have been following the media reports about this issue. We don’t have any… pic.twitter.com/vwaKjkvK0Q
— ANI (@ANI) April 9, 2024
ટાર્ગેટ કિલિંગ ભારતની વિદેશ નીતિમાં નથી: વિદેશમંત્રી જયશંકર
ઉલ્લેખનીય છે કે, હાલમાં જ બ્રિટિશ અખબાર ‘ધ ગાર્ડિયન’ દ્વારા એક અહેવાલ પ્રકાશિત કરવામાં આવ્યો છે. આ રિપોર્ટમાં તેમણે કહ્યું હતું કે, પાકિસ્તાનમાં થઈ રહેલી ટાર્ગેટ કિલિંગ પાછળ ભારતનો હાથ છે. રિપોર્ટમાં એવું પણ કહેવામાં આવ્યું છે કે, ભારતે 2020થી પાકિસ્તાનમાં બેઠેલા 20 આતંકવાદીઓને ખતમ કર્યા છે. આ પછી જ પાકિસ્તાને ભારત પર આ આરોપ લગાવ્યો છે. જોકે, ભારતે આ આરોપોને સદંતર ફગાવી દીધા છે અને વિદેશ મંત્રી એસ. જયશંકરે કહ્યું છે કે, આરોપો ખોટા છે અને ટાર્ગેટ કિલિંગ ભારતની વિદેશ નીતિમાં નથી.
પાકિસ્તાનમાં ઘૂસીને આતંકવાદીઓને ખતમ કરીશું: રાજનાથ સિંહ
તે જ સમયે, પાકિસ્તાનના આરોપો પર સંરક્ષણ પ્રધાન રાજનાથ સિંહે કહ્યું કે, ભારત આતંકવાદીઓને જડબાતોડ જવાબ આપશે. ભારત કોઈપણ સંજોગોમાં આતંકવાદીઓને છોડશે નહીં. અમે તેના ઘરમાં ઘૂસીને તેને મારી નાખીશું. ભારતે ન તો કોઈ દેશ પર હુમલો કર્યો છે કે ન તો તેના પર કબજો કર્યો છે. પરંતુ જો કોઈ દેશ ભારતની શાંતિને ખલેલ પહોંચાડવાનો પ્રયાસ કરશે તો અમે તેને છોડીશું નહીં.
આ પણ જુઓ: કેનેડાના એડમોન્ટનમાં થયેલા ગોળીબારમાં ભારતીય મૂળના વ્યક્તિના મૃત્યુ
