ભારતીય રેલવે દ્વારા ભારત ગૌરવ ડિલક્સ એસી ટુરિસ્ટ ટ્રેન શરૂ કરવાની યોજના બનાવી છે. જેમાં ગુજરાતના વિવિધ સ્થળો પર યાત્રા માટે 28 ફેબ્રુઆરીએ દિલ્હી સફદરજંગ સ્ટેશનથી શરૂ થશે. આ ટ્રેન પ્રવાસ સરકારની એક ભારત શ્રેષ્ઠ ભારત યોજના હેઠળ તૈયાર કરવામાં આવ્યો છે.
સરદાર વલ્લભભાઈ પટેલના જીવન પર આધારિત ભારત સરકારની IRCTC દ્વારા ‘એક ભારત શ્રેષ્ઠ ભારત’ યોજના હેઠળ ભારતના વાઇબ્રન્ટ ગુજરાતના વારસાને પ્રદર્શિત કરવા માટે બનાવવામાં આવેલ છે. ફર્સ્ટ એસી અને સેકન્ડ એસી ક્લાસ સાથેની અત્યાધુનિક ભારત ગૌરવી ડીલક્સ એસી ટૂરીસ્ટ ટ્રેન 8 દિવસ માટે તમામ પ્રવાસ માટે ચલાવવામાં આવશે અને 3500 કિલોમીટરનું અંતર કાપશે.
भारतीय रेलवे 'एक भारत श्रेष्ठ भारत' योजना के तहत अपनी भारत गौरव डीलक्स एसी टूरिस्ट ट्रेन चलाकर गुजरात की सांस्कृतिक और आध्यात्मिक विरासत को प्रदर्शित करने के लिए एक विशेष टूर 'गरवी गुजरात' शुरू करेगा।@RailMinIndia pic.twitter.com/qjfYHVjdUa
— प्रसार भारती न्यूज सर्विसेज एवं डिजिटल प्लेटफॉर्म (@PBNS_Hindi) February 5, 2023
ડીલક્સ AC ટૂરિસ્ટ ટ્રેન
રેલ યાત્રાના આ પેકેજનું પ્રથમ સ્ટોપેજ કેવડિયા ખાતે રાખવામાં આવ્યું છે, જ્યાં સ્ટેચ્યુ ઓફ યુનિટી આકર્ષણનું કેન્દ્ર બનશે. પ્રવાસી ટ્રેનમાં 4 ફર્સ્ટ એસી કોચ, 2 સેકન્ડ એસી કોચ, એક સુસજ્જ પેન્ટ્રી કાર અને બે રેલ રેસ્ટોરન્ટનો સમાવેશ થાય છે. જેમાં એક સાથે 156 પ્રવાસીઓ માટે બેઠક વ્યવસ્થા કરવામાં આવી છે. ગુજરાતના મુખ્ય યાત્રાધામો અને હેરિટેજ સ્થળો એટલે કે સ્ટેચ્યુ ઓફ યુનિટી, ચાંપાનેર, સોમનાથ, દ્વારકા, નાગેશ્વર, બેટ દ્વારકા, અમદાવાદ, મોઢેરા અને પાટણ પ્રવાસના મુખ્ય આકર્ષણો હશે.
આ પણ વાંચો : ભારતનું સૌથી મોટું સ્મારક અને મ્યુઝિયમ સ્મૃતિવન: 4 મહિનામાં આવ્યા આટલા લાખ મુલાકાતીઓ
પહેલા ભારત દર્શનના નામથી ચાલતી હતી ટ્રેન
અગાઉ આવી જ ટ્રેન ભારત દર્શન ટ્રેનના નામથી ચાલતી હતી. તેનું ભાડું સ્લીપર ક્લાસમાં પેસેન્જર માટે 900 રૂપિયા પ્રતિ દિવસ અને થર્ડ-એસીમાં 1500 રૂપિયા પ્રતિ દિવસ હતું. પરંતુ આ ટ્રેન એપ્રિલ 2022માં બંધ કરી દેવામાં આવી હતી. આ ટ્રેને જાન્યુઆરીથી માર્ચ 2022 સુધીમાં 16 ટ્રીપ પૂરી કરી હતી અને લગભગ 13.15 કરોડ રૂપિયાની કમાણી કરી હતી. વધુ વિગતો માટે તમે IRCTC વેબસાઇટની મુલાકાત લઈ શકો છો: https://www.irctctourism.com અને વેબ પોર્ટલ પર બુકિંગ પહેલા આવો પહેલા સેવાના ધોરણે ઑનલાઇન ઉપલબ્ધ છે.
આ પણ વાંચો : જંત્રી એટલે શું અને કેવી રીતે તેના ભાવ નક્કી થાય છે ? જાણો સમગ્ર પ્રક્રિયા
