ઓનલાઈન કે કાઉન્ટર, ક્યાંથી ટ્રેન ટિકિટ લેવી સસ્તી પડશે? રેલવે મિનિસ્ટરે સત્ય જણાવ્યું

નવી દિલ્હી, 18 ફેબ્રુઆરી 2025 :   જો તમે ટ્રેનમાં મુસાફરી કરો છો, તો ટિકિટ બુક કરાવતી વખતે તમે તેના વિશે વિચાર્યું જ હશે. ટિકિટ ઓનલાઈન બુક કરાવવી જોઈએ કે કાઉન્ટર પરથી. જોકે, તે બંને રીતે કરવાથી તેના ભાવ પર અસર પડે છે. ઓનલાઈન ટ્રેન ટિકિટ કાઉન્ટર ઓફલાઈન  કરતાં વધુ મોંઘા હોય છે. એક જ ટ્રેન ટિકિટ માટે બે અલગ અલગ ભાવ કેમ લેવામાં આવે છે? શું ઓનલાઈન બુકિંગ કરનારા મુસાફરોને કોઈ ખાસ સુવિધાઓ આપવામાં આવે છે? આવા ઘણા પ્રશ્નોના જવાબો અમે તમને આપીશું.

ઝડપથી સમાચાર મેળવવા માટે જોઈન કરો અમારા વોટ્સઅપ ગ્રુપમાં

https://chat.whatsapp.com/K2iNelyylPD9ZoDNpMuN9o

ઓનલાઈન ટિકિટ મોંઘી કેમ છે?
સરકારે રાજ્યસભામાં આ પ્રશ્નનો જવાબ આપ્યો છે. તેમણે કહ્યું કે ઇન્ડિયન રેલવે કેટરિંગ એન્ડ ટુરિઝમ કોર્પોરેશન (IRCTC) ની વેબસાઇટ દ્વારા ઓનલાઈન બુક કરાવનારા મુસાફરો પાસેથી સુવિધા ફી અને ટ્રાન્ઝેક્શન ચાર્જ લેવામાં આવે છે. આ જ કારણ છે કે ઓનલાઈન ટિકિટના ભાવ રેલવે કાઉન્ટર પરથી સીધી ખરીદેલી ટિકિટ કરતાં થોડા મોંઘા હોય છે.

રેલ્વે મંત્રી અશ્વિની વૈષ્ણવના જણાવ્યા અનુસાર, IRCTC ઓનલાઈન ટિકિટિંગ સુવિધા પૂરી પાડવા માટે ઘણો ખર્ચ કરે છે. ટિકિટિંગ ઇન્ફ્રાસ્ટ્રક્ચરની જાળવણી અને અપગ્રેડેશનના ખર્ચને પહોંચી વળવા માટે, IRCTC કન્વીનિયંસ ફી લે છે. અશ્વિની વૈષ્ણવે જણાવ્યું હતું કે આના પર બેંક ટ્રાન્ઝેક્શન ચાર્જ પણ વસૂલવામાં આવે છે.

મુસાફરીનો સમય અને ટ્રાન્સફોર્ટેશનની બચત
IRCTC ની ઓનલાઈન બુકિંગ સુવિધા ભારતીય રેલવેની પેસેન્જર ફ્રેન્ડલી પહેલમાંની એક છે. હાલમાં, 80 ટકાથી વધુ રિઝર્વેશન ટિકિટો ઓનલાઈન બુક થાય છે. આનાથી મુસાફરોને રિઝર્વેશન કાઉન્ટર પર જવાની ઝંઝટમાંથી રાહત મળી છે. આનાથી તેમનો મુસાફરીનો સમય અને પરિવહન ખર્ચ બચે છે.

તમે અગાઉથી ઓનલાઈન બુક કરાવી શકો છો. તમે તમારી પસંદગીની સીટ પસંદ કરી શકો છો. ભોજન સેવા અગાઉથી ઉમેરી શકાય છે. ઓફલાઈન ટિકિટ બુકિંગ માટે, તમારે કલાકો સુધી કાઉન્ટર પર લાંબી લાઈનમાં ઉભા રહેવું પડે છે. સીટ પસંદ કરવામાં મુશ્કેલી પડે છે. જમવાનું પણ અગાઉથી બુક કરી શકતા નથી.

આ પણ વાંચો : સ્થાનિક સ્વરાજની ચૂંટણી: ગુજરાતની 30 નગરપાલિકામાં ભગવો લહેરાયો, કોંગ્રેસના સૂપડા સાફ