iQOO Z9 Lite ફોન ભારતમાં થયો લોન્ચ, આ હશે ફીચર્સ અને કિંમત
- iQOO Z9 Lite 5Gને બે વેરિઅન્ટમાં કરવામાં આવ્યો લોન્ચ
નવી દિલ્હી, 16 જુલાઇ, ગ્રાહકો માટે એક નવો 5G સ્માર્ટફોન iQOO Z9 Lite ભારતમાં લોન્ચ કરવામાં આવ્યો છે. કંપની આ ફોનને બે કલર ઓપ્શનમાં લાવી છે. તેની શરૂઆતી કિંમત 10,499 રૂપિયા છે. આ સ્માર્ટફોનમાં ઘણા સારા ફીચર્સ અને 5G કનેક્ટિવિટી મળશે. તેમાં 5000mAh બેટરી, 1TB સુધી માઈક્રોએસડી કાર્ડ સપોર્ટ છે. આ ફોન MediaTek પ્રોસેસર સાથે આવે છે. iQOO Z9 Lite 5G ફોનનું પહેલું વેચાણ 20 જુલાઈએ બપોરે 12 વાગ્યે થવા જઈ રહ્યું છે.
મોબાઈલ ફોન આજના સમયમાં દરેક વ્યક્તિ માટે જરૂરી બની ગયો છે. જો તમારે ફોન ખરીદવો છે પરંતુ બજેટ નથી તો આ સમાચાર તમારા માટે જ છે કારણ કે iQoo એ સોમવારે 15 જુલાઈ 2025 ભારતમાં પોતાનો ઝેડ-સિરીઝનો લેટેસ્ટ બજેટ સ્માર્ટફોન લોન્ચ કર્યો હતો. નવો iQOO Z9 Lite 5G સ્માર્ટફોનને મીડિયાટેક ડિમેન્સિટી 6300 પ્રોસેસર, 6 જીબી સુધીની રેમ અને એન્ડ્રોઇડ 14 આધારિત Funtouch OS 14 સાથે ઉપલબ્ધ કરાવવામાં આવ્યો છે. iQoo Z9 Liteમાં 50MPનો રિયર કેમેરા અને 5000mAhની બેટરી આપવામાં આવી છે. આવો તમને જણાવીએ કે આ સસ્તા 5જી સ્માર્ટફોનમાં શું ખાસ છે.
જાણો કિંમત વિશે
iQOO Z9 Lite બે વેરિઅન્ટમાં લોન્ચ કરવામાં આવ્યો છે. પ્રારંભિક કિંમત 10,499 રૂપિયા છે, જેમાં 4GB + 128GB સ્ટોરેજ ઉપલબ્ધ છે. બીજા વેરિઅન્ટની કિંમત 11,499 રૂપિયા છે. તેમાં 6GB + 128GB મોડલ ઉપલબ્ધ છે. અહીં તમને 500 રૂપિયાનું ઇન્સ્ટન્ટ ડિસ્કાઉન્ટ મળશે, જેના માટે તમારે પસંદગીની બેંકના કાર્ડનો ઉપયોગ કરવો પડશે. iQOO Z9 Lite ભારતમાં બે કલર વેરિઅન્ટમાં રજૂ કરવામાં આવ્યું છે, જે એક્વા ફ્લો અને મોચા બ્રાઉન છે. આ સ્માર્ટફોન 1TB સુધીના માઇક્રોએસડી કાર્ડ માટે સપોર્ટ સાથે આવે છે. તેનું વેચાણ 20મી જુલાઈથી શરૂ થશે.
આ હશે ફીચર્સ
iQOO Z9 Liteમાં 6.56-ઇંચની LCD સ્ક્રીન છે, જે 1612×720 રિઝોલ્યુશન સાથે આવે છે. તેનો રિફ્રેશ રેટ 90Hz અને સેમ્પલિંગ રેટ 120Hz છે. તેનો સ્ક્રીન ટુ બોડી રેશિયો 89.64 ટકા છે. iQOO Z9 Lite 5G સ્માર્ટફોન Funtouch OS 14 આધારિત Android 14 પર કામ કરે છે. તેમાં MediaTek Dimensity 6300 5G પ્રોસેસરનો ઉપયોગ કરવામાં આવ્યો છે. તેમાં Mali-G57 GPU છે. તે 4GB/6GB રેમ અને 128GB ઇન્ટરનલ સ્ટોરેજ સાથે આવે છે. તેમાં 5000mAh બેટરી અને 15W ફાસ્ટ ચાર્જર છે. iQOO Z9 Liteમાં ડ્યુઅલ રિયર કેમેરા સેટઅપ આપવામાં આવ્યું છે. આમાં પ્રાથમિક કેમેરા 50MPનો છે. જ્યારે સેકન્ડરી કેમેરા 2MPનો છે, જે Bokeh લેન્સ છે. તેમાં નાઈટ, પોટ્રેટ, પેનોરમા અને ટાઈમ-લેપ્સ જેવા ઘણા મોડ છે. અહીં 8MPનો ફ્રન્ટ કેમેરો આપવામાં આવ્યો છે. Ikuના આ હેન્ડસેટમાં 3.5mm ઓડિયો જેક છે. આ સિવાય બ્લૂટૂથ 5.4, Wi-Fi 5 અને USB Type-C સપોર્ટ કરે છે.
આ પણ વાંચો..IQOO Z9 Lite 5G હશે બ્રાન્ડનો સૌથી સસ્તો ફોન, ફરી નહિ મળે આવી તક
