IPL ના શેડ્યુલમાં ફેરફાર, આ મેદાન ઉપર યોજાનાર મેચ અન્ય સ્ટેડિયમમાં રમાશે
નવી દિલ્હી, 20 માર્ચ : ઇન્ડિયન પ્રીમિયર લીગ (IPL) 2025 22 માર્ચથી શરૂ થશે. આ 18મી સીઝનની ફાઈનલ મેચ 25મી મેના રોજ રમાશે. ઓપનિંગ મેચ કોલકાતા નાઈટ રાઈડર્સ (KKR) અને રોયલ ચેલેન્જર્સ બેંગ્લોર (RCB) વચ્ચે ઈડન ગાર્ડન્સ ખાતે યોજાવાની છે. પરંતુ તે પહેલા એક મોટા સમાચાર સામે આવી રહ્યા છે.
IPLના શેડ્યુલમાં મોટો ફેરફાર કરવામાં આવ્યો છે. કોલકાતાની ટીમ અને લખનૌ સુપર જાયન્ટ્સ (LSG) વચ્ચે 6 એપ્રિલે મેચ રમવાની હતી. આ મેચ કોલકાતાના ઈડન ગાર્ડન્સમાં રમાવાની હતી. હવે આ મેચ સુરક્ષાના કારણોસર શિફ્ટ કરવામાં આવી છે. હવે આ મેચ કોલકાતાના બદલે ગુવાહાટીમાં રમાશે.
65 દિવસમાં 10 ટીમો વચ્ચે 74 મેચ રમાશે.
ગત વખતની જેમ આ સિઝનમાં પણ આઈપીએલમાં 10 ટીમો ભાગ લેશે. આ ટીમો વચ્ચે 65 દિવસમાં ફાઈનલ સહિત કુલ 74 મેચો રમાશે. આ તમામ મેચો માત્ર ભારતમાં જ 13 સ્થળોએ યોજાશે. આ વખતે IPLની 62 મેચો સાંજે જ રમાશે. જ્યારે બપોરે 12 મેચો યોજાશે. મેચો ભારતીય સમય અનુસાર બપોરે 3.30 વાગ્યાથી રમાશે. જ્યારે સાંજની મેચો સાંજે 7.30 વાગ્યાથી શરૂ થશે.
આ વખતે IPL 2025ની સિઝનમાં કુલ 12 ડબલ હેડર મેચો રમાશે. આ તમામ ડબલ હેડર શનિવાર અને રવિવારે જ થશે. IPLમાં ડબલ હેડર એટલે એક દિવસમાં બે મેચ. ડબલ હેડરના દિવસે ચાહકોને રોમાંચનો ડબલ ડોઝ મળે છે.
આ વખતે IPL 2025ની ઓપનિંગ મેચ શનિવારે (22 માર્ચ) યોજાશે. એટલે કે પ્રથમ ડબલ હેડર બીજા દિવસે રવિવારે જોવા મળશે. દરમિયાન, સનરાઇઝર્સ હૈદરાબાદ (SRH) બપોરે રાજસ્થાન રોયલ્સ (RR) સાથે ટકરાશે. જ્યારે સાંજે ચેન્નાઈ સુપર કિંગ્સ (CSK)નો સામનો મુંબઈ ઈન્ડિયન્સ (MI) સાથે થશે.
