PBKS vs MI Qualifier-2: અમદાવાદમાં આજે પંજાબ વિ મુંબઈની મેચ, જીતનારી ટીમ ફાઈનલમાં જશે, જાણો શું છે અહીંના રેકોર્ડ

PBKS vs MI Qualifier-2 Pitch Report: શ્રેયસ અય્યરની કપ્તાનીવાળી પંજાબ કિંગ્સ પાસે આજે આઈપીએલ ફાઈનલમાં પહોંચવાનો બીજો અને છેલ્લો મોકો છે. આજે ક્વાલિફાયર 2માં તેમનો સામનો હાર્દિક પંડ્યાની કપ્તાનીવાળી મુંબઈ ઈંડિયંસ સાથે થશે, જેને એલિમિનેટર મેચમાં ગુજરાતને હરાવી હતી. જાણો પંજાબ વિ. મુંબઈ હેડ ટૂ હેડમાં કોણે કોને ટક્કર આપી છે. ક્વાલિફાયર 2માં નરેન્દ્ર મોદી સ્ટેડિયમની પિચ કેવી રહેવાની છે અને અહીંનો આઈપીએલ રેકોર્ડ શું છે.

આઈપીએલ 2025માં નરેન્દ્ર મોદી સ્ટેડિયમમાં રમાયેલી 7 મેચમાં મોટા ભાગની હાઈ સ્કોરિંગવાળી મેચ જોવા મળી છે. અહીં 200 બનાવવા કોઈ મોટી વાત નથી, એટલે કે પહેલા બેટીંગ કરનારી ટીમ જો તેનાથી વધારે ન બનાવે તો તેમના માટે ટાર્ગેટ બચાવવો અધરો સાબિત થશે. સૌથી પહેલા જાણીએ આ ગ્રાઉન્ડના આઈપીએલ રેકોર્ડ વિશે…

નરેન્દ્ર મોદી સ્ટેડિયમના IPL રેકોર્ડ્સ

આ સિઝનમાં આ ગ્રાઉન્ડનો સૌથી વધુ સ્કોર 243 રન છે, જે પંજાબ કિંગ્સનો છે. આ આંકડો આજે ક્વોલિફાયર-2 માં શ્રેયસ ઐયરની ટીમને મેન્ટલી મજબૂત બનાવશે. 14 ઇનિંગ્સમાં, અહીંનો સ્કોર 9 વખત 200 થી વધુ રહ્યો છે.

આ ગ્રાઉન્ડ પર પહેલી IPL મેચ 2010 માં રમાઈ હતી, 2022 માં ગુજરાત ટાઇટન્સે તેને પોતાનું હોમ ગ્રાઉન્ડ બનાવ્યું હતું. આ ગ્રાઉન્ડ પર કુલ 42 IPL મેચ રમાઈ છે, જેમાંથી પહેલા બેટિંગ કરનારી ટીમ 21 વખત જીતી છે અને પહેલા બોલિંગ કરનારી ટીમ એટલી જ વખત જીતી છે. ટોસ જીતનાર ટીમ 19 વખત જીતી છે અને હારનાર ટીમ 23 વખત જીતી છે.

• સૌથી વધુ ટીમ સ્કોર: 243 (PBKS)
• સૌથી વધુ વ્યક્તિગત ઇનિંગ્સ: 129 (શુભમન ગિલ)
• શ્રેષ્ઠ સ્પેલ: 5/10 (મોહિત શર્મા)
• સૌથી મોટો સફળ રન ચેઝ: 204/3 (GT)
• પહેલા બેટિંગ કરતી ટીમનો સરેરાશ સ્કોર: 176
• પંજાબ કિંગ્સ વિરુદ્ધ મુંબઈ ઇન્ડિયન્સ હેડ ટુ હેડ

બંને ટીમો વચ્ચે કુલ 32 મેચ રમાઈ છે. મુંબઈ 17 વખત જીત્યું છે અને પંજાબ 15 વખત જીત્યું છે. અહીં MI થોડી આગળ હોય તેવું લાગે છે.

નરેન્દ્ર મોદી સ્ટેડિયમ પિચ રિપોર્ટ

પંજાબ કિંગ્સ વિરુદ્ધ મુંબઈ ઇન્ડિયન્સ ક્વોલિફાયર-2 માં પિચ બેટ્સમેન માટે અનુકૂળ રહેવાની અપેક્ષા છે, આ સ્ટેડિયમ થોડું મોટું છે પરંતુ બોલ અહીં બેટ પર સારી રીતે આવે છે અને આઉટફિલ્ડ પણ ઝડપી છે. જો અહીં ગ્રાઉન્ડેડ શોટ્સ પર વધુ નિર્ભરતા રાખવામાં આવે તો મોટો સ્કોર બનાવી શકાય છે. ગમે તે હોય, અહીં પહેલા બેટિંગ કરતી ટીમ 210-220 સુધી પહોંચવી જોઈએ, કારણ કે આનાથી નીચેના સ્કોરનો બચાવ કરવો ખૂબ મુશ્કેલ હશે. ટોસ જીતનાર કેપ્ટને પહેલા બોલિંગ કરવાનો નિર્ણય લેવો જોઈએ. અહીં સ્પિનરોને ઝડપી બોલરો કરતાં વધુ મદદ મળશે.

ક્વોલિફાયર-2 ના સંભવિત પ્લેઇંગ 11

પંજાબ: પ્રિયાંશ આર્ય, પ્રભસિમરન સિંહ, શ્રેયસ ઐયર (કેપ્ટન), જોશ ઇંગ્લિસ (વિકેટકીપર), નેહલ વાઢેરા, માર્કસ સ્ટોઇનિસ, શશાંક સિંહ, અર્શદીપ સિંહ, હરપ્રીત બ્રાર, કાયલ જેમીસન, વિજય કુમાર વૈશાખ

મુંબઈ: રોહિત શર્મા, જોની બેરસ્ટો (વિકેટકીપર), સૂર્યકુમાર યાદવ, તિલક વર્મા, નમન ધીર, હાર્દિક પંડ્યા (કેપ્ટન), રાજ અંગદ બાવા, મિશેલ સેન્ટનર, જસપ્રીત બુમરાહ, ટ્રેન્ટ બોલ્ટ, રિચાર્ડ ગ્લીસન.

આ પણ વાંચો: શિક્ષણ વિભાગનો મોટો નિર્ણય: ધોરણ 1થી 5ના વિદ્યાસહાયકોની જિલ્લા પસંદગી પ્રક્રિયા રદ થઈ