IPL 2024નું સંપૂર્ણ Schedule: ફાઈનલ ધોનીના ‘ઘર’માં રમાશે, 13 શહેરોમાં 74 મેચો રમાશે
25 માર્ચ, 2024: IPLની નવી સીઝન શરૂ થઈ ગઈ છે પરંતુ તેનું સંપૂર્ણ શેડ્યૂલ હજુ સુધી જાહેર કરવામાં આવ્યું નથી. BCCIએ ફેબ્રુઆરીમાં માત્ર 17 દિવસનું શિડ્યુલ જાહેર કર્યું હતું અને આવી સ્થિતિમાં બધા બાકીની મેચોની તારીખોની રાહ જોઈ રહ્યા હતા. એ રાહ પણ હવે પૂરી થઈ ગઈ છે. BCCIએ 25 માર્ચે ચાહકો માટે ટુર્નામેન્ટની તમામ 74 મેચોનું શેડ્યૂલ જાહેર કર્યું હતું. આ સાથે એ પણ પુષ્ટિ થઈ ગઈ છે કે ટૂર્નામેન્ટની ફાઈનલ 26મી મે રવિવારે ચેન્નાઈના એમએ ચિદમ્બરમ સ્ટેડિયમમાં રમાશે.
The wait is finally over! 😍
Here's the complete TATA #IPL2024 schedule! Mark your calendars 📅 and don't miss out on the non-stop cricket excitement 🔥
Tune-in to #IPLOnStar, LIVE, Only on Star Sports pic.twitter.com/9XopOFs6ir
— Star Sports (@StarSportsIndia) March 25, 2024
IPL 2024 સીઝનની શરૂઆત 22 માર્ચે ડિફેન્ડિંગ ચેમ્પિયન ચેન્નાઈ સુપર કિંગ્સ અને રોયલ ચેલેન્જર્સ બેંગ્લોર વચ્ચેની ટક્કર સાથે થઈ હતી. ગયા મહિને જ આની જાહેરાત કરવામાં આવી હતી. જોકે, તે સમયે BCCI દ્વારા માત્ર 21 મેચોની તારીખો અને સ્થળની જાહેરાત કરવામાં આવી હતી. આ કાર્યક્રમ 22 માર્ચથી 7 એપ્રિલ સુધીનો હતો. BCCIએ તે સમયે સંપૂર્ણ કાર્યક્રમની જાહેરાત કરી ન હતી કારણ કે તે લોકસભા ચૂંટણીની તારીખોની જાહેરાતની રાહ જોઈ રહી હતી.
IPL 2024 ભારતમાં જ પૂર્ણ થશે
16 માર્ચે ચૂંટણીની તારીખોની જાહેરાત થઈ ત્યારથી BCCI આઈપીએલની બાકીની મેચોનું શેડ્યૂલ બનાવવામાં વ્યસ્ત હતું. BCCIએ ટૂર્નામેન્ટનો બાકીનો ભાગ વિદેશમાં યોજાશે તેવા દાવાઓને પણ ફગાવી દીધા હતા. હવે બાકીની મેચોની જાહેરાત સાથે એ પણ પુષ્ટિ થઈ ગઈ છે કે સમગ્ર IPL 2024 સીઝન ફક્ત ભારતમાં જ રમાશે.
19મી મેના રોજ લીગ રાઉન્ડનો અંત
પ્રથમ તબક્કામાં 7 એપ્રિલ સુધીનું શિડ્યુલ જાહેર કરવામાં આવ્યું હતું અને હવે 8 એપ્રિલથી 26 મે સુધીની દરેક મેચની વિગતો આવી ગઈ છે. 8મી એપ્રિલે ચેન્નાઈમાં CSK અને કોલકાતા નાઈટ રાઈડર્સ વચ્ચે ટક્કર થશે. લીગ રાઉન્ડ ડબલ હેડર સાથે સમાપ્ત થશે. લીગ રાઉન્ડની છેલ્લી 2 મેચ રવિવાર 19 મેના રોજ રમાશે. પહેલા હૈદરાબાદમાં સનરાઇઝર્સ હૈદરાબાદ અને પંજાબ કિંગ્સની ટીમો ટકરાશે. ત્યારબાદ છેલ્લી મેચ રાજસ્થાન રોયલ્સ અને કોલકાતા વચ્ચે ગુવાહાટીમાં રમાશે.
13 શહેરોમાં 74 મેચ, 26 મેના રોજ ફાઇનલ
આ વખતે ટૂર્નામેન્ટનું આયોજન 13 શહેરોમાં કરવામાં આવી રહ્યું છે. ચેન્નાઈ, બેંગલુરુ, મુંબઈ, હૈદરાબાદ, જયપુર, કોલકાતા, દિલ્હી, મોહાલી, અમદાવાદ અને લખનૌ મુખ્ય 10 શહેરો છે. આ સિવાય વિશાખાપટ્ટનમ, ગુવાહાટી અને ધર્મશાળામાં પણ મેચનું આયોજન કરવામાં આવશે. પ્રથમ ક્વોલિફાયર 21 મે મંગળવારના રોજ અમદાવાદમાં રમાશે, જેમાં પોઈન્ટ ટેબલમાં પ્રથમ અને બીજા સ્થાને રહેલી ટીમો ટકરાશે. ત્યારબાદ 22 મેના રોજ ત્રીજા અને ચોથા સ્થાનની ટીમો એલિમિનેટરમાં સામસામે ટકરાશે. બીજી ક્વોલિફાયર 24 મેના રોજ રમાશે, જેમાં પ્રથમ ક્વોલિફાયરની હારેલી ટીમ અને એલિમિનેટરની વિજેતા ટીમો વચ્ચે મુકાબલો થશે, જ્યારે ફાઈનલ 26 મેના રોજ ચેપોકમાં રમાશે.
