વિશાખપટ્ટનમ, 31 માર્ચ : IPLની 17મી સિઝનમાં સતત બે મેચ હારી ચૂકેલી દિલ્હી કેપિટલ્સ આજે ચેમ્પિયન ચેન્નાઈ સુપર કિંગ્સ (CSK) સામે ટકરાશે. સીઝનની 15મી મેચ ડૉ.વાયએસ રાજશેખર રેડ્ડી ક્રિકેટ સ્ટેડિયમમાં રમાઈ રહી છે. દિલ્હીએ ટોસ જીતીને પ્રથમ બેટિંગ કરવાનો નિર્ણય લીધો હતો અને 20 ઓવરમાં પાંચ વિકેટ ગુમાવીને 192 રનનો લક્ષ્યાંક આપ્યો હતો.
પ્રથમ વિકેટ માટે થઈ 93 રનની પાર્ટનરશીપ
ડેવિડ વોર્નર અને ઋષભ પંતની અડધી સદીની ઇનિંગ્સના આધારે દિલ્હી કેપિટલ્સે 192 રનનો લક્ષ્યાંક આપ્યો હતો. પ્રથમ બેટિંગ કરતા દિલ્હીએ 20 ઓવરમાં પાંચ વિકેટ ગુમાવીને 191 રન બનાવ્યા હતા. મથિશા પથિરાનાએ ત્રણ વિકેટ ઝડપી હતી. આ દરમિયાન તેણે 145 કિમી પ્રતિ કલાકથી વધુની ઝડપે બોલિંગ કરી હતી. આ મેચમાં પૃથ્વી શો અને ડેવિડ વોર્નરે દિલ્હી કેપિટલ્સને સારી શરૂઆત અપાવી હતી. બંને વચ્ચે પ્રથમ વિકેટ માટે 93 રનની ભાગીદારી થઈ હતી.
