IPL 2023: IPLની આ સિઝનમાં થશે મોટો ફેરફાર, BCCIએ આ ગાઈડલાઈન જાહેર કરી

ભારતમાં IPL 2023ને લઈને ભારે ઉત્સાહ જોવા મળી રહ્યો છે. આ વર્ષે IPL 31 માર્ચથી શરૂ થવા જઈ રહી છે. આ પહેલા તમામ ટીમોએ તૈયારીઓ શરૂ કરી દીધી છે. IPLની શરૂઆત પહેલા જ BCCIએ મોટા ફેરફારની જાહેરાત કરી છે. ફ્રેન્ચાઇઝી માટે કેટલીક માર્ગદર્શિકા નક્કી કરવામાં આવી છે, જેનું તમામ ટીમોના ખેલાડીઓએ પણ પાલન કરવાનું રહેશે. IPLની પ્રથમ મેચમાં ચેન્નાઈ સુપર કિંગ્સ અને ગુજરાત ટાઇટન્સ વચ્ચે ટક્કર થશે.

IPLમાં આ મોટો ફેરફાર થયો

IPLની શરૂઆત પહેલા જ BCCIએ ટૂર્નામેન્ટની સુરક્ષાના કારણોસર માર્ગદર્શિકા નક્કી કરી છે. કોરોના વાયરસને ધ્યાનમાં રાખીને BCCIએ આ મોટું પગલું ભર્યું છે. ESPN ક્રિકઇન્ફોના રિપોર્ટ અનુસાર, આ અઠવાડિયે IPLની તમામ ફ્રેન્ચાઇઝીઓને કોવિડ ગાઇડલાઇન્સ જણાવવામાં આવશે. જો કે, તે પહેલાની જેમ કડક નથી, પરંતુ જો કોઈ ખેલાડી અથવા ટીમના સભ્ય કોવિડ પોઝિટિવ હોવાનું જાણવા મળે છે, તો તેણે ઓછામાં ઓછા 1 અઠવાડિયાના આઇસોલેશન પીરિયડમાંથી પસાર થવું પડશે. આ દરમિયાન, તે કોઈપણ પક્ષની કોઈપણ મેચ અથવા પ્રેક્ટિસ સેશનમાં ભાગ લેશે નહીં.

આ પણ વાંચો : IPL 2023: દિલ્હી કેપિટલ્સે ડેવિડ વોર્નરને બનાવ્યો કેપ્ટન, અક્ષર પટેલને વાઇસ કેપ્ટનની જવાબદારી

નવી તબીબી માર્ગદર્શિકા શું કહે છે ?

ESPN Cricinfo ના રિપોર્ટ અનુસાર, જે ખેલાડી પોઝિટિવ આવશે તેને એક અઠવાડિયા માટે આઈસોલેશનમાં રાખવામાં આવશે. આ પછી, પાંચમા દિવસે તે ખેલાડીનો RT PCR ટેસ્ટ થશે. જો આ ટેસ્ટ નેગેટિવ આવે છે, તો 24 કલાકની અંદર ફરીથી ટેસ્ટ કરવામાં આવશે. બંને ટેસ્ટમાં નેગેટિવ રિપોર્ટ આવ્યા બાદ જ ખેલાડી ટીમના સભ્યો સાથે જોડાઈ શકશે.

આ પણ વાંચો : BCCI ના પસંદગીકારના સ્ટિંગ વીડિયોથી ખળભળાટ, શું બની છે સમગ્ર ઘટના ?

મેચ હોમ ગ્રાઉન્ડ પર રમાશે

તમને જણાવી દઈએ કે છેલ્લા ત્રણ વર્ષથી કોરોના વાયરસના કારણે બીસીસીઆઈએ કડક નિયમો બનાવ્યા હતા, પરંતુ આ વખતે કોરોનાના ઘટતા પ્રકોપને જોતા ટીમો પોતાના હોમ ક્રિકેટ ગ્રાઉન્ડ પર પણ રમી શકશે. જોકે BCCIએ મેડિકલ ગાઈડલાઈન્સમાં પણ ઘણી છૂટછાટ આપી છે. કોરોનાને લઈને BCCIનું માનવું છે કે આપણે હજુ પણ તેના વિશે સાવચેત રહેવાની જરૂર છે.