- રોહિત શર્મા IPL 2023ની ઘણી મેચોમાં જોવા નહી મળે
- ઈન્ડિયન એક્સપ્રેસના રિપોર્ટમાં સૂત્રોના હવાલા મુજબ
- વર્કલોડ મેનેજમેન્ટ હેઠળ IPL 2023 સીઝનની કેટલીક મેચ નહીં રમે
- રોહિતની ગેરહાજરીમાં સૂર્યકુમાર યાદવ ટીમની કેપ્ટનશીપ કરશે
રોહિત શર્માના ચાહકોને આ ખબરથી ઝટકો લાગી શકે છે કારણ કે રોહિત શર્મા IPL 2023ની ઘણી મેચોમાં જોવા નહી મળે. હકીકતમાં, રોહિત શર્મા વર્કલોડ મેનેજમેન્ટ હેઠળ IPL 2023 સીઝનની કેટલીક મેચ રમશે નહીં. રોહિત શર્માની ગેરહાજરીમાં મુંબઈ ઈન્ડિયન્સનો કેપ્ટન 360 ડિગ્રી તરીકે જાણીતો બેટ્સમેન સૂર્યકુમાર યાદવ હશે. ફ્રેન્ચાઇઝી દ્વારા તેની સત્તાવાર પુષ્ટિ કરવામાં આવી નથી, પરંતુ મીડિયા રિપોર્ટ્સમાં આ દાવો કરવામાં આવી રહ્યો છે.
આ પણ વાંચો : ‘તેને ઘરે બેસી રહેવા કહો…’, આ અનુભવીએ રોહિત શર્મા વિશે આપ્યું આશ્ચર્યજનક નિવેદન
વર્કલોડ મેનેજમેન્ટ હેઠળ લેવામાં આવેલ નિર્ણય
હકીકતમાં, આ વર્ષના અંતમાં યોજાનાર વર્લ્ડ કપને ધ્યાનમાં રાખીને, ખેલાડીઓના વર્કલોડ મેનેજમેન્ટ પર ઘણું ધ્યાન આપવામાં આવી રહ્યું છે. ઈન્ડિયન એક્સપ્રેસના રિપોર્ટમાં સૂત્રોના હવાલાથી કહેવામાં આવ્યું છે કે રોહિત શર્માના વર્કલોડ મેનેજમેન્ટ માટે તેને કેટલીક મેચોમાં આરામ આપવામાં આવશે. રોહિતની ગેરહાજરીમાં સૂર્યકુમાર યાદવ ટીમની કેપ્ટનશીપ કરશે. આ સિઝનમાં મુંબઈ ઈન્ડિયન્સ માટે રસ્તો ઘણો મુશ્કેલ છે કારણ કે ફાસ્ટ બોલર જસપ્રિત બુમરાહ સિઝનમાં એક પણ મેચ રમશે નહીં.
આ પણ વાંચો : સૂર્યકુમાર કુમાર યાદવ રેન્કિંગમાં ટોચ પર, ઈતિહાસ રચવાની નજીક
મુંબઈ ઈન્ડિયન્સ IPLની સૌથી સફળ ટીમ
રોહિત શર્માએ કેપ્ટનશીપ સંભાળ્યા બાદ મુંબઈ ઈન્ડિયન્સ IPLની સૌથી સફળ ટીમ બની છે. અત્યાર સુધીમાં મુંબઈએ કુલ 5 વખત ટ્રોફી જીતી છે. વર્ષ 2013માં રોહિત શર્માની કેપ્ટનશીપમાં મુંબઈ ઈન્ડિયન્સે પ્રથમ વખત IPLનો ખિતાબ જીત્યો હતો. આ પછી, તેણે 2015, 2017, 2019 અને 2020 માં ખિતાબ જીત્યો. રોહિત 5 વખત ટીમની કેપ્ટનશીપ સંભાળી રહ્યો હતો. જોકે છેલ્લી સિઝનમાં ટીમનું પ્રદર્શન ખૂબ જ ખરાબ રહ્યું હતું અને પોઈન્ટ ટેબલમાં સૌથી નીછે હતું.
