IPL 2023: ગુજરાત સામેની મેચમાં મુંબઈની નજર રહેશે ફાઈનલ પર, બન્ને ટીમ માટે કરો યા મરોની સ્થિતિ !

IPL 2023ની બીજી ક્વોલિફાયર મેચ આજે ગુજરાત ટાઇટન્સ અને મુંબઈ ઈન્ડિયન્સ વચ્ચે રમાશે. બંને ટીમો વચ્ચેની આ મેચ અમદાવાદના નરેન્દ્ર મોદી સ્ટેડિયમમાં રમાશે. રોહિત શર્મા અને હાર્દિક પંડ્યાની ટીમ માટે આ લડાઈ યા મરો છે. જે ટીમ મેચ જીતશે તે સીધી ફાઇનલમાં પહોંચી જશે. ગુજરાત ટાઇટન્સની ટીમને ચેન્નાઇ સુપર કિંગ્સ સામે પ્રથમ ક્વોલિફાયરમાં હારનો સામનો કરવો પડ્યો હતો. જ્યારે મુંબઈએ એલિમિનેટર મેચમાં લખનઉને હરાવ્યું હતું. ચાલો આ ક્વોલિફાયર મેચ પહેલા ગુજરાત-મુંબઈના દરેક આંકડાઓ વિશે વાત કરીએ.

મુંબઈની નજર ફાઈનલ પર રહેશે

ગુજરાત ટાઇટન્સ સામેની ક્વોલિફાયર-2 મેચમાં મુંબઈની નજર ફાઇનલમાં એન્ટ્રી પર હશે. અત્યાર સુધીમાં 5 વખત IPL ટાઈટલ જીતી ચૂકેલી મુંબઈ ઈન્ડિયન્સની ટીમ છઠ્ઠી વખત ટ્રોફી પર કબજો કરવા ઈચ્છે છે. આ સાથે જ ડિફેન્ડિંગ ચેમ્પિયન ગુજરાત ટાઇટન્સની ટીમ પણ સતત બીજી વખત ફાઇનલમાં જવા માટે પોતાની તાકાત લગાવશે. IPL 2023માં, ગુજરાત ટાઇટન્સની ટીમે શાનદાર પ્રદર્શન કર્યું અને પ્રથમ સ્થાન મેળવ્યું. જ્યારે મુંબઈની ટીમ ચોથા નંબર પર રહી હતી. એકંદરે ક્વોલિફાયર-2માં બંને ટીમો વચ્ચે જોરદાર મુકાબલો થશે.

GT vs MI હેડ-ટુ-હેડ

IPLમાં ગુજરાત ટાઇટન્સનો બહુ જૂનો ઇતિહાસ નથી. ગુજરાતની ટીમ IPLની ગત સિઝનમાં પ્રવેશી હતી અને ટાઈટલ જીતવામાં સફળ રહી હતી. બંને ટીમો વચ્ચેની કોમ્પિટીશનના આંકડાની વાત કરીએ તો મુંબઈની ટીમ ગુજરાત કરતા આગળ છે. IPLમાં અત્યાર સુધીમાં ગુજરાત ટાઇટન્સ અને મુંબઈ ઈન્ડિયન્સ વચ્ચે 3 મેચ રમાઈ છે. આ દરમિયાન મુંબઈએ 2 અને ગુજરાતે એક મેચ જીતી છે. IPL 2023માં બંને ટીમો વચ્ચે 2 મેચ રમાઈ હતી જેમાં દરેક ટીમ 1-1 મેચ જીતી હતી. જ્યારે IPL 2022માં મુંબઈએ ગુજરાતને હરાવ્યું હતું. આ રીતે મુંબઈની ટીમ IPLમાં ગુજરાત કરતાં 2-1થી આગળ છે.