- મુંબઈએ પ્રથમ બેટિંગ કરતા 193 રનનો આપ્યો હતો ટાર્ગેટ
- હૈદરાબાદ 178 રનમાં જ થઈ ઓલઆઉટ
- અર્જુન તેંડુલકરની અંતિમ ઓવરમાં 20 રન ન થયા
IPLની 25મી મેચમાં સનરાઈઝર્સ હૈદરાબાદને મુંબઈ ઈન્ડિયન્સ સામે હારનો સામનો કરવો પડ્યો હતો. હૈદરાબાદના રાજીવ ગાંધી ઈન્ટરનેશનલ ક્રિકેટ સ્ટેડિયમમાં મુંબઈનો 14 રને વિજય થયો હતો. સનરાઇઝર્સના કેપ્ટન એડન માર્કરામે ટોસ જીતીને પ્રથમ બોલિંગ કરવાનો નિર્ણય લીધો હતો. મુંબઈએ 20 ઓવરમાં પાંચ વિકેટે 192 રન બનાવ્યા હતા. જવાબમાં હૈદરાબાદની ટીમ 19.5 ઓવરમાં 178 રનમાં ઓલઆઉટ થઈ ગઈ હતી.
અર્જુન તેંડુલકરે મુંબઈને જીત અપાવી
સનરાઇઝર્સ હૈદરાબાદને છેલ્લી ઓવરમાં 20 રનની જરૂર હતી. મુંબઈના કેપ્ટન રોહિત શર્માએ યુવા અર્જુન તેંડુલકરને બોલિંગ માટે બોલાવ્યો હતો. અર્જુને કેપ્ટનના વિશ્વાસને યોગ્ય ઠેરવ્યો અને માત્ર ચાર રન આપ્યા. તેની ઓવરમાં બે વિકેટ પણ પડી હતી. અબ્દુલ સમદ બીજા બોલ પર રનઆઉટ થયો હતો અને પાંચમા બોલ પર અર્જુન તેંડુલકરે ભુવનેશ્વર કુમારને રોહિત શર્માના હાથે કેચ કરાવી સનરાઇઝર્સની ઇનિંગ્સને સમેટી લીધી હતી. અર્જુને 2.5 ઓવરમાં 18 રન આપ્યા હતા.
હૈદરાબાદે ટોસ જીત્યો હતો
સનરાઇઝર્સના કેપ્ટન એડન માર્કરામે ટોસ જીતીને પ્રથમ બોલિંગ કરવાનો નિર્ણય લીધો હતો. મુંબઈએ 20 ઓવરમાં પાંચ વિકેટે 192 રન બનાવ્યા હતા. જવાબમાં હૈદરાબાદની ટીમ 19.5 ઓવરમાં 178 રનમાં ઓલઆઉટ થઈ ગઈ હતી. સનરાઇઝર્સની જીતનો ક્રમ તૂટી ગયો છે. તેણીને છેલ્લી બે મેચમાં સફળતા મળી હતી, પરંતુ તે જીતની હેટ્રિક નોંધાવી શકી નહોતી. આ સાથે જ મુંબઈની આ સતત ત્રીજી જીત છે.
કેમરન ગ્રીન રહ્યો જીતનો હીરો
આ જીતનો હીરો ઓલરાઉન્ડર કેમરન ગ્રીન હતો, જેણે બેટ વડે તોફાની ફિફ્ટી બનાવી હતી. આ પછી તેણે એક વિકેટ લઈને બોલિંગમાં પણ મહત્વની ભૂમિકા ભજવી હતી. મુંબઈ તેની 5માંથી ત્રણ મેચ જીતીને પોઈન્ટ ટેબલમાં પાંચમાં નંબરે પહોંચી ગયું છે.
