IPL 2023 : આજે રાજસ્થાન રોયલ્સ અને પંજાબ કિંગ્સ વચ્ચે મુકાબલો
- આજે રાજસ્થાન રોયલ્સ અને પંજાબ કિંગ્સ વચ્ચે મુકાબલો
- મેચ ગુવાહાટીના બરસાપારા ક્રિકેટ સ્ટેડિયમમાં રમાશે
- બંને ટીમોએ ટૂર્નામેન્ટની શરૂઆત જીત સાથે કરી હતી
IPL 2023માં આજે (5 એપ્રિલ) રાજસ્થાન રોયલ્સ અને પંજાબ કિંગ્સની ટીમો આમને-સામને થશે. આ ટુર્નામેન્ટની આઠ નંબરની મેચ હશે. આ મેચ ગુવાહાટીના બરસાપારા ક્રિકેટ સ્ટેડિયમમાં સાંજે 7.30 વાગ્યાથી રમાશે. આ મેચ દ્વારા બંને ટીમ ટૂર્નામેન્ટમાં પોતાની બીજી મેચ રમશે. ગુવાહાટીમાં મેદાન પર ઉતરતા પહેલા બંને ટીમો પોતાની પ્રથમ મેચમાં વિજયી રહી છે. હવે પંજાબ અને રાજસ્થાન વચ્ચે રમાનારી મેચમાં કઈ ટીમ જીતી શકે છે ચાલો જાણીએ…
બંને ટીમોએ ટૂર્નામેન્ટની શરૂઆત જીત સાથે કરી હતી
IPL 2023 માં, રાજસ્થાન રોયલ્સે પ્રથમ મેચમાં સનરાઈઝર્સ હૈદરાબાદને 72 રને હરાવ્યું હતું, જ્યારે પંજાબ કિંગ્સે ડકવર્થ-લુઈસ પદ્ધતિને કારણે કોલકાતા નાઈટ રાઈડર્સને 7 રનથી હરાવ્યું હતું. આવી સ્થિતિમાં બંને વચ્ચે રમાનારી આ મેચ ખૂબ જ રસપ્રદ રહેશે.
Off the field ft. Jos & Joe ????@28anand gets @josbuttler & @root66 in a never seen before avatar????
Fun, quirk, smiles all the way in this special ????@yuzi_chahal – You need to see this ????#TATAIPL | @rajasthanroyals | #RRvPBKS pic.twitter.com/cq3c5iXGBA
— IndianPremierLeague (@IPL) April 5, 2023
પંજાબ કિંગ્સ vs રાજસ્થાન રોયલ્સ હેડ ટુ હેડ
પંજાબ કિંગ્સ અને રાજસ્થાન રોયલ્સ વચ્ચે આઈપીએલમાં અત્યાર સુધીમાં કુલ 24 મેચ રમાઈ છે, જેમાં રાજસ્થાને 14 મેચ જીતી છે, જ્યારે પંજાબ કિંગ્સે 9 મેચ જીતી છે અને બંને વચ્ચે ટાઈ છે. આ સાથે જ બંને વચ્ચે રમાયેલી છેલ્લી 5 મેચોમાં રાજસ્થાન 4 વખત જીત્યું છે.
કોણ જીતવાની શક્યતા વધુ છે?
રાજસ્થાન રોયલ્સ અને પંજાબ કિંગ્સ વચ્ચે રમાયેલી મેચમાં મળેલી જીતની વાત કરીએ તો આંકડાઓ અનુસાર આ મેચમાં રાજસ્થાન રોયલ્સનો દબદબો જોવા મળી રહ્યો છે. જો કે, આ વખતે પંજાબ કિંગ્સ પાસે કાગીસો રબાડા અને અર્શદીપ સિંહ જેવા બોલરો સાથે શાનદાર બોલિંગ આક્રમણ છે. બીજી તરફ રાજસ્થાનની ટીમ જોસ બટલર, યશસ્વી જયસ્વાલ અને કેપ્ટન સંજુ સેમસન જેવા મજબૂત ટોપ ઓર્ડર સાથે મેદાનમાં ઉતરશે. આ મેચ ગુવાહાટીમાં રમાવાની છે. ગુવાહાટીમાં રમાનારી IPLની આ પહેલી મેચ હશે. આવી સ્થિતિમાં, મેદાનના IPLના આંકડા પરથી તેનો અંદાજ લગાવી શકાય તેમ નથી. જો કે આ મેચમાં રાજસ્થાન રોયલ્સ ફેવરિટ રહેશે. હવે કઈ ટીમ જીતે છે તે જોવું રસપ્રદ રહેશે.
