આજકાલ દેશમઆ વિપક્ષી પાર્ટીઓ પર વિવિધ એજન્સીઓએ તવાઈ કરી છે ત્યારે કોંગ્રેસ પાર્ટી અને આમ આદમી પાર્ટી એકબીજા પર પ્રહારો કરી રહી છે. જ્યારે કોંગ્રેસ પર કોઈ એજન્સી તપાસ કરે ત્યારે આમ આદમી પાર્ટી કોઈ નિવેદન આપતી નથી, તેવું જ વલણ કોંગ્રેસનું પણ આમ આદમી પાર્ટી માટે છે.
પણ પ્રશ્ન અહી એ છે કે જ્યારે કોંગ્રેસ પર કોઈ એજન્સી તપાસ કે છે ત્યારે તે રાજકીય થઈ જાય છે પણ આમ આદમી પાર્ટી પર કરે તો તે જ એજન્સીઓના કોંગ્રેસ દ્વારા વખાણ કરવામાં આવે છે. રાહુલ ગાંધી અને સોનિયા ગાંધીને જ્યારે તપાસ એજન્સીઓએ પૂછપરછ માટે બોલાવ્યા ત્યારે કોંગ્રેસ દ્વારા તેનું ખંડન કરવામાં આવ્યું હતું, તપાસ એજન્સીઓ પર પ્રશ્નો કર્યા હતા અને સમગ્ર ભારતમાં ધરણાં પ્રદર્શન કર્યા હતા. જ્યારે એ જ તપાસ એજન્સીઓ હાલ આમ આદમી પાર્ટીના નેતાઓને પૂછપરછ અને ધરપકડ કરી રહી છે ત્યારે કોંગ્રેસ તપાસ એજન્સીઓની વાહવાહી કરી રહી છે.
એટલે હવે તપાસ એજન્સીઓ જે રીતે હાલ કામ કરી રહી છે અને કોંગ્રેસ જે રીતે તેનું સમર્થન કરી રહી છે તે જોતાં લાગે છે કે આગામી સમયમાં જ્યારે કોંગ્રેસના નેતાની પૂછપરછ થશે ત્યારે વિરોધ કરશે કે સમર્થન તે જોવું રહ્યું. અલબત્ત અન્ય વિપક્ષી દળો કોંગ્રેસ અને આપ બંને પક્ષના સાથે છે એટલે દૂધમાં ને દહીમાં હાથ રાખીને બેઠા છે. અહી એવું કહેવું ખોટું નથી કે આપ પાર્ટીનું નેતૃત્વ 2024 લોકસભાની ચુંટણી સુધીમાં દિલ્હી પંજાબ સુધી સીમિત થઈ જાય તો નવાઈ નહિ.
