INLDના હરિયાણા પ્રમુખ નફે સિંહ રાઠીની ગોળી મારી હત્યા, 40-50 રાઉન્ડ ફાયર કર્યા
હરિયાણા, 25 ફેબ્રુઆરી : હરિયાણાના બહાદુરગઢમાં ઈન્ડિયન નેશનલ લોકદળના પ્રદેશ અધ્યક્ષ અને પૂર્વ ધારાસભ્ય નફે સિંહ રાઠી પર જીવલેણ હુમલો થયો છે. આ હુમલામાં પૂર્વ ધારાસભ્યનું મોત થયું છે. હુમલાખોરોએ તેમના પર ગોળીબાર કર્યો ત્યારે તે પોતાની કારમાં હતા. ઘાયલોની હોસ્પિટલમાં સારવાર ચાલી રહી છે. પૂર્વ ધારાસભ્ય નફે સિંહ ફોર્ચ્યુનર કારમાં મુસાફરી કરી રહ્યા હતા. એવું કહેવામાં આવી રહ્યું છે કે ઓછામાં ઓછા 40-50 રાઉન્ડ ફાયરિંગ કરવામાં આવ્યું છે. ત્રણ સુરક્ષાકર્મીઓને પણ ગોળી વાગી હતી.આ ઘટના બારાહી ગેટ પાસે બની હતી. હુમલાખોરો I-10 વાહનમાં આવ્યા હતા. નફે સિંહની કાર પર ગોળીઓ છોડવામાં આવી હતી.
INLD’s Haryana unit president Nafe Singh Rathee shot dead in Jhajjar district: Party leader Abhay Chautala to PTI
— Press Trust of India (@PTI_News) February 25, 2024
ઈન્ડિયન નેશનલ લોકદળના એક નેતાએ કહ્યું કે નફે સિંહ રાઠીને સતત જાનથી મારી નાખવાની ધમકીઓ મળી રહી છે. પાર્ટીના પ્રવક્તા અમનદીપે કહ્યું કે સરકાર પાસેથી તેમના માટે સુરક્ષા માંગવામાં આવી હતી, પરંતુ સુરક્ષા મળી નથી. તેમણે કહ્યું કે ભૂતપૂર્વ ધારાસભ્ય નફે સિંહ રાઠીએ ભૂતકાળમાં પણ છૂટાછવાયા હુમલાઓનો સામનો કરવો પડ્યો હતો.
હરિયાણામાં INLDના પ્રદેશ અધ્યક્ષ નફે સિંહ રાઠીની ગોળી મારીને હત્યા કરવાના સમાચાર ખૂબ જ દુઃખદ છે. આ રાજ્યની કાયદો અને વ્યવસ્થા દર્શાવે છે. આ ઘટનાએ સ્પષ્ટ કર્યું છે કે કાયદો અને વ્યવસ્થા ખોરવાઈ ગઈ છે. આજે રાજ્યમાં કોઈ સુરક્ષિત નથી અનુભવી રહ્યું. દિવંગત આત્માને મારી શ્રદ્ધાંજલિ અને પરિવાર પ્રત્યે ઊંડી સંવેદના. હું ભગવાનને પ્રાર્થના કરું છું કે પરિવારના સભ્યોને આ નુકસાન સહન કરવાની શક્તિ આપે. હું હુમલામાં ઘાયલ થયેલા સુરક્ષાકર્મીઓના ઝડપી સ્વસ્થ થવાની કામના કરું છું.
