શાકભાજી મોંઘુ થતાં મોંઘવારીનો દર વધ્યો, RBI ગવર્નરે કહ્યું કે આ મહિનાથી મળશે રાહત
- RBI ગવર્નરે કહ્યું, ‘એવી અપેક્ષા છે કે સપ્ટેમ્બરથી છૂટક મોંઘવારી ઘટવાનું શરૂ થશે. જો કે ઓગસ્ટનો મોંઘવારી દર ઘણો ઊંચો રહ્યો છે, પરંતુ સપ્ટેમ્બરથી મોંઘવારી નીચે આવવાની શરૂઆત થઈ શકે છે.
મોંઘવારી દર: સતત વધી રહેલી મોંઘવારીથી લોકોને આ મહિને રાહત મળી શકે છે. રિઝર્વ બેંક ઓફ ઈન્ડિયા (RBI)ના ગવર્નર શક્તિકાંત દાસે આશા વ્યક્ત કરતાં કહ્યું છે કે આ મહિનાથી છૂટક મોંઘવારી ઘટી શકે છે. તેમણે ટામેટાંના ભાવમાં ઘટાડો કરવા તેમજ બિન-બાસમતી ચોખાની નિકાસ પરના નિયંત્રણો અને ઘરોમાં વપરાતા ગેસ સિલિન્ડરની કિંમતમાં ઘટાડો કરવાના કેન્દ્રના પગલાંને ટાંકીને આ વાત કરી હતી.
ઓગસ્ટમાં ફુગાવાનો દર ઘણો ઊંચો રહ્યો: RBI ગવર્નર
આરબીઆઈ ગવર્નર દેવી અહિલ્યા યુનિવર્સિટી, ઈન્દોરમાં આયોજિત કાર્યક્રમને સંબોધિત કરી રહ્યા હતા. આ પહેલા તેઓ આરબીઆઈના સેન્ટ્રલ બોર્ડની બેઠકમાં પણ સામેલ થયા હતા. RBI ગવર્નરે કહ્યું હતું કે, ‘એવી અપેક્ષા છે કે સપ્ટેમ્બરથી છૂટક મોંઘવારી દરમાં ઘટાડો થશે. જો કે, ઓગસ્ટનો (છૂટક) મોંઘવારી દર ઘણો ઊંચો રહ્યો હતો, પરંતુ સપ્ટેમ્બરથી મોંઘવાર ધટી શકે છે.
રાંધણ ગેસ સિલિન્ડરની કિંમતમાં ઘટાડો
તેમણે કહ્યું કે ટામેટાંના ભાવ પહેલાથી જ ઘટી ગયા છે. આ મહિનાથી અન્ય શાકભાજીના છૂટક ભાવમાં પણ ઘટાડો થવાની ધારણા છે. દાસે કહ્યું કે સરકારે લોકોને પોષણક્ષમ ભાવે ટામેટાં અને સામાન્ય જરૂરિયાતની અન્ય વસ્તુઓનો પુરવઠો સુનિશ્ચિત કરવા માટે ઘણાં પગલાં લીધાં છે. તેમણે કહ્યું, ‘બિન બાસમતી ચોખાની નિકાસ પર નિયંત્રણો લાદવામાં આવ્યા છે. તાજેતરમાં એલપીજી સિલિન્ડરની કિંમતમાં પણ ઘટાડો કરવામાં આવ્યો છે.
આરબીઆઈ ગવર્નરે કહ્યું કે તમામ વૈશ્વિક પડકારો છતાં ભારત વિશ્વની સૌથી ઝડપથી વિકસતી મોટી અર્થવ્યવસ્થાઓમાં સામેલ છે. દાસે જણાવ્યું હતું કે મજબૂત નિયમનકારી પગલાંને કારણે ભારતીય બેન્કોની સ્થિતિ મજબૂત અને સ્થિર છે, પરંતુ સ્થાનિક નાણાકીય વિશ્વને હંમેશા સાવચેત રહેવાની જરૂર છે. તેણે કહ્યું, ‘તમે અમેરિકામાં કેટલીક બેંકો અને સ્વિટ્ઝર્લેન્ડમાં ક્રેડિટ સુઈસ જેવી મોટી બેંકો તાજેતરમાં નિષ્ફળ થતી જોઈ હશે. પરંતુ આ વૈશ્વિક ઉથલપાથલની ભારત પર કોઈ અસર થઈ નથી.
આ પણ વાંચો: સરકારે ક્રૂડ પેટ્રોલિયમ પર વિન્ડફોલ ટેક્સ ઘટાડ્યો, ડીઝલ અને ATFમાં વધારો
