ઈન્ડી ગઠબંધનને 295થી વધુ બેઠકો મળવા જઈ રહી છે: મલ્લિકાર્જુન ખડગે

દિલ્હી, 01 જૂન: કોંગ્રેસ અધ્યક્ષ મલ્લિકાર્જુન ખડગેના ઘરે ઈન્ડી ગઠબંધનના નેતાઓની બેઠક યોજાઈ હતી. આ બેઠક પૂરી થયા બાદ ઈન્ડી ગઠબંધનના નેતાઓ સંયુક્ત રીતે પત્રકારોને સંબોધિત કરી રહ્યા છે. ખડગેએ દાવો કર્યો હતો કે ઈન્ડી ગઠબંધન 295+ બેઠકો જીતી રહ્યું છે અને આ જનતાનો સર્વે છે. તેમણે કહ્યું કે ભારતમાં 4 જૂને ગઠબંધન સરકાર રચાશે. મલ્લિકાર્જુન ખડગેએ જણાવ્યું હતું કે ઈન્ડી ગઠબંધન પક્ષોના નેતાઓ આજે અનૌપચારિક રીતે મળ્યા હતા અને મતગણતરી દિવસની તૈયારીઓની સમીક્ષા કરી હતી. લડાઈ હજુ પૂરી થઈ નથી અને તમામ પક્ષોના નેતાઓ અને કાર્યકરો અત્યંત સતર્ક છે.

ખડગેએ કહ્યું કે હું તેમની હાજરી માટે દરેકનો આભાર માનું છું. અમે 2024ની ચૂંટણી અમારી પૂરી તાકાતથી લડી છે અને અમને સકારાત્મક પરિણામ આવશે એનો પૂરો વિશ્વાસ છે. ભારતના લોકોએ અમને સમર્થન આપ્યું છે. ખડગેએ કહ્યું કે અમે આજે એક બેઠક કરી હતી જેમાં અમે ઘણા મુદ્દાઓ પર વાત કરી હતી. ખાસ કરીને ચૂંટણીઓ પર, અમે ચૂંટણી દરમિયાન ગઠબંધનની નબળાઈઓ વિશે વાત કરી અને આ દરમિયાન અમે શું પાઠ શીખ્યા આ અંગે પણ ચર્ચા કરી હતી. દરમિયાન, આરજેડી નેતા તેજસ્વી યાદવે X પર એક પોસ્ટમાં કહ્યું કે “જીતી રહ્યું છે ભારત, જીતી રહી છે જનતા, જનતાનો એક્ઝિટ પોલ 295+.”

जीत रहा है इंडिया
जीत रही है जनता

जनता का Exit Poll- 295+

— Tejashwi Yadav (@yadavtejashwi) June 1, 2024

કોંગ્રેસ અધ્યક્ષ ખડગેના નિવાસસ્થાને ઈન્ડી ગઠબંધનની બેઠકમાંCPP અધ્યક્ષ સોનિયા ગાંધી, રાહુલ ગાંધી સહિતના મોટા નેતાઓએ હાજરી આપી હતી. ઈન્ડી ગઠબંધનની બેઠકમાં આમ આદમી પાર્ટીના અરવિંદ કેજરીવાલ અને ભગવંત માન, સંજય સિંહ અને રાઘવ ચઢ્ઢા પણ હાજર રહ્યા હતા. સીપીએમના મહાસચિવ સીતારામ યેચુરી પણ બેઠકમાં હાજર હતા. જ્યારે નેશનલ કોન્ફરન્સના ફારુક અબ્દુલ્લાની પણ બેઠકમાં હાજરી જોવા મળી હતી.

The leaders of INDIA parties are informally meeting today to take stock of the preparations leading up to the counting day.

The fight is still not over, and the leaders and workers of all the parties are extremely alert.

I thank each one of them for their esteemed presence.… pic.twitter.com/EjcpNAktlT

— Mallikarjun Kharge (@kharge) June 1, 2024

ડીએમકે તરફથી ટીઆર બાલુ ઈન્ડી ગઠબંધનની બેઠકમાં પહોંચ્યા હતા. જેએમએમની કલ્પના સોરેન પણ ત્યાં પહોંચી હતી. શરદ પવાર એનસીપી શરદ જૂથ તરફથી આવ્યા હતા. સીપીઆઈના મહાસચિવ ડી રાજા ઈન્ડી ગઠબંધનની બેઠક દરમિયાન કોંગ્રેસના રાષ્ટ્રીય અધ્યક્ષ મલ્લિકાર્જુન ખડગેના નિવાસસ્થાને પહોંચ્યા હતા. સમાજવાદી પાર્ટીના વડા અને કન્નૌજ લોકસભા સીટના ઉમેદવાર અખિલેશ યાદવ પણ બેઠકમાં પહોંચ્યા હતા અને કહ્યું કે ભારતમાં ગઠબંધન સરકાર આવશે.

આ પણ વાંચો: ચૂંટણી પરિણામો પહેલા એક્ઝિટ પોલ પર તેજસ્વી યાદવ થયા ગુસ્સે, કહ્યું…