ઈન્ડિગોએ 4 જાન્યુઆરીથી ટિકિટ પરનો ફ્યુઅલ ચાર્જ હટાવ્યો, શું ફ્લાઈટના ભાડા ઘટશે?
- દેશભરમાં 1 જાન્યુઆરીથી ATFના ભાવમાં 4 ટકાનો ઘટાડો કરવામાં આવ્યો
- ATFના ભાવમાં ઘટાડો થતાં આગામી દિવસોમાં ફ્લાઇટના ભાડામાં પણ ઘટાડો થવાની સંભાવના
નવી દિલ્હી, 4 જાન્યુઆરી : દેશભરમાં 1 જાન્યુઆરીથી એવિએશન ટર્બાઈન ફ્યુઅલ (ATF)ના ભાવમાં 4 ટકાનો ઘટાડો કરવામાં આવ્યો છે. તેના કારણે જ ડોમેસ્ટિક એરલાઈન ઈન્ડિગોએ એવિએશન ફ્યુઅલના ભાવમાં ઘટાડા બાદ ગુરુવારથી ફ્યુઅલ ચાર્જ લેવાનું બંધ કરવાની જાહેરાત કરી છે. આગામી દિવસોમાં ફ્લાઇટના ભાડામાં પણ ઘટાડો થવાની ધારણા છે. ઉલ્લેખનીય છે કે, એરલાઈને અગાઉ ATF (એવિએશન ટર્બાઈન ફ્યુઅલ)ની કિંમતોમાં વધારો થયા બાદ ઓક્ટોબર 2023ની શરૂઆતથી ઈંધણ ડ્યૂટી વસૂલવાનું શરૂ કર્યું હતું. મળતી માહિતી મુજબ, જેને એરલાઈને 4 જાન્યુઆરી, 2024થી હટાવી દીધી છે. એરલાઇન કંપનીનું કહેવું છે કે, ATFના ભાવમાં તાજેતરમાં થયેલા ઘટાડાને કારણે ફ્યુઅલ ચાર્જ પાછો ખેંચી લેવામાં આવ્યો છે.
IndiGo has removed fuel charge applicable on its domestic and international routes, effective from today. The fuel charge was introduced in October 2023, following a surge in Aviation Turbine Fuel (ATF) prices: Airline spokesperson
— ANI (@ANI) January 4, 2024
ડોમેસ્ટિક અને ઈન્ટરનેશનલ ફ્લાઈટ્સ પર ફ્યુઅલ ચાર્જ લાગુ હતો
અહેવાલ અનુસાર, ઈન્ડિગો દ્વારા જારી કરવામાં આવેલા નિવેદનમાં કહેવામાં આવ્યું છે કે ATFની કિંમતોમાં વધઘટ થતી રહે છે. તેથી, અમે કિંમતો અથવા બજારની પરિસ્થિતિઓમાં કોઈપણ ફેરફારોને પ્રતિસાદ આપવા માટે અમારા ભાડા અને તેના ઘટકોને સમાયોજિત કરવાનું ચાલુ રાખીશું. એરલાઇનની ડોમેસ્ટિક અને ઇન્ટરનેશનલ ફ્લાઇટ્સ પર ફ્યુઅલ ચાર્જ લાગુ થતો હતો. ઉલ્લેખનીય છે કે, 1 જાન્યુઆરીથી દેશભરમાં ATFની કિંમતોમાં 4 ટકાનો ઘટાડો કરવામાં આવ્યો છે.
ફ્લાઇટ ટિકિટ થશે સસ્તી !
માનવામાં આવી રહ્યું છે કે, ATFની કિંમતમાં ઘટાડાને કારણે એરલાઈન્સ કંપનીઓ ફ્લાઈટ ટિકિટ પર મુસાફરોને રાહતની જાહેરાત કરી શકે છે. જો આપણે ATFના નવીનતમ ભાવ પર નજર કરીએ તો, દિલ્હીમાં ATFની કિંમત 4,162.5 રૂપિયા અથવા 3.9 ટકાના ઘટાડા સાથે 101,993.17 રૂપિયા પ્રતિ કિલોલીટર થઈ ગઈ છે. ATF એટલે કે જેટ ફ્યુઅલની કિંમતોમાં આ સતત ત્રીજો ઘટાડો છે. ઉલ્લેખનીય છે કે, ATFની કિંમત એરલાઇનની ઓપરેશનલ કોસ્ટના 40 ટકા છે. ઇંધણના નીચા ભાવ નાણાકીય દબાણનો સામનો કરી રહેલી સ્થાનિક એરલાઇન્સ પરના બોજને ઘટાડવામાં મદદ કરશે.
આ પણ જુઓ :દિલ્હી એક્સાઇઝ પોલિસી: કેજરીવાલ સામે કયા 5 આરોપ જે વિશે ED પૂછપરછ કરવા માંગે છે?
