એશિયન ગેમ્સ: ભારતનું શાનદાર પ્રદર્શન, શૂટિંગમાં પુરુષોની ટીમે ગોલ્ડ અને મહિલા ટીમે સિલ્વર જીત્યો

એશિયન ગેમ્સમાં ભારત દરરોજ ડંકો વગાડી રહ્યું છે. છઠ્ઠા દિવસે શૂટિંગમાં ભારતને ગોલ્ડ અને સિલ્વર મેડલ મળ્યો છે. 10 મીટર એર પિસ્તોલ ઈવેન્ટમાં ભારતીય મહિલા ટીમે સિલ્વર જીત્યો, જે છઠ્ઠા દિવસે ભારતનો પહેલો મેડલ હતો. આ પછી, પુરુષોની ટીમે 50 મીટર 3Pમાં ગોલ્ડ જીત્યો. શૂટિંગમાં ભારત તરફથી શાનદાર પ્રદર્શન ચાલુ છે.

🥇 1️⃣𝙨𝙩 𝙂𝙊𝙇𝘿 𝙤𝙛 𝙩𝙝𝙚 𝙙𝙖𝙮🔥

🇮🇳's M 50m Rifle 3Ps team, featuring the trio – Aishwary Pratap Singh Tomar, @KusaleSwapnil, and Akhil Sheoran, secured the 𝙂𝙊𝙇𝘿 𝙈𝙀𝘿𝘼𝙇 today, beginning the day on a golden note! 🏆🎯

Let's shower our champions with applause and… pic.twitter.com/YxcsvLXuSG

— SAI Media (@Media_SAI) September 29, 2023

સ્વપ્નિલ કુસલે, ઐશ્વરી તોમર, અખિલ શિયોરાનની પુરુષ ટીમે 50 મીટર રાઇફલ 3P ઇવેન્ટમાં ભારત માટે ગોલ્ડ જીત્યો હતો. ઈશા, દિવ્યા અને પલકની મહિલા ટીમની ત્રિપુટીએ 10 મીટર એર પિસ્તોલ ઈવેન્ટમાં દેશ માટે સિલ્વર મેડલ જીત્યો હતો. ભારતે અત્યાર સુધીમાં શૂટિંગમાં કુલ 15 મેડલ જીત્યા છે. ગોલ્ડ જીતવાની સાથે મેન્સ ટીમે વર્લ્ડ રેકોર્ડ પણ બનાવ્યો હતો. ભારતીય ટીમે 1769 સ્કોર બનાવ્યો હતો. જ્યારે ચીને 1763નો સ્કોર કરીને સિલ્વર જીત્યો હતો. આ સિવાય દક્ષિણ કોરિયાએ 1748ના સ્કોર સાથે ત્રીજું સ્થાન મેળવીને બ્રોન્ઝ જીત્યો હતો.

🥈 𝗣𝘂𝗿𝗲 𝗕𝗿𝗶𝗹𝗹𝗶𝗮𝗻𝗰𝗲 𝗙𝗿𝗼𝗺 𝗼𝘂𝗿 𝗦𝗵𝗼𝗼𝘁𝗲𝗿𝘀 𝗮𝘁 #𝗔𝘀𝗶𝗮𝗻𝗚𝗮𝗺𝗲𝘀𝟮𝟬𝟮𝟮! 🥈

The 10m Air Pistol team of Divya, @singhesha10 Palak secured the 𝙎𝙞𝙡𝙫𝙚𝙧 𝙈𝙚𝙙𝙖𝙡 today, beginning the day on a shining note! 🏆🎯

Proud of you all 🙌👏#Cheer4India… pic.twitter.com/RKPZg16lfm

— SAI Media (@Media_SAI) September 29, 2023

મહિલા ટીમની વાત કરીએ તો ઈશા, દિવ્યા અને પલકની ત્રિપુટીએ બીજું સ્થાન મેળવીને સિલ્વર મેડલ જીત્યો હતો. નંબર વન રહીને યજમાન ચીને ગોલ્ડ જીત્યો હતો. મહિલા ભારતીય ટીમે પહેલા રાઉન્ડમાં 287, બીજામાં 291, ત્રીજામાં 286, ચોથામાં 293, પાંચમામાં 286 અને છઠ્ઠા રાઉન્ડમાં 288 રન બનાવ્યા હતા.

ભારતે 7મો ગોલ્ડ જીત્યો

ભારતે અત્યાર સુધીમાં તેનો 7મો ગોલ્ડ મેડલ જીત્યો છે. આ ગોલ્ડ સાથે ભારત મેડલ ટેલીમાં પાંચમાથી ચોથા સ્થાને પહોંચી ગયું છે. ગઈકાલે, ભારત 6 ગોલ્ડ સાથે મેડલ ટેલીમાં પોઈન્ટ ટેબલમાં પાંચમા ક્રમે હતું. પરંતુ હવે ભારતીય ટીમે ઉઝબેકિસ્તાનને હરાવી વધુ એક ગોલ્ડ જીત્યો છે. ઉઝબેકિસ્તાને અત્યાર સુધીમાં 6 ગોલ્ડ મેડલ જીત્યા છે. એશિયન ગેમ્સમાં ભારતનું સતત શાનદાર પ્રદર્શન જોવા મળી રહ્યું છે.