હિન્દાલ્કો મેટલ બિઝનેસમાં 5.2 અબજ ડોલર રોકશે

મુંબઇ, 21 માર્ચઃ કોપર અને એલ્યુમિનિયમ ક્ષેત્રની અગ્રણી હિન્દાલ્કો ઈન્ડસ્ટ્રીઝે તેના કોપર, એલ્યુમિનિયમ અને વિશેષતા એલ્યુમિનિયમ બિઝનેસમાં રૂ. 45,000 કરોડ (રૂ. 5 અબજ ડોલર)ના રોકાણની જાહેરાત કરી છે. આદિત્ય બિરલા ગ્રૂપના ચેરમેન કુમારમંગલમ બિરલાએ મુંબઈમાં એક ઈવેન્ટમાં એન્જિનિયરિંગ સોલ્યુશન્સ પ્રોવાઈડર તરીકે તેના નવા લોગો અને ઓળખનું અનાવરણ કરતી વખતે આ વાત જણાવી હતી.

આ જાહેરાત મહત્વની એટલા માટે છે કે કોપર અને એલ્યુમિનિયમ કંપનીએ તેના બીજા ક્વાર્ટરના પરિણામોની રજૂઆતમાં એલ્યુમિનિયમ અને કોપર અપસ્ટ્રીમ પ્રોજેક્ટ્સમાં 4-5 અબજ ડોલરના રોકાણની જાહેરાત કરી હતી.

આ પ્રસંગે હિન્દાલ્કો ઈન્ડસ્ટ્રીઝના મેનેજિંગ ડિરેક્ટર સતીશ પાઈએ જણાવ્યું હતું કે, “તેથી, અમે અપસ્ટ્રીમ, એલ્યુમિનિયમ ડાઉનસ્ટ્રીમ, કોપર અને સ્પેશિયાલિટી બંનેમાં રૂ. 45,000 કરોડના રોકાણની જાહેરાત કરી છે. અમે કોપર સ્મેલ્ટર, એલ્યુમિનિયમ સ્મેલ્ટર, એલ્યુમિના રિફાઈનરી, કોપર રિસાયક્લિંગ પ્લાન્ટ, કોપર રિસાયક્લિંગ પ્લાન્ટ, ફોમિનિયમ પ્લાન્ટ સ્થાપી રહ્યા છીએ. તેથી, અપસ્ટ્રીમ અને ડાઉનસ્ટ્રીમ બંનેનું મિશ્રણ એ રોકાણ છે જે અમે આગામી ત્રણથી ચાર વર્ષમાં કરવા જઈ રહ્યા છીએ.”

નોંધનીય છે કે ગઇકાલે બીએસઇ પર હિન્દાલ્કોના શેરનો ભાવ 1.07 ટકા વધીને રૂ. 706 પર બંધ આવ્યો હતો. એનાલિસ્ટોના અનુસાર આ શેરમાં આગામી 3-4 મહિના માટે રોકાણ કરવામાં આવે તો લાભ અપાવી શકે છે.

આપણ વાંચોઃ એમેઝોન, ફ્લિપકાર્ટ પર BISના દરોડા, ભારતીય ગુણવત્તા નિયંત્રણ નિયમ તોડ્યા