ભારતમાં 14 વર્ષમાં ગ્રીનહાઉસ ગેસના ઉત્સર્જનમાં 33 ટકાનો ઘટાડો થયો

• વિશ્વની ઘણી અર્થવ્યવસ્થાઓ મંદીમાં છે.
• ભારતે પોતાની સંકલ્પ શક્તિ સાથે મોટું પરાક્રમ કરીને બતાવ્યું છે
• આ સિદ્ધિ બાદ ભારતે 2030 સુધી પોતાના માટે મોટું લક્ષ્ય નક્કી કર્યું છે.

નવી દિલ્હી, 4 ડિસેમ્બર: ભારત ઝડપથી વિશ્વમાં વિકસિત દેશ બનવા તરફ આગળ વધી રહ્યું છે.જ્યારે વિશ્વની અન્ય અર્થવ્યવસ્થાઓ મંદીના સમયગાળામાં છે. આવી સ્થિતિમાં ભારતે વધુ એક મોટી ઉપલબ્ધિ હાંસલ કરી છે. ભારતે 14 વર્ષમાં ગ્રીનહાઉસ ગેસના ઉત્સર્જનમાં 33 ટકાનો ઘટાડો કરવાની સિદ્ધિ હાંસલ કરી છે. આજે વૈશ્વિક મંચોમાં ભારતના વિચારોને ગંભીરતાથી લેવામાં આવે છે. ભારત પોતાની વાત શક્તિ સાથે રજૂ કરે છે, કારણ કે ભારતમાં વિકાસ ઝડપી ગતિએ થઈ રહ્યો છે

એક સરકારી રિપોર્ટમાં દાવો કરવામાં આવ્યો છે કે, ભારતે 2005થી 2019 દરમિયાન 14 વર્ષમાં ગ્રીનહાઉસ ગેસના ઉત્સર્જનમાં 33 ટકાનો ઘટાડો કર્યો છે. રિપોર્ટ અનુસાર, યુનાઈટેડ નેશન્સ ફ્રેમવર્ક કોન્ફરન્સ ઓન ક્લાઈમેટ ચેન્જ (UNFCCC)માં નિર્ધારિત લક્ષ્‍યાંક અનુસાર 2030 સુધીમાં તેમાં 45 ટકાનો ઘટાડો કરવાનો છે. ભારત આ લક્ષ્યની ખૂબ નજીક પહોંચી ગયું છે.

આ રીતે સફળતા મળી

નિષ્ણાતોના મતે આ સફળતા પુનઃપ્રાપ્ય ઉર્જા ઉત્પાદન અને વન આવરણમાં વધારાને કારણે પ્રાપ્ત થઈ છે. 2019 સુધીમાં વન આવરણ 24.56% સુધી પહોંચી ગયું છે. આ સમયગાળા દરમિયાન કોલસામાંથી વીજળી ઉત્પન્ન કરતા થર્મલ પાવર પ્લાન્ટ્સનું યોગદાન 75% થી ઘટીને 73% થઈ ગયું છે.

આ રિપોર્ટ યુએનને સુપરત કરવામાં આવશે

‘ધ થર્ડ નેશનલ કોમ્યુનિકેશન ટુ ધ યુનાઈટેડ નેશન્સ ફ્રેમવર્ક કન્વેન્શન ઓન ક્લાઈમેટ ચેન્જ’ નામનો રિપોર્ટ દુબઈમાં ચાલી રહેલી ક્લાઈમેટ સમિટ દરમિયાન યુએન ક્લાઈમેટ ચેન્જ બોડીને સુપરત કરવામાં આવશે.

રિપોર્ટમાં એમ પણ કહેવામાં આવ્યું છે કે ભારતનો જીડીપી આ 14 વર્ષોમાં 7 ટકાના સંચિત વાર્ષિક વૃદ્ધિ દરે વધ્યો છે, પરંતુ આ સમયગાળા દરમિયાન તેના ગ્રીનહાઉસ ગેસ ઉત્સર્જનમાં દર વર્ષે માત્ર 4 ટકાનો વધારો થયો છે. આ દર્શાવે છે કે ભારત પર્યાવરણને નુકસાન પહોંચાડ્યા વિના તેની આર્થિક વૃદ્ધિ હાંસલ કરવામાં સફળ રહ્યું છે. નિષ્ણાતોના મતે આ સફળતા પુનઃપ્રાપ્ય ઉર્જા ઉત્પાદન અને વન આવરણમાં વધારાને કારણે પ્રાપ્ત થઈ છે.

ગ્રીન હાઉસ ગેસનું ઉત્સર્જન ઝડપથી ઘટ્યું

રિપોર્ટમાં એવું પણ બહાર આવ્યું છે કે 2014થી 2016 વચ્ચે ગ્રીનહાઉસ ગેસનું ઉત્સર્જન વાર્ષિક 1.5 ટકાના દરે ઘટી રહ્યું હતું. તેમજ 2016થી 2019 વચ્ચે તે ત્રણ ટકાના દરે ઘટવાનું શરૂ કર્યું. પર્યાવરણ મંત્રી ભૂપેન્દ્ર યાદવે જણાવ્યું હતું કે, ભારતે 2005 અને 2019 વચ્ચે તેના જીડીપી ઉત્સર્જનની તીવ્રતામાં 33 ટકાનો ઘટાડો કર્યો છે. લગભગ 11 વર્ષ પહેલા આપણે આ લક્ષ્ય હાંસલ કર્યું છે. ઉત્સર્જન ઘટવા છતાં ભારતીય અર્થવ્યવસ્થા વધી રહી છે.

વિકસિત દેશો ભારતને નિશાન બનાવી રહ્યા છે

નિષ્ણાતોના મતે છેલ્લા કેટલાક વર્ષોમાં કોલસામાંથી વીજળીનું ઉત્પાદન કરવા બદલ વિકસિત દેશોમાં ભારતની ટીકા થઈ રહી છે. હવે આ દેશો આ માટે ભારત પર દબાણ લાવી શકશે નહીં, કારણ કે ભારત ઉત્સર્જન ઘટાડવા માટે નિર્ધારિત લક્ષ્યાંકને ઘણું વહેલું હાંસલ કરી રહ્યું હોવાનું જણાય છે.

 આ પણ વાંચો, હાલારતીર્થ આરાધના ધામમાં ત્રિદિવસીય જિનભક્તિ મહોત્સવનું આયોજન