- અભિષેક શર્માએ ફટકારી જોરદાર સદી
- માત્ર 46 બોલમાં બનાવ્યા હતા 100 રન
- ગાયકવાડે 47 બોલમાં 77 રનની ઇનિંગ રમી
હરારે, 7 જુલાઈ : ભારતીય ટીમ રવિવાર 7મી જુલાઈના રોજ ઝિમ્બાબ્વે સામે બીજી T20 રમવા માટે હરારેમાં ઉતરી હતી. ઝિમ્બાબ્વેને અહીં 100 રનથી હારનો સામનો કરવો પડ્યો હતો. ભારતે ઝિમ્બાબ્વે સામે ટોસ જીતીને પ્રથમ બેટિંગ કરવાનો નિર્ણય કર્યો હતો. ભારતીય ટીમે 20 ઓવરમાં 234 રન બનાવ્યા હતા. ઝિમ્બાબ્વેને જીતવા માટે 235 રન બનાવવાના હતા. પરંતુ ઝિમ્બાબ્વે 18.4 ઓવરમાં 134 રન જ બનાવી શકી હતી. 5 મેચની T20 સિરીઝ 1-1 થી બરાબર છે.
અભિષેક શર્માનું તુફાન આવ્યું હરારેમાં
ભારત તરફથી ઓપનિંગ કરવા આવેલા કેપ્ટન શુભમન ગિલને બ્રાયન બેનેટે 2ના અંગત સ્કોર પર પેવેલિયન મોકલ્યો હતો. આ પછી અભિષેક શર્મા અને ઋતુરાજ ગાયકવાડનું તોફાન જોવા મળ્યું હતું. 8મી ઓવરના પાંચમા બોલ પર અભિષેક શર્માને જીવનદાન મળ્યું હતું. મસાકઝાદાએ તેનો કેચ છોડ્યો. આ પછી અભિષેકે પાછું વળીને જોયું નથી અને તેણે માત્ર 46 બોલમાં સદી ફટકારી હતી. અભિષેકે પોતાની ઇનિંગમાં 8 સિક્સ અને 7 ફોર ફટકારી હતી.
ગાયકવાડ અને રિંકુએ પણ જોરદાર ઇનિંગ રમી હતી
ઋતુરાજ ગાયકવાડે ઝિમ્બાબ્વે સામેની બીજી T20 મેચમાં અડધી સદી ફટકારી હતી. ગાયકવાડે અત્યાર સુધી પોતાની ઇનિંગમાં 11 ફોર અને 1 સિક્સર ફટકારી છે. ગાયકવાડે 38 બોલમાં પોતાની ફિફ્ટી પૂરી કરી હતી. તેણે 47 બોલમાં 77 રનની ઇનિંગ રમી હતી. ત્યારે રિંકુ સિંહ ખતરનાક સ્વરૂપમાં જોવા મળ્યો હતો. રિંકુએ સિક્સર ફટકારીને ટીમના સ્કોરને 200ની પાર પહોંચાડી દીધો હતો. તેણે 22 બોલમાં 48 રન બનાવ્યા હતા. આ રીતે ટીમે 20 ઓવરમાં 2 વિકેટ ગુમાવીને 234 રન બનાવ્યા હતા.
ઝિમ્બાબ્વે દ્વારા નબળી બેટિંગ કરાઈ
હવે ઝિમ્બાબ્વે સામે 235 રનનો ટાર્ગેટ હતો. આ સ્કોરનો પીછો કરવા આવેલી ટીમ રનમાં ઓલઆઉટ થઈ ગઈ હતી. ઓપનર નિર્દોષ કૈયા 4 રન બનાવીને આઉટ થયો હતો. મુકેશે પ્રથમ ઓવરના ત્રીજા બોલ પર તેને ક્લીન બોલ્ડ કરીને ભારતને પ્રથમ વિકેટ અપાવી હતી. તેની સાથે આવેલો બ્રાયન બેનેટ ખતરનાક લાગતો હતો પરંતુ મુકેશે તેને ક્લીન બોલ્ડ કર્યો હતો. બ્રાયન બેનેટ 9 બોલમાં 26 રન બનાવીને આઉટ થયો હતો. આ સિવાય ડીયોન મેયર્સ 0, સિકંદર રઝા 4, ક્લાઈવ મડાન્ડે 0 અને વેલિંગ્ટન મસ્કાઝાદા 1 રન બનાવી શક્યો હતો. ઝિમ્બાબ્વે તરફથી વેઝેલી માધવેરેએ સૌથી વધુ રન બનાવ્યા હતા. આવી ટીમ 18.4 ઓવરમાં માત્ર 134 રન જ બનાવી શકી હતી. ભારત તરફથી અવેશ ખાન અને મુકેશ કુમારે 3-3 વિકેટ લીધી હતી.
ત્રીજી T20 10 જુલાઈએ રમાશે
5 મેચની T20 સિરીઝ 1-1 થી બરાબર છે. હવે આગામી એટલે કે ત્રીજી T20 મેચ બુધવાર 10 જુલાઈના રોજ હરારેમાં રમાશે. ભારતીય ટીમ આ મેચ જીતીને સિરીઝમાં લીડ મેળવવા ઇચ્છશે. શુભમન ગિલ ભારતીય ટીમની કમાન સંભાળતા જોવા મળશે.
