ફેબ્રુઆરીમાં સતત 6ઠ્ઠી વખત ભારતીય થર્મલ કોલસાની આયાતમાં ઘટાડો

સિંગાપુર, 11 માર્ચઃ મુખ્યત્વે વીજ ઉત્પાદનમાં વપરાતા ભારતના થર્મલ કોલસાની આયાત ફેબ્રુઆરીમાં સતત 6ઠ્ઠા મહિને ઘટી છે એમ શિપ ટ્રેકીંગ ડેટા દર્શાવે છે. તેનું મુખ્ય કારણ એ છે કે ઉત્પાદન પ્રવૃત્તિ ધીમી પડતા વીજ ઉત્પાદન મંદ ગતિએ વધ્યુ હતું. તુલનાત્મક રીતે જોઇએ તો ફેબ્રુઆરી 2022થી અત્યાર સુધીમાં સૌથી મોટો ગાળો છે, જેમાં સતત આઠમાં મહિને આયાતમાં ઘટાડો થયો છે.

વિશ્વની સૌથી ઝડપથી વિકસતા આ અર્થતંત્રમાં છેલ્લા એક વર્ષથી ઉત્પાદન પ્રવૃત્તિ અત્યંત નબળા સ્તરે છે, જેના કારણે દેશમાં સિબોર્ડ કોલસાની આયાત ક્ષમતા નબળી પડી છે અન વૈશ્વિક થર્મલ કોલસાની કિંમતોમાં ઘટાડા પર દબાણ કર્યુ છે.

વિશ્વમાં સૌથી મોટા આયાતકાર એવા ભારત દ્વારા થર્મલ કોલસાની આયાત ફેબ્રુઆરીમાં 15.3 ટકા ઘટીને 12.16 મિલીયન મેટ્રીક ટન રહી છે એમ ભારતીય કન્સલ્ટન્સી બિગમિન્ટ દર્શાવે છે. વધુમાં ઉત્પાદનમાં ધીમી ગતિ ઉપરાંત ઘરેલુ ઉત્પાદનમાં વધારો થઇ રહ્યો છે અને રિન્યુએબલ એનર્જીનો મહત્તમ હિસ્સો પણ ઓછી આયાત માટે જવાબદાર છે, જેના કારણે વર્ષના પ્રથમ બે મહિનામાં દેશની કોલસા આધારિત વીજ ઉત્પાદન ક્ષમતા મહદઅંશે સ્થિર રહી હતી.

એપ્રિલ અને જૂન વચ્ચે ઉનાળાના મહિનાઓ દરમિયાન વીજળીના વપરાશમાં વધારાને પહોંચી વળવા માટે યુટિલિટીઝ આગામી મહિનાઓમાં કોલસાના વપરાશમાં વધારો થવાની ધારણા છે, પરંતુ સ્થાનિક ઉત્પાદન પણ વધી રહ્યું હોવાથી આયાતમાં વધારો થવાની શક્યતા નથી.

“ઉનાળાની ઋતુ દરમિયાન આગામી મહિનાઓમાં કોલસાની માંગ મજબૂત રહેવાની ધારણા છે. જોકે, વીજળી સિવાયના ક્ષેત્રો સુસ્ત બજારની સ્થિતિનો અનુભવ કરવાનું ચાલુ રાખે છે,” ભારત સ્થિત કોલસા વેપાર કંપની I-Energyએ સોમવારે એક નોંધમાં જણાવ્યું હતું.

નબળી વૈશ્વિક માંગ અંગે બજારની ચિંતાઓ વચ્ચે 2025 માં અનેક વર્ષોના નીચા સ્તરે ગયા પછી, તાજેતરના સપ્તાહમાં થર્મલ કોલસાના ભાવમાં થોડો વધારો થયો છે. જો કે, તેઓ હજુ પણ પાછલા દાયકાના બીજા ભાગમાં જોવા મળેલા સ્તર કરતાં તેના ભાવ 30%થી વધુ ચાલી રહ્યા છે.

ભારતીય થર્મલ કોલસાની આયાતમાં સતત ઘટાડો એવા સમયે થયો છે જ્યારે ટોચના આયાતકાર ચીન દ્વારા ખરીદવામાં આવતા શિપમેન્ટ વધી રહ્યા છે, જોકે વિશ્લેષકો અને ઉદ્યોગ અધિકારીઓએ આગામી મહિનાઓમાં સંભવિત જોખમોની આગાહી કરી છે.

આ પણ વાંચોઃ IIFA એવોર્ડમાં ગુજરાતી અભિનેત્રી જાનકી બોડીવાલા છવાઈ ગઈ, શૈતાન ફિલ્મ માટે મળ્યો એવોર્ડ