મહિલા T20 વર્લ્ડ કપ તેમજ ત્રિકોણીય શ્રેણી માટે ભારતીય ટીમની જાહેરાત : આ ખેલાડીઓને મળ્યો મોકો

ભારતીય ક્રિકેટ કંટ્રોલ બોર્ડ (BCCI) એ આજે  મહિલા T20 વર્લ્ડ કપ માટે ટીમ ઈન્ડિયાની જાહેરાત કરી હતી, જેમાં હરમનપ્રીત કૌરની કેપ્ટનશીપમાં 15 સભ્યોની ટીમની જાહેરાત કરવામાં આવી છે. આ ઉપરાંત સ્મૃતિ મંધાનાને ટીમના વાઇસ કેપ્ટન તરીકે નિયુક્ત કરવામાં આવી છે. T20 વર્લ્ડ કપ 10 ફેબ્રુઆરીથી દક્ષિણ આફ્રિકામાં રમાશે. આ સાથે જાન્યુઆરીમાં દક્ષિણ આફ્રિકામાં યોજાનારી ત્રિકોણીય શ્રેણી માટે પણ ટીમની જાહેરાત કરવામાં આવી છે.

આ પણ વાંચો : હોકી વર્લ્ડ કપ માટે ભારતીય ટીમની જાહેરાત : હરમનપ્રીતને મળી ટીમની કમાન

T20 વર્લ્ડ કપમાં ભારતીય ટીમ તેની પ્રથમ મેચ 12 ફેબ્રુઆરીએ કેપટાઉનમાં પાકિસ્તાન સામે રમશે. ગ્રુપ-2માં ટીમ ઈન્ડિયાની સાથે ઈંગ્લેન્ડ, વેસ્ટ ઈન્ડિઝ, પાકિસ્તાન અને આયર્લેન્ડ છે. ગ્રૂપમાં ટોચની બે ટીમો સેમિફાઇનલ માટે ક્વોલિફાય થશે.જ્યારે  ટૂર્નામેન્ટની ફાઇનલ મેચ 26 ફેબ્રુઆરીએ કેપટાઉનમાં રમાશે.

NEWS ???? – India squad for ICC Women’s T20 World Cup 2023 & tri-series in South Africa announced.

More details here – https://t.co/3JVkfaDFPN #TeamIndia pic.twitter.com/FJex4VhAG6

— BCCI Women (@BCCIWomen) December 28, 2022

ICC મહિલા T20 વર્લ્ડ કપ માટે ભારતની ટીમ

હરમનપ્રીત કૌર (કેપ્ટન), સ્મૃતિ મંધાના (વાઈસ-કેપ્ટન), શેફાલી વર્મા, યાસ્તિકા ભાટિયા (વિકેટ-કીપર), રિચા ઘોષ (વિકેટ-કીપર), જેમિમા રોડ્રિગ્સ, હરલીન દેઓલ, દીપ્તિ શર્મા, દેવિકા વૈદ્ય, રાધા યાદવ, રેણુકા ઠાકુર , અંજલિ સરવાણી, પૂજા વસ્ત્રાકર ( ફિટનેસ પર આધાર રાખીને), રાજેશ્વરી ગાયકવાડ, શિખા પાંડે.

રિઝર્વ ખેલાડીઓઃ સબીનેની મેઘના, સ્નેહ રાણા, મેઘના સિંહ.

આ ઉપરાંત પૂજા વસ્ત્રાકરને વર્લ્ડ કપની ટીમમાં સ્થાન આપવામાં આવ્યું છે, પરંતુ ટૂર્નામેન્ટ શરૂ થાય તે પહેલા તેણે પોતાની ફિટનેસ સાબિત કરવી પડશે. જો પૂજા પોતાની ફિટનેસ સાબિત કરી શકતી નથી તો તેના સ્થાને મેઘના સિંહને તક આપવામાં આવી શકે છે.

મહિલા T20 વર્લ્ડ કપ 2023માં ભારતનું શિડ્યૂલ

• 12 ફેબ્રુઆરી –  ભારત  vs પાકિસ્તાન (કેપ ટાઉન)
• 15 ફેબ્રુઆરી –  ભારત  vs વેસ્ટ ઈન્ડિઝ  (કેપ ટાઉન)
• 18 ફેબ્રુઆરી –   ભારત  vs ઈંગ્લેન્ડ (પોર્ટ એલિઝાબેથ)
• 20 ફેબ્રુઆરી ભારત  vs આયર્લેન્ડ (પોર્ટ એલિઝાબેથ)

વર્લ્ડ કપ પહેલાં ભારતીય ટીમ ત્રિકોણીય શ્રેણી રમશે

T20 વર્લ્ડ કપ પહેલાં ભારતીય ટીમ ત્રિકોણીય શ્રેણી રમશે. આ  ત્રિકોણીય શ્રેણીમાં ભારત સિવાય દક્ષિણ આફ્રિકા અને વેસ્ટ ઈન્ડિઝની ટીમો રહેશે.  T20 વર્લ્ડ કપ પહેલા  19 જાન્યુઆરીથી શરૂ થતી આ ત્રિકોણીય શ્રેણીમાં ભારત, દક્ષિણ આફ્રિકા અને વેસ્ટ ઈન્ડિઝની ટીમો વચ્ચે ટક્કર થશે.

ત્રિકોણીય શ્રેણી માટે ભારતીય ટીમ

હરમનપ્રીત કૌર (કેપ્ટન), સ્મૃતિ મંધાના (વાઈસ-કેપ્ટન), યાસ્તિકા ભાટિયા (વિકેટ-કીપર), જેમિમા રોડ્રિગ્સ, હરલીન દેઓલ, દીપ્તિ શર્મા, દેવિકા વૈદ્ય, રાજેશ્વરી ગાયકવાડ, રાધા યાદવ, રેણુકા ઠાકુર, મેઘના સિંહ, અંજલિ સરવૈયા, અંજલિ સરવૈયા. વર્મા (વિકેટ-કીપર) ), અમનજોત કૌર, પૂજા વસ્ત્રાકર, સબીનેની મેઘના, સ્નેહ રાણા, શિખા પાંડે.

ભારત, દક્ષિણ આફ્રિકા અને વેસ્ટ ઈન્ડિઝની મહિલા ટીમની ત્રિકોણીય શ્રેણીનું શિડ્યૂલ

• 19 જાન્યુઆરી          દક્ષિણ આફ્રિકા vs  ભારત                  (બફેલો પાર્ક, ઈસ્ટ લંડન)
• 21 જાન્યુઆરી          દક્ષિણ આફ્રિકા vs  વેસ્ટ ઈન્ડિઝ        (બફેલો પાર્ક, ઈસ્ટ લંડન)
• 23 જાન્યુઆરી                        ભારત  vs  વેસ્ટ ઈન્ડિઝ        (બફેલો પાર્ક, ઈસ્ટ લંડન)
• 25 જાન્યુઆરી          દક્ષિણ આફ્રિકા vs  વેસ્ટ ઈન્ડિઝ        (બફેલો પાર્ક, ઈસ્ટ લંડન)
• 28 જાન્યુઆરી          દક્ષિણ આફ્રિકા vs  ભારત                  (બફેલો પાર્ક, ઈસ્ટ લંડન)
• 30 જાન્યુઆરી               વેસ્ટ ઈન્ડિઝ vs ભારત                   (બફેલો પાર્ક, ઈસ્ટ લંડન)
• 2  ફેબ્રુઆરી                                   ફાઈનલ                          (બફેલો પાર્ક, ઈસ્ટ લંડન)