દેશને મળશે એકસાથે 5 વંદે ભારત ટ્રેન, PM મોદી કરશે ઉદ્ઘાટન
HD ન્યુઝ ડેસ્કઃ ભારતીય રેલ્વે 27મી જૂન એટલે કે આજે દેશવાસીઓને એક સાથે પાંચ નવી વંદે ભારત ટ્રેનો આપવા જઈ રહી છે. આ સંબંધમાં વડાપ્રધાન નરેન્દ્ર મોદી મંગળવારે મધ્યપ્રદેશના પ્રવાસે છે. તેઓ સવારે 11 વાગ્યે રાજધાની ભોપાલના રાણી કમલાપતિ રેલવે સ્ટેશનથી પાંચ વંદે ભારત ટ્રેનોને લીલી ઝંડી આપશે. આ દરમિયાન, પ્રધાનમંત્રી રાણી કમલાપતિ-જબલપુર વંદે ભારત એક્સપ્રેસને છોડીને બાકીની ચાર ટ્રેનોને વર્ચ્યુઅલ રીતે ફ્લેગ ઓફ કરશે.
આ વંદે ભારત ટ્રેનનું થશે ઉદ્ઘાટનઃ વડા પ્રધાન નરેન્દ્ર મોદી મંગળવારે ભોપાલથી રાણી કમલાપતિ-જબલપુર વંદે ભારત એક્સપ્રેસ, ખજુરાહો-ભોપાલ-ઈંદોર વંદે ભારત એક્સપ્રેસ, મડગાંવ-મુંબઈ વંદે ભારત એક્સપ્રેસ, ધારવાડ-બેંગલુરુ વંદે ભારત એક્સપ્રેસ અને રાંચી-પટના વંદે ભારત એક્સપ્રેસને લીલી ઝંડી આપશે. મધ્યપ્રદેશને આ વખતે એકસાથે બે વંદે ભારત ટ્રેન મળવા જઈ રહી છે. તે જ સમયે, ગોવા, બિહાર અને ઝારખંડને તેમની પ્રથમ વંદે ભારત ટ્રેન મળવા જઈ રહી છે. આ સિવાય કર્ણાટકને બીજી વંદે ભારત ટ્રેનની ભેટ મળવા જઈ રહી છે.
પર્યટનના મહત્વપૂર્ણ સ્થળો પરથી પસાર થશેઃ મધ્ય પ્રદેશમાં, રાણી કમલાપતિ-જબલપુર વંદે ભારત એક્સપ્રેસ ભોપાલ અને જબલપુરને જોડશે. તે રાજ્યના અનેક પ્રવાસન સ્થળો પરથી પસાર થશે. જેમાં ભેડાઘાટ, પંચમઢી અને સાતપુરાનો સમાવેશ થાય છે. જ્યારે ખજુરાહો-ભોપાલ-ઈન્દોર વંદે ભારત ટ્રેન રાજ્યના માલવા અને બુંદેલખંડ વિસ્તારોને ભોપાલ સાથે જોડશે. આ દરમિયાન આ ટ્રેન મહાકાલેશ્વર, માંડુ, મહેશ્વર, ખજુરાહો જેવા પર્યટનના મહત્વપૂર્ણ સ્થળો પરથી પસાર થશે.
આ પણ વાંચોઃ કેરળને પહેલી વંદે ભારતની ભેટ ! PM મોદીએ લીલી ઝંડી બતાવી કરાવ્યું પ્રસ્થાન
