ભારતીય મૂળના ઉદ્યોગસાહસિકે બનાવ્યું Wearable AI Device! જે દર મિનિટે લેશે ફોટા

• આર્ટિફિશિયલ ઈન્ટેલિજન્સે ડિજિટલ ટેક્નોલોજીને નવી દિશા આપી છે

HD ન્યૂઝ ડેસ્ક, 27 સપ્ટેમ્બર: નવીનતમ ડિજિટલ ટેક્નોલોજી સાથે વિશ્વ ખૂબ જ ઝડપથી આગળ વધી રહ્યું છે. આર્ટિફિશિયલ ઈન્ટેલિજન્સે તેને એક નવી દિશા આપી છે. AI અને ડિજિટલ ટેક્નોલોજીના સમાવેશથી નજીકના ભવિષ્યમાં મોટા ફેરફારો જોવા મળશે. તેના પ્રારંભિક તબક્કામાં પણ, AI અજાયબીઓ કરી રહ્યું છે અને અમર્યાદિત સંભાવનાઓનો દરવાજો ખોલી શકે છે. AI સાથે ઈનોવેશનની પ્રક્રિયા ચાલુ રહે છે અને આ સંદર્ભમાં સાન ફ્રાન્સિસ્કો સ્થિત ભારતીય મૂળના ઉદ્યોગસાહસિક અદ્વૈત પાલીવાલે કંઈક નવું વિકસાવ્યું છે. પાલીવાલે પહેરી શકાય તેવું AI ઉપકરણ Iris બનાવ્યું છે જેની મેમરી અનંત(Infinity) છે. X પોસ્ટ દ્વારા Iris વિશે જણાવતા, પાલીવાલે લખ્યું કે, Iris AIની મદદથી ટાઈમલાઇન પર ફોટા ગોઠવીને અને કૅપ્શન લખીને ડિવાઇસ યુઝરને ભૂલી ગયેલી પળોની યાદ અપાવે છે. આ સિવાય ઉપકરણનો ફોકસ મોડ પણ ખાસ છે.

I built Iris, a wearable that gives you infinite memory of your life.

It takes a picture every minute, captions and organizes them into a timeline, and uses AI to help you remember forgotten details.

Iris also has a focus mode. It notices when you get distracted and proactively… pic.twitter.com/fQxzpBRmIA

— Advait Paliwal (@advaitpaliwal) September 24, 2024

કેમ્બ્રિજની ઓગમેન્ટેશન લેબમાં Iris બનાવવામાં આવ્યું

X પોસ્ટમાં અદ્વૈત પાલીવાલે લખ્યું કે, તેણે કેમ્બ્રિજની ઓગમેન્ટેશન લેબમાં AI ટેક્નોલોજી સાથે Iris નામનું લેશ ડિવાઈસ બનાવ્યું છે. તેણે ઉનાળામાં કેમ્બ્રિજની ઓગમેન્ટેશન લેબમાં આયોજિત બે મહિનાના AI અને હાર્ડવેર ટેલેન્ટ એક્સિલરેટર પ્રોગ્રામના ભાગ રૂપે Irisનો વિકાસ કર્યો. કાર્યક્રમ પછી, તેમણે MIT મીડિયા લેબમાં હાજર 250થી વધુ લોકોને Iris Device ભેટમાં આપ્યું. પાલીવાલને પણ આ લોકો તરફથી Iris માટે સકારાત્મક પ્રતિસાદ મળ્યો છે.

એક્સ-પોસ્ટમાં આગળ, અદ્વૈત પાલીવાલે Irisની ઘણી વિશેષતાઓને હાઇલાઇટ કરી છે. તેમણે લખ્યું કે, Iris દર્દીની દિનચર્યાને સમજવામાં ડૉક્ટરને મદદ કરવા જેવા સ્વાસ્થ્ય લાભો આપી શકે છે. આ સિવાય Iris કાર્યસ્થળની સુરક્ષા સુનિશ્ચિત કરવામાં પણ મદદરૂપ થઈ શકે છે.

લોકોએ મિશ્ર પ્રતિક્રિયાઓ

અદ્વૈત પાલીવાલના Iris ડિવાઇસને ઇન્ટરનેટ પર મિશ્ર પ્રતિસાદ મળી રહ્યો છે. જ્યાં એક તરફ કેટલાક યુઝર્સ ઉત્સાહિત જોવા મળ્યા તો બીજી તરફ કેટલાક લોકોએ પ્રાઈવસીનો મુદ્દો ઉઠાવ્યો. પોસ્ટ પર ટિપ્પણી કરતાં એક યુઝરે લખ્યું કે, “આ એક રસપ્રદ વિચાર છે, પરંતુ હું તેને પહેરીને કોઈ એવી વ્યક્તિ સાથે વાતચીત કરવા માંગતો નથી જે દર મિનિટે ફોટા લઈ રહ્યો છે.”

આ પણ જૂઓ: રોડ પર ગાડીઓનો પિરામિડ, ઉપરથી પડી કાર અને અંદર માણસ! જૂઓ આ સ્ટંટ વીડિયો