ભારત સરકારે 300 થી વધુ મોબાઈલ એપ્સ બ્લોક કરી છે. પીટીઆઈના અહેવાલ મુજબ, ભારત સરકારે નાગરિકોની પ્રોફાઇલિંગ અને તેને અનધિકૃત રીતે વિદેશ મોકલવા માટે કથિત રીતે યુઝરની વિગતો એકત્રિત કરવા માટે ચીન સહિત વિશ્વના વિવિધ દેશોમાં બનેલી 348 મોબાઈલ એપ્સની ઓળખ કરી છે અને તેને બ્લોક કરી દેવામાં આવી છે. આ માહિતી ઈલેક્ટ્રોનિક્સ અને ઈન્ફોર્મેશન ટેક્નોલોજી રાજ્ય મંત્રી રાજીવ ચંદ્રશેખરે લોકસભામાં ભાજપના રોડમલ નાગરના પ્રશ્નના જવાબમાં આપી હતી.
ડેટા દેશની બહાર લઈ જવામાં આવતો હતો
ચંદ્રશેખરે જણાવ્યું હતું કે, આ 348 મોબાઇલ એપ્લિકેશન્સ યુઝરની માહિતી એકઠી કરી રહી હતી અને તેને અનધિકૃત પ્રોફાઇલિંગ માટે દેશની બહાર સ્થિત સર્વર્સ પર એક્સેસ કરી રહી હતી. તેમણે જણાવ્યું હતું કે “MHAની વિનંતીના આધારે, ઇલેક્ટ્રોનિક્સ અને માહિતી પ્રૌદ્યોગિકી મંત્રાલય (MeitY) એ તે 348 મોબાઇલ એપ્લિકેશનને અવરોધિત કરી છે કારણ કે આવા ડેટા ટ્રાન્સમિશનથી ભારતની સાર્વભૌમત્વ અને અખંડિતતા, ભારતના સંરક્ષણ અને રાજ્યની સુરક્ષાનું ઉલ્લંઘન થાય છે.
જ્યારે પૂછવામાં આવ્યું કે શું આ તમામ એપ્સ ચીન દ્વારા ડેવલપ કરવામાં આવી છે, ત્યારે ચંદ્રશેખરે કહ્યું, આ એપ્સ ચીન સહિત વિવિધ દેશો દ્વારા ડેવલપ કરવામાં આવી છે, બેટલગ્રાઉન્ડ્સ મોબાઈલ ઈન્ડિયા (BGMI) ને પ્લે સ્ટોર પરથી હટાવ્યાના થોડા દિવસો બાદ આવી છે. ગૂગલે કહ્યું હતું કે તેને આ સંબંધમાં સરકાર તરફથી આદેશ મળ્યો છે અને તેથી તેણે એપની ઍક્સેસ બ્લોક કરી દીધી છે.
સપ્ટેમ્બર 2020 માં, ડેટા સુરક્ષાની ચિંતાઓને ટાંકીને ક્રાફ્ટનના પ્લેયરઅનનોન્સ બેટલગ્રાઉન્ડ્સ (PUBG) ને ચીન સાથે જોડાયેલી અન્ય 117 એપ્સ સાથે બ્લોક કરવામાં આવી હતી. આ વર્ષની શરૂઆતમાં, એવું પણ નોંધવામાં આવ્યું હતું કે બેટલ રોયલ ગેમ ફ્રી ફાયર સાથે 53 અન્ય ચાઇના-સંબંધિત એપ્સને 14 ફેબ્રુઆરીના રોજ ઇન્ફોર્મેશન ટેક્નોલોજી એક્ટની કલમ 69A હેઠળ સુરક્ષા ચિંતાઓને ટાંકીને પ્રતિબંધિત કરવામાં આવ્યો હતો.
