નૈનીતાલમાં આગ ઓલવવા ભારતીય સેનાનું બચાવ કાર્ય યુદ્ધના ધોરણે ચાલુ, CM ધામીએ લોકો પાસે માંગી મદદ
નૈનીતાલ (ઉત્તરાખંડ), 29 એપ્રિલ: ઉત્તરાખંડના જંગલોમાં લાગેલી આગ ઓલવાઈ રહી નથી. સતત બીજા દિવસે ભારતીય વાયુસેનાએ આગ ઓલવવામાં મદદ કરી હતી. જો કે, રવિવારે ઉત્તરાખંડમાં આગના આઠ નવા કેસ નોંધાયા છે. ભારતીય વાયુસેનાનું MI-17 V5 હેલિકોપ્ટર આગ ઓલવવામાં લાગેલું છે. હેલિકોપ્ટરમાં લગાવવામાં આવેલી બમ્પી બકેટમાં એક સમયે 5000 લીટર પાણી ભરી શકાય છે, જે જંગલની આગ પર રેડવામાં આવે છે, પરંતુ હજુ સુધી આગ કાબૂમાં આવી નથી.
With a forest fire building up in vicinity of an Air Force Station near Nainital, #IAF activated its aerial fire fighting capability, employing a Mi-17 V5 helicopter for undertaking Bambi Bucket Ops. pic.twitter.com/2wLbTjW5m8
— Indian Air Force (@IAF_MCC) April 27, 2024
રવિવારે આગમાં 11.75 હેક્ટરમાં ફેલાયેલી વન સંપત્તિનો નાશ થયો હતો. શનિવારે આગના 23 નવા કેસ નોંધાયા હતા. તેના કારણે 34.175 હેક્ટરમાં ફેલાયેલી વન સંપત્તિને નુકસાન થયું હતું. વન વિભાગના જણાવ્યા અનુસાર, નવેમ્બર 2023થી ઉત્તરાખંડના જંગલોમાં આગના 606 કેસ નોંધાયા છે, જેના કારણે 735.815 હેક્ટર જંગલ સંપત્તિને નુકસાન થયું છે. કુમાઉના મુખ્ય વન સંરક્ષક પ્રસન્ન કુમાર રાવના જણાવ્યા અનુસાર છેલ્લા 24 કલાકમાં આગનો કોઈ મોટો કેસ નોંધાયો નથી.
સીએમ ધામીએ મદદ માંગી
#WATCH | Khatima: On the Nainital forest fire, Uttarakhand CM Pushkar Singh Dhami says, “We are asking for help from all the institutions including the Indian Army. The locals are also being asked to cooperate towards dousing the fire…The responsibility of the officers found… pic.twitter.com/tNWqwoxvuB
— ANI (@ANI) April 29, 2024
ઉત્તરાખંડના મુખ્યમંત્રી પુષ્કર સિંહ ધામીએ લોકો પાસે મદદ માંગી છે. તેમણે કહ્યું, “અમે ભારતીય સેના સહિત તમામ સંસ્થાઓની મદદ લઈ રહ્યા છીએ. આગ ઓલવવામાં સ્થાનિક લોકો પાસેથી પણ મદદ લેવામાં આવી રહી છે. આ મામલે અધિકારીઓની જવાબદારી પણ નક્કી કરવામાં આવશે.” આગ નેપાળને અડીને આવેલા જંગલોમાં પણ પહોંચી છે. નૈનીતાલના રહેણાંક વિસ્તારોમાં આગ પ્રસરી જતા લોકોને ભારે મુશ્કેલીનો સામનો કરવો પડી રહ્યો છે. જંગલમાં આગ લગાડવા બદલ બે લોકોની ધરપકડ કરવામાં આવી છે. તેમાંથી એકે કહ્યું કે તેને તેના ઘેટાં ચરવા માટે લીલું ઘાસ જોઈએ છે, તેથી તેણે જંગલોમાં આગ લગાવી દીધી.
આ પણ વાંચો: નૈનીતાલના જંગલોમાં લાગેલી આગ બુઝાવવા સેના બાદ NDRF ટીમ પણ તૈનાત
