કાશ્મીરમાં ભારતીય સેનાનું મોટું ઓપરેશન, 10 કિલો IED બોમ્બ સાથે 3 આતંકવાદીઓની ધરપકડ

જમ્મુ &કાશ્મારના પૂંછમાં ભારતીય સેના વતી મોટી કાર્યવાહી કરીને આજે ભારતીય સરહદમાં ઘૂસણખોરીનો પ્રયાસ કરી રહેલા ત્રણ આતંકવાદીઓની ધરપકડ કરવામાં આવી છે. આતંકીઓ પાસેથી પ્રેશર કુકરમાં જીવતો બોમ્બ પણ મળી આવ્યો છે. જો સૂત્રોનું માનીએ તો, જપ્ત કરાયેલ IED વડે પૂંછમાં સેનાના કાફલાને નિશાન બનાવવાનું કાવતરું ઘડવામાં આવ્યું હતું. આ 10 કિલોનો IED પીઓકેમાં ભાત બનાવવા માટે વપરાતા પ્રેશર કૂકરમાં તૈયાર કરીને ભારત મોકલવામાં આવ્યો હતો. આ વાસણ કાશ્મીરમાં ખૂબ જ સામાન્ય છે અને કોઈને શંકા ન થાય તે માટે પ્રેશર કૂકરમાં IED તૈયાર કરવામાં આવ્યો હતો.

ત્રણેય આતંકીઓ સ્થાનિક!
સૂત્રોના જણાવ્યા અનુસાર સેનાના હાથે ઝડપાયેલા ત્રણેય આતંકીઓ સ્થાનિક છે અને LOCની તાર પાર કર્યા બાદ 50 મીટર અંદર ઘૂસીને 2 પાકિસ્તાની આતંકવાદીઓ પાસેથી હથિયાર, ડ્રગ્સ અને આઈઈડી લઈને પાછા આવી રહ્યા હતા. સૂત્રોનું માનીએ તો ભારતીય સેનાનું આ ઓપરેશન રાત્રે લગભગ 1 વાગ્યે કરવામાં આવ્યું હતું.

POKમાં આતંકી ગતિવિધિ
ભારતીય સેનાએ પાકિસ્તાન અધિકૃત કાશ્મીરમાંથી (POK) કેટલીક ગતિવિધિઓ શોધી કાઢી હતી. આ પછી આતંકવાદીઓએ જવાનો પર ફાયરિંગ શરૂ કરી દીધું હતું. આ ફાયરિંગમાં ભારતીય સૈનિકો માંડ બચ્યા હતા. સેના દ્વારા જવાબી કાર્યવાહી કરવામાં આવી હતી, જેમાં એક આતંકવાદી ઘાયલ થયો હતો.

બોમ્બનો ઉપયોગ ભારતીય સેના વિરુદ્ધ થવાનો હતો
અથડામણ બાદ ત્રણેય આતંકીઓને સેનાએ દબોચી લીધા હતા. તેમની પાસેથી 10 કિલોનો IED બોમ્બ જોઈને બધા આશ્ચર્યચકિત થઈ ગયા. સૂત્રોના જણાવ્યા અનુસાર પૂછપરછ દરમિયાન જાણવા મળ્યું છે કે આ બોમ્બનો ઉપયોગ ભારતીય સેના વિરુદ્ધ જ થવાનો હતો. આ બોમ્બથી પૂંચમાં ભારતીય સેનાના કાફલા પર હુમલો કરવાનું કાવતરું ઘડવામાં આવ્યું હતું.

આ પણ વાંચો: ” મોદી ભગવાનને પણ સમજાવી શકે છે કે બ્રહ્માંડ કેવી રીતે ચાલે” : રાહુલ ગાંધી