રાહત સામગ્રી વહેંચી રહેલું વાયુસેનાનું હેલિકોપ્ટર પૂરના પાણીમાં પટકાયું, જાણો વિગતો

બિહાર – 2 ઓકટોબર :  બિહારના મુઝફ્ફરપુરમાં બુધવારે એક મોટો અકસ્માત થયો હતો. અહીં એરફોર્સનું હેલિકોપ્ટર ક્રેશ થઈને પાણીમાં પડી ગયું હતું. જોકે, એરફોર્સે તેને સાવચેતીભર્યું લેન્ડિંગ ગણાવ્યું છે અને હેલિકોપ્ટરમાં સવાર ત્રણેય કર્મચારીઓ સુરક્ષિત છે. મળતી માહિતી મુજબ આ હેલિકોપ્ટર મુઝફ્ફરપુરના ઔરાઈ સ્થિત ઘનશ્યામપુરમાં ક્રેશ થયું છે. હેલિકોપ્ટર પૂર રાહત સામગ્રી ડ્રોપ કરી રહ્યું હતું.

ન્યૂઝ એજન્સી ANI અનુસાર, ભારતીય વાયુસેનાએ કહ્યું કે બિહારના સીતામઢીમાં પૂર રાહત કામગીરી દરમિયાન એડવાન્સ લાઇટ હેલિકોપ્ટરને સાવચેતીભર્યું લેન્ડિંગ કરવું પડ્યું. હેલિકોપ્ટરમાં બે પાયલટ સહિત ત્રણ જવાન હતા. જોકે, દરેક જણ સુરક્ષિત છે.

#WATCH | An Advanced Light Helicopter of the Indian Air Force made a precautionary landing in inundated areas during flood relief operations in Muzaffarpur in the Sitamarhi sector of Bihar

According to IAF, the chopper had three personnel onboard including two pilots who are… pic.twitter.com/ymvPuxRW8x

— ANI (@ANI) October 2, 2024

બિહાર પૂરની સામે ઝઝૂમી રહ્યું છે

બિહારમાં પૂરની સ્થિતિ ગંભીર છે. નેપાળમાં ભારે વરસાદ અને પૂર પછી, 29 સપ્ટેમ્બરના રોજ કોસી બેરેજ, વીરપુરમાંથી 6,61,295 ક્યુસેક પાણી છોડવામાં આવ્યું હતું. 1968 પછી આ સૌથી વધુ પાણી છોડવામાં આવ્યું છે. આ બેરેજમાંથી 1968માં મહત્તમ 7.88 લાખ ક્યુસેક પાણી છોડવામાં આવ્યું હતું. આ કારણે બિહાર અને યુપીના અનેક જિલ્લાઓમાં પૂરનું સંકટ ઉભું થયું છે.

રાજ્યના ડિઝાસ્ટર મેનેજમેન્ટ વિભાગના જણાવ્યા અનુસાર, આપત્તિની સ્થિતિને ધ્યાનમાં રાખીને, ભારતીય વાયુસેનાના હેલિકોપ્ટરની મદદથી, સીતામઢી અને દરભંગા જિલ્લાના બે જિલ્લાઓમાં પાણીથી ઘેરાયેલા ગામોમાં સૂકા રાશનના પેકેટો છોડવામાં આવ્યા હતા. અસરગ્રસ્ત વસ્તીમાંથી લગભગ 2,26,000 લોકોને જિલ્લા વહીવટીતંત્ર દ્વારા રાજ્ય આપત્તિ પ્રતિભાવ દળ (SDRF)/નેશનલ ડિઝાસ્ટર રિસ્પોન્સ ફોર્સ (NDRF) અને સ્થાનિક બોટ દ્વારા સુરક્ષિત સ્થળોએ ખસેડવામાં આવ્યા છે વહીવટીતંત્ર પૂરગ્રસ્ત લોકોને બચાવવા માટે એનડીઆરએફની કુલ 16 ટીમો અને એસડીઆરએફની 14 ટીમો તૈનાત કરવામાં આવી છે.

આ ઉપરાંત વારાણસી અને રાંચીથી NDRFની ત્રણ-ત્રણ ટીમોને બોલાવવામાં આવી છે અને તેમને અલગ-અલગ જિલ્લામાં રાહત અને બચાવ કાર્યની જવાબદારી સોંપવામાં આવી છે. નાયબ મુખ્યમંત્રી અને બીજેપી નેતા સમ્રાટ ચૌધરીએ એક દિવસ પહેલા જ દિલ્હીમાં કેન્દ્રીય જલ શક્તિ મંત્રી સીઆર પાટીલ સાથે મુલાકાત કરી હતી.. ચૌધરીએ કહ્યું કે તેમણે નેપાળની સરહદે આવેલા વિસ્તારોમાં દર વર્ષે આવતા પૂરને રોકવા માટે એક વધારાનો બેરેજ બનાવવા અંગે વિચાર કરવા માટે પાટીલને અપીલ કરી છે. લોક જનશક્તિ પાર્ટી (રામ વિલાસ)ના વડા અને બિહારના હાજીપુરના લોકસભા સભ્ય ચિરાગ પાસવાને પૂર્ણિયા અને સહરસા જેવા ખરાબ અસરગ્રસ્ત જિલ્લાઓમાં કલાકો વિતાવ્યા. રાહત કામગીરીનું નિરીક્ષણ કર્યુ, લોકોની ફરિયાદો સાંભળી અને અધિકારીઓને ઠપકો પણ આપ્યો.

આ પણ વાંચો : મોરબીમાં કારમાં આગ ભભૂકી ઉઠતા બિઝનેસમેનનું થયું મૃત્યુ, કારમાંથી મળ્યા 5 લાખ રોકડા, પિસ્તોલ અને ..