ભારત પોતાના નિર્ણયો પર કોઈને વીટોની મંજૂરી આપશે નહીં: વિદેશ મંત્રી જયશંકર

• કોઈપણ દબાણ વિના રાષ્ટ્રીય હિત અને વૈશ્વિક સુખાકારી માટે જે યોગ્ય લાગશે તે કરશે: વિદેશ મંત્રી

નવી દિલ્હી, 22 ડિસેમ્બર: વિદેશ પ્રધાન જયશંકરે મહત્ત્વપૂર્ણ નિવેદન આપ્યું છે.  વિદેશ મંત્રી એસ જયશંકરે શનિવારે કહ્યું કે, ભારત ક્યારેય અન્યને પોતાની પસંદગીઓ પર વીટો કરવાની મંજૂરી આપશે નહીં અને કોઈપણ દબાણ વિના રાષ્ટ્રીય હિત અને વૈશ્વિક સુખાકારી માટે જે યોગ્ય લાગશે તે કરશે. વીડિયો સંદેશ દ્વારા મુંબઈમાં એક કાર્યક્રમને સંબોધતા જયશંકરે કહ્યું કે, ભારતના સમૃદ્ધ વારસામાંથી વિશ્વ ઘણું શીખી શકે છે, પરંતુ આ ત્યારે જ શક્ય છે જ્યારે ભારતીયો પોતાના પર ગર્વ કરે.

વિદેશ મંત્રી જયશંકરે કહ્યું કે, આજે વિશ્વના લોકો બિનઆરોગ્યપ્રદ આદતો, તણાવપૂર્ણ જીવનશૈલી અને વારંવાર હવામાનની ઘટનાઓથી સંઘર્ષ કરી રહ્યા છે. આવી સ્થિતિમાં ભારતના વારસામાંથી ઘણું શીખી શકાય છે. તેમણે કહ્યું કે, વૈશ્વિકરણના આ યુગમાં ટેકનોલોજી અને પરંપરાએ સાથે મળીને આગળ વધવું જોઈએ આ પ્રસંગે વિદેશ મંત્રી જયશંકરને 27મા SIES શ્રી ચંદ્રશેખરેન્દ્ર સરસ્વતી રાષ્ટ્રીય પ્રતિષ્ઠિત પુરસ્કારથી સન્માનિત કરવામાં આવ્યા હતા.

વિદેશ મંત્રી જયશંકરે કહ્યું કે, ‘સ્વતંત્રતાને ક્યારેય તટસ્થતા સાથે ભ્રમિત ન કરવી જોઈએ. આપણે આપણા રાષ્ટ્રીય હિત અને વૈશ્વિક કલ્યાણ માટે યોગ્ય પગલાં લેવાથી ગભરાઈશું નહીં. તેમણે કહ્યું કે, ભારત ક્યારેય અન્યને પોતાની પસંદ પર વીટો કરવાની મંજૂરી આપશે નહીં.’

જયશંકરે કહ્યું કે, ભારત એક અસાધારણ રાષ્ટ્ર છે કારણ કે તે સંસ્કૃતિ ધરાવતો દેશ છે. તેમણે કહ્યું કે તેની સાંસ્કૃતિક શક્તિનો સંપૂર્ણ ઉપયોગ કરીને જ તે વૈશ્વિક સ્તરે પ્રભાવ પાડી શકશે. આ માટે યુવા પેઢી પોતાના વારસાનું મૂલ્ય સમજે તે જરૂરી છે. પરંતુ સૌથી મહત્ત્વની બાબત એ છે કે સામાજિક સ્તર પર તેની અસર થવી જોઈએ. વિદેશ મંત્રીએ કહ્યું કે, અમારી પાસે વિકાસના ઘણા રસ્તા છે પરંતુ કેટલાક મુદ્દા એવા છે જેને ઉકેલવા પડશે.

આ પણ જૂઓ: મહારાષ્ટ્રમાં ખાતાંઓની ફાળવણી કરાઈ, જૂઓ કોને કયું ખાતું મળ્યું