ભારત vs બાંગ્લાદેશ T20 સીરીઝ : જાણો શું છે શેડયૂલ અને ક્યાં જોઈ શકાશે મેચ

ગ્વાલિયર, 5 ઓક્ટોબર : ભારત અને બાંગ્લાદેશ વચ્ચેની ટેસ્ટ સીરીઝ બાદ હવે ટી-20નો રોમાંચ શરૂ થઈ રહ્યો છે. બંને ટીમો વચ્ચે પ્રથમ મેચ રવિવારે રમાશે. ભારતીય ટીમે બાંગ્લાદેશને ટેસ્ટ શ્રેણીમાં 2-0થી હરાવ્યું હતું. બાંગ્લાદેશની ટીમ ટેસ્ટ મેચમાં ભારત સામે ખરાબ રીતે સંઘર્ષ કરતી જોવા મળી હતી. આવી સ્થિતિમાં હવે સૂર્યકુમાર યાદવની કપ્તાનીમાં ટીમ ઈન્ડિયા ટી-20 શ્રેણીમાં પણ પ્રભુત્વ જમાવવા માંગશે. જો કે, ચાહકો તે અંગે મૂંઝવણમાં છે કે તેઓ ભારત અને બાંગ્લાદેશ વચ્ચેની લાઇવ એક્શન ક્યાં જોઈ શકશે. ચાલો જાણીએ કે ભારત અને બાંગ્લાદેશ વચ્ચેની પ્રથમ T20 મેચનો રોમાંચ ક્યારે, ક્યાં અને કેવી રીતે જોવા મળશે.

T20 શ્રેણીનું શેડ્યૂલ શું છે? ક્યાં જોઈ શકાશે મેચ

બાંગ્લાદેશ સાથે પ્રથમ T20 મેચ આવતીકાલે 6 ઓક્ટોબરે ગ્વાલિયરમાં રમાશે. જ્યારે બીજી T20 મેચ 9 ઓક્ટોબરે અરુણ જેટલી ક્રિકેટ સ્ટેડિયમ, નવી દિલ્હીમાં રમાશે અને ત્રીજી T20 મેચ 12 ઓક્ટોબરે રાજીવ ગાંધી ઈન્ટરનેશનલ સ્ટેડિયમ, હૈદરાબાદમાં રમાશે. સ્પોર્ટ્સ 18 નેટવર્ક પર ભારત-બાંગ્લાદેશ T20 સિરીઝનું લાઈવ સ્ટ્રીમિંગ વિવિધ ભાષાઓમાં થશે. તમે Jio સિનેમા એપ પર ફ્રીમાં લાઈવ સ્ટ્રીમિંગ જોઈ શકશો.

બંને ટીમોના પ્લેયર્સ

ભારત- સૂર્યકુમાર યાદવ (કેપ્ટન), અભિષેક શર્મા, સંજુ સેમસન (વિકેટકીપર), રિંકુ સિંહ, હાર્દિક પંડ્યા, રિયાન પરાગ, નીતિશ કુમાર રેડ્ડી, શિવમ દુબે, વોશિંગ્ટન સુંદર, રવિ બિશ્નોઈ, વરુણ ચક્રવર્તી, જીતેશ શર્મા (વિકેટકીપર), અર્શદીપ સિંહ, હર્ષિત રાણા, મયંક યાદવ.

બાંગ્લાદેશ- નઝમુલ હુસૈન શાંતો (કેપ્ટન), તન્જીદ હસન તમીમ, પરવેઝ હુસેન ઈમોન, તૌહીદ હૃદોય, મહમુદુલ્લાહ, લિટન દાસ, ઝાકિર અલી, મેહદી હસન મિરાજ, મેહદી હસન, રિશાદ હુસૈન, મુસ્તફિઝુર રહેમાન, તસ્કીન અહેમદ, શોરીફુલ ઈસ્લામ, તન્ઝીબ હસન, રકીબુલ હસન.

આ પણ વાંચો :- ઈન્ડિગો એરલાઈન્સનું નેટવર્ક ખોરવાયું, મુસાફરો મુશ્કેલીમાં, જાણો એરલાઇન્સે શું