INDIA કે ભારત વિવાદ પર કેન્દ્ર સરકારે કહ્યું- નામ બદલવાની વાત અફવા છે

HD ન્યૂઝ ડેસ્કઃ દેશનું નામ INDIA હોવું જોઈએ કે ભારત હોવું જોઈએ તે અંગે ચર્ચાઓ, દલીલો અને પ્રતીકોના રાજકારણની પ્રક્રિયા ચાલી રહી છે. આ બધાની વચ્ચે, પ્રેસીડેન્ટ ઓફ ઈન્ડિયા,  ભારતના રાષ્ટ્રપતિ બન્યા છે, જ્યારે પ્રાઈમ મીનીસ્ટર ઓફ ઈન્ડીયા, ભારતના વડા પ્રધાન બન્યા છે. INDIA અને ભારત વચ્ચેના વિવાદ વચ્ચે કેન્દ્ર સરકારે નામ બદલવાને માત્ર અફવા ગણાવી છે, જ્યારે ભાજપે વિપક્ષને પૂછ્યું છે કે નામ બદલવાથી તેમની સમસ્યા શું છે.

રાજકીય તીર છોડવાનું શરૂઃ આ વિવાદ ત્યારે શરૂ થયો જ્યારે રાષ્ટ્રપતિ દ્રૌપદી મુર્મુએ 8 અને 10 સપ્ટેમ્બર વચ્ચે યોજાનારી G20 દેશોની બેઠક દરમિયાન 9 સપ્ટેમ્બરે દેશના મહાનુભાવોને આમંત્રણ પત્ર મોકલ્યો. આ પત્રમાં ભારતના રાષ્ટ્રપતિ લખવામાં આવ્યું હતું. આ પછી વિપક્ષે આ નામને લઈને સરકાર પર રાજકીય તીર છોડવાનું શરૂ કર્યું. આ બધાની વચ્ચે વિદેશ મંત્રાલયે પીએમ મોદીના ઈન્ડોનેશિયા પ્રવાસ અંગે પત્રમાં પ્રાઈમ મીનીસ્ટર ઓફ ભારત લખ્યું. 

શું કહ્યું કેન્દ્રીય મંત્રી અનુરાગ ઠાકુરેઃ આ દરમિયાન કેન્દ્રીય કેબિનેટ મંત્રી અનુરાગ ઠાકુરે કહ્યું, ‘નામ બદલવાની વાત માત્ર અફવા છે, સંસદના વિશેષ સત્રમાં આવું કંઈ થવાનું નથી. હું ભારત સરકારમાં મંત્રી છું અને G20ના લોગોમાં INDIA અને ભારત બંને લખાય છે, તો પછી કેમ બિનજરૂરી અફવાઓ ફેલાવવામાં આવે છે. આવી અફવાઓ કોણ ફેલાવે છે?. તેમણે કહ્યું, ‘આખરે, ભારત શબ્દથી કોઈને શું સમસ્યા થઈ શકે છે? આ તેમની માનસિકતા દર્શાવે છે, તેમને ભારત પ્રત્યે દુશ્મનાવટ છે, કદાચ એટલે જ જ્યારે તેઓ વિદેશ જાય છે ત્યારે ત્યાં ભારતની ટીકા કરે છે.  

આ પણ વાંચોઃ ભારતમાં G20 કોન્ફરન્સમાં ચીને શું કહ્યું? જાણો શા માટે ભારત નહીં આવે રાષ્ટ્રપતિ શી જિનપિંગ