એશિયન પેરાગેમ્સઃ ભારતનો મેડલ આંક 110 ને પાર, વધુ એકવાર રચાયો ઇતિહાસ
- 4થી એશિયન પેરા ગેમ્સમાં ભારતે નોંધપાત્ર સિદ્ધિ પ્રાપ્ત કરી
- હાંગઝોઉમાં યોજાયેલી એશિયન પેરા ગેમ્સમાં ભારતના નામે 111 મેડલ
- વડાપ્રધાન નરેન્દ્ર મોદીએ ભારતીય ખેલાડીઓને પાઠવી શુભકામનાઓ
ચીનના હાંગઝોઉમાં યોજાયેલી 4થી એશિયન પેરા ગેમ્સમાં ભારતે ઇતિહાસ રચ્યો છે. જેમાં ભારતીય પેરા-એથ્લેટ્સે શનિવારે ઇતિહાસ રચીને હાંગઝોઉ એશિયન પેરા ગેમ્સમાં 111 મેડલ પ્રાપ્ત કર્યા છે. આ સિદ્ધિ પર વડાપ્રધાન નરેન્દ્ર મોદીએ ભારતીય ખેલાડીઓને શુભકામનાઓ પાઠવી હતી. એશિયન પેરા ગેમ્સમાં દિલીપ મહાદુ ગાવિતે ગોલ્ડ મેડલ જીતીને 100મો મેડલ પ્રાપ્ત કર્યો હતો.
🔥💯🥇🥈🥉 What a MOMENTOUS achievement! India has clinched a STUNNING 💯 medals at the #AsianParaGames2022! 🎉🇮🇳
🙌 The dedication, passion, and sheer talent of our para-athletes have us beaming with PRIDE! 🌟🇮🇳
👏 A HUGE shoutout to our incredible athletes, coaches, and the… pic.twitter.com/L1JCrtLVIg
— SAI Media (@Media_SAI) October 28, 2023
ખેલાડી દિલીપ ગાવિતે પુરુષોની 400 મીટર T47 સ્પર્ધામાં ગોલ્ડ મેડલ જીત્યો હતો. તેણે 49.48 સેકન્ડના શાનદાર રન ટાઈમ સાથે ગોલ્ડ પોતાના નામે કર્યો હતો. પ્રથમ વખત, ભારતીય પેરા ટુકડીએ 100 મેડલ જીત્યા છે, જે આજ સુધીનું પેરા એશિયન ગેમ્સનું આ સૌથી સફળ અભિયાન છે. અત્યારસુધીમાં ભારતે 29 ગોલ્ડ, 31 સિલ્વર અને 51 બ્રોન્ઝ મેડલનો પ્રાપ્ત કર્યા છે. જેથી ભારતના નામે 111 મેડલ થયાં છે.
એશિયન પેરા ગેમ્સમાં 100 મેડલનો આંકડો પાર થતાં PM મોદીએ પાઠવી શુભકામના
વડાપ્રધાન નરેન્દ્ર મોદીએ એશિયન પેરા ગેમ્સમાં 100 મેડલનો આંકડો પાર થતાં શુભકામનાઓ પાઠવી હતી અને ટ્વિટર પર પોસ્ટ મૂકીને જણાવ્યું હતું કે, એશિયન પેરા ગેમ્સમાં 100 મેડલ! અદભૂત આનંદની ક્ષણ. આ સફળતા ભારતીય ખેલાડીઓની પ્રતિભા, સખત મહેનત અને નિશ્ચયનું પરિણામ છે. આ અદ્ભુત સીમાચિહ્નરૂપ ભારતીયોના હૃદયને અપાર ગર્વથી ભરી દે છે. હું ભારતીય એથ્લેટ્સ, કોચ અને તેમની સાથે કામ કરી રહેલા સમગ્ર સપોર્ટ સિસ્ટમ માટે મારી ઊંડી પ્રશંસા અને કૃતજ્ઞતા વ્યક્ત કરું છું. આ વિજય આપણને બધાને પ્રેરણા આપે છે. તેઓ એક રીમાઇન્ડર તરીકે સેવા આપે છે કે આપણા યુવાનો માટે કંઈપણ અશક્ય નથી.”
100 MEDALS at the Asian Para Games! A moment of unparalleled joy. This success is a result of the sheer talent, hard work, and determination of our athletes.
This remarkable milestone fills our hearts with immense pride. I extend my deepest appreciation and gratitude to our… pic.twitter.com/UYQD0F9veM
— Narendra Modi (@narendramodi) October 28, 2023
ભારતના પેરા-એથ્લેટ્સે એશિયન ગેમ્સમાં 100-મેડલનો માઇલસ્ટોન વટાવી દીધો છે. ઉલ્લેખનીય છે કે હાંગઝોઉમાં ચાલી રહેલી 4થી એશિયન પેરા ગેમ્સમાં આ સિદ્ધિને નોંધપાત્ર બનાવે છે. દેશ માટે અગાઉનો સૌથી મોટો મેડલ જકાર્તામાં 2018 પેરા ગેમ્સમાં આવ્યો હતો. તે સમયે, 15 ગોલ્ડ, 24 સિલ્વર અને 33 બ્રોન્ઝ સહિત 72 મેડલ જીત્યા હતા.
આ પણ વાંચો :એશિયન પેરા ગેમ્સ: સુમિત અંતિલે ભાલા ફેંકમાં ગોલ્ડ મેડલ જીતી રેકોર્ડ તોડ્યો
