ભારતને આર્થિક રીતે ફટકો, વર્લ્ડ બેંકે વૃદ્ધિ દર ઘટાડીને 7.5 ટકા કર્યો

દુનિયા: વર્લ્ડ બેંકેના વધતા જતા ફુગાવા,સપ્લાય ચેઈન વિક્ષેપ અને ભૌગોલિક રાજકીય તણાવને કારણે ચાલુ નાણાકીય વર્ષ માટે ભારતની આર્થિક વૃદ્ધિનું અનુમાન ઘટાડીને 7.5 ટકા કર્યું છે. સતત બીજી વખત એવું બન્યું છે, જ્યારે વર્લ્ડ બેંકે ચાલુ નાણાકીય વર્ષ 2022-23માં ભારત માટે તેના જીડીપી વૃદ્ધિ અનુમાનમાં ફેરફાર કર્યો છે.

જીડીપી વૃદ્ધિ દર 7.5 ટકાનું અનુમાન
એપ્રિલમાં અનુમાન 8.7 ટકાથી ઘટાડીને 8 ટકા કર્યું હતું, અને હવે તે 7.5 ટકાનું અનુમાન દર્શાવ્યું છે. જીડીપી વૃદ્ધિ અગાઉના નાણાકીય વર્ષ 2021-22માં 8.7 ટકાના વિસ્તરણની તુલનામાં છે. ભારતમાં નાણાકીય વર્ષ 2022/23માં વૃદ્ધિ દર ઘટીને 7.5 ટકા રહેવાની આગાહી કરવામાં આવી છે.‌ વર્લ્ડ બેંક ગ્લોબલ ઇકોનોમિક પ્રોસ્પેક્ટ્સના,તેના તાજેતરના અંકમાં જણાવ્યું હતું. વૃદ્ધિને ખાનગી ક્ષેત્ર અને સરકાર દ્વારા હાથ ધરવામાં આવેલા નિશ્ચિત રોકાણ દ્વારા પણ ટેકો મળશે. વ્યવસાયિક વાતાવરણને સુધારવા માટે પ્રોત્સાહનો અને સુધારાઓ રજૂ કર્યા છે.

એપ્રિલમાં ફુગાવો 15.08 ટકાની સપાટીએ હતો
જાન્યુઆરીના અંદાજથી વૃદ્ધિના 1.2 ટકા પોઈન્ટ ડાઉનવર્ડ રિવિઝનને દર્શાવે છે. જોકે, વૃદ્ધિ 2023-24માં તેના લાંબાગાળાની સંભવિતતા તરફ ધીમી પડીને 7.1 ટકા થવાની ધારણા છે. ઈંધણથી લઈને શાકભાજી અને રાંધણ તેલ સુધીની તમામ ચીજવસ્તુઓના ભાવમાં થયેલા વધારાએ WPI અથવા જથ્થાબંધ ભાવ આધારિત ફુગાવાને એપ્રિલમાં 15.08 ટકાની વિક્રમી ઊંચી સપાટીએ પહોંચ્યો છે, જ્યારે રિટેલ ફુગાવો 7.79 ટકાના આઠ વર્ષની ટોચે પહોંચ્યો હતો. ઊંચા ફુગાવાના કારણે રિઝર્વ બેન્કે ગયા મહિને બેન્ચમાર્ક વ્યાજ દરમાં 40 બેસિસ પોઈન્ટ્સ વધારીને 4.40 ટકા કરવા માટે એક બેઠક યોજી હતી.