અમેરિકામાં ભારતે ચીનને પછાડ્યું, આ મામલે બન્યું નંબર 1

વોશિંગ્ટન, તા.19 નવેમ્બર, 2024: ભારતીય વિદ્યાર્થીઓમાં વિદેશ અભ્યાસ કરવા જવાનો ક્રેઝ છે. કેનેડા, ઓસ્ટ્રેલિયા, ન્યૂઝીલેન્ડે નિયમો કડક બનાવતાં ફરી એક વખત ભારતીય વિદ્યાર્થીઓ અમેરિકા મોટી સંખ્યામાં જઈ રહ્યા છે. અમેરિકામાં અભ્યાસ કરતા વિદેશી વિદ્યાર્થીઓની સૌથી વધુ સંખ્યા ભારતમાં છે. અમેરિકામાં 3.3 લાખ ભારતીય વિદ્યાર્થીઓ અભ્યાસ કરે છે. 15 વર્ષમાં પ્રથમ વખત ભારત આ યાદીમાં ટોચ પર છે ઓપન ડોર્સ રિપોર્ટ 2024માં આ દાવો કરવામાં આવ્યો છે.

અમેરિકામાં કેટલા ભારતીય વિદ્યાર્થીઓ કરે છે અભ્યાસ

શૈક્ષણિક સત્ર 2022-23 માં વિદેશથી અમેરિકા ભણવા આવેલા વિદ્યાર્થીઓની સૌથી વધુ સંખ્યા ચીનથી હતી અને ભારત બીજા ક્રમે હતું. 2,68,923 ભારતીય વિદ્યાર્થીઓ અમેરિકામાં અભ્યાસ કરવા માટે આવ્યા હતા. તાજેતરના અહેવાલ મુજબ આ સંખ્યામાં 23 ટકાનો ઉછાળો આવ્યો છે અને ભારતીયોની સંખ્યા 3,31,602 ની સર્વોચ્ચ સપાટીએ પહોંચી ગઈ છે. આ સંખ્યા વિદેશથી અમેરિકામાં અભ્યાસ કરવા આવેલા કુલ વિદ્યાર્થીઓની સંખ્યાના 29 ટકા છે. ચીન અને દક્ષિણ કોરિયા પછી ભારતના 277,398 વિદ્યાર્થીઓ સાથે અમેરિકામાં અભ્યાસ કરે છે. દક્ષિણ કોરિયા (43,149), કેનેડા (28,998) અને તાઇવાન (23,157) અનુક્રમે ત્રીજા, ચોથા અને પાંચમા સ્થાને છે.

અમેરિકામાં ક્યારે શરૂ થાય છે શૈક્ષણિક સત્ર

ઓપન ડોર્સ રિપોર્ટ ઇન્સ્ટિટ્યૂટ ઓફ ઇન્ટરનેશનલ એજ્યુકેશન દ્વારા પ્રકાશિત કરવામાં આવ્યો હતો. આઈ. આઈ. ઈ. દર વર્ષે યુ. એસ. માં વિદેશી વિદ્યાર્થીઓની સંખ્યા પર અભ્યાસ પ્રકાશિત કરે છે.

ભારતમાં અમેરિકી દૂતાવાસે એક નિવેદનમાં કહ્યું, 2008-2009 બાદ પ્રથમ વખત ભારત વિદ્યાર્થીઓને અમેરિકા મોકલવા મામલે ટોચ પર છે. અમેરિકામાં અભ્યાસ કરતા ભારતીય વિદ્યાર્થીઓની આ અત્યાર સુધીની સૌથી વધુ સંખ્યા છે. યુ. એસ. માં શૈક્ષણિક સત્ર સામાન્ય રીતે સપ્ટેમ્બરથી શરૂ થાય છે અને મે સુધી ચાલે છે.

ભારત સતત બીજા વર્ષે યુ. એસ. માં આંતરરાષ્ટ્રીય અંડરગ્રેજ્યુએટ (માસ્ટર્સ અને પીએચડી સ્તર) વિદ્યાર્થીઓનો સૌથી મોટો સ્રોત બની રહ્યો છે. આ સ્તરે ઉચ્ચ શિક્ષણ માટે અમેરિકા આવતા ભારતીય ગ્રેજ્યુએટ્સની સંખ્યા 19 ટકા વધીને 1,96,567 થઈ ગઈ છે. ઇન્ટર ગ્રેજ્યુએટ વિદ્યાર્થીઓની સંખ્યા 13 ટકા વધીને 36,053 થઈ ગઈ છે, જ્યારે નોન-ડિગ્રી વિદ્યાર્થીઓની સંખ્યા 28 ટકા ઘટીને 1,426 થઈ ગઈ છે.

આ પણ વાંચોઃ ટ્રમ્પે વેક્સિનના કટ્ટર વિરોધીને આપી સ્વાસ્થ્ય મંત્રાલયની જવાબદારી, જાણો કોણ છે