- ટીમ ઇન્ડિયા અને ઓસ્ટ્રેલિયા બંને એકસાથે ખાસ વિમાન મારફતે આવશે
- ભારત અને ઓસ્ટ્રેલિયાની ક્રિકેટ ટીમ આજરોજ રાજકોટ ખાતે આવી પહોંચશે
- વર્લ્ડ કપ પહેલાની આ છેલ્લી મેચ રાજકોટમાં યોજનાર છે
રાજકોટમાં ભારત-ઓસ્ટ્રેલિયા વન ડેને લઇ ક્રિકેટ પ્રેમીઓમાં ઉત્સાહ જોવા મળી રહ્યો છે. જેમાં ટીમ ઇન્ડિયા આજે રાજકોટ આવી રહી છે. આજથી 27 સપ્ટેમ્બર એમ ત્રણ દિવસ ક્રિકેટ ફીવર જોવા મળશે. ભારત અને ઓસ્ટ્રેલિયાની ક્રિકેટ ટીમ આજરોજ રાજકોટ ખાતે આવી પહોંચશે. વર્લ્ડ કપ પહેલાની આ છેલ્લી મેચ રાજકોટમાં યોજનાર હોય સૌરાષ્ટ્ર ક્રિકેટ એસોસિએશન દ્વારા પણ તડામારમાં તૈયારીઓ કરવામાં આવી છે.
કાલાવડ રોડ રોડ ઉપર આવેલી સૈયાજી હોટલ ખાતે ટીમ ઇન્ડિયાને ઉતારો
ઉલ્લેખનીય છે કે કાલાવડ રોડ રોડ ઉપર આવેલી સૈયાજી હોટલ ખાતે ટીમ ઇન્ડિયાને ઉતારો આપવામાં આવનાર છે. ત્યારે આજે બપોરે અઢી વાગ્યાની આસપાસ ટીમ ઇન્ડિયા હોટેલ ખાતે આવી પહોંચશે. જ્યાં હોટેલ તંત્ર દ્વારા ટીમ ઇડિયાનું રેડ કાર્પેટ પાથરીને સ્વાગત કરવામાં આવશે. રાજકોટમાં મેચ યોજનાર હોય ત્યારે બંને આંતરરાષ્ટ્રીય ટીમો રાજકોટ ખાતે હોટેલમાં રોકાનાર હોય જેને લઇને પોલીસનો પણ ચુસ્ત બંદોબસ્ત ગોઠવવામાં આવશે.
આ પણ વાંચો: ગુજરાતમાં હવામાન નિષ્ણાત અંબાલાલ પટેલની આગાહી, આ વિસ્તારોમાં પડશે ભારે વરસાદ
ટીમ ઇન્ડિયા અને ઓસ્ટ્રેલિયા બંને એકસાથે ખાસ વિમાન મારફતે આવશે
ટીમ ઇન્ડિયા અને ઓસ્ટ્રેલિયા બંને એકસાથે ખાસ વિમાન મારફતે આજરોજ રાજકોટ એરપોર્ટ ઉપર આવી પહોંચશે. ટીમ ઇન્ડિયા સૈયાજી હોટલ ખાતે જશે અને ટીમ ઓસ્ટ્રેલિયા 150 ફૂટ રીંગ રોડ ઉપર આવેલી ફોર્ચ્યુન હોટલ ખાતે જશે. ઓસ્ટ્રેલિયન ટીમને આવકારવા માટે ફોર્ચ્યુન હોટેલના સ્ટાફમાં અનેરો ઉત્સાહ જોવા મળી રહ્યો છે. જ્યારે ઓસ્ટ્રેલિયન ટીમને પણ ગુજરાતી ભોજનની સાથે ઓસ્ટ્રેલિયન ફૂડ આપવામાં આવશે. બીસીસીઆઈના નિયમ પ્રમાણે જ ખેલાડીઓને તમામ ફૂડ આપવામાં આવશે.
ભારત અને ઓસ્ટ્રેલિયા વચ્ચે ત્રણ મેચની સીરીઝ યોજનાર છે
ભારત અને ઓસ્ટ્રેલિયા વચ્ચે ત્રણ મેચની સીરીઝ યોજનાર છે. જેમાં એક મેચમાં ભારતની જીત થઈ છે ત્યારે બીજી મેચ યોજાવાની છે અને ત્યારબાદ છેલ્લી મેચ રાજકોટ ખાતે રમાવાની છે. રાજકોટમાં મેચ યોજાયા બાદ આ બંને ટીમો વર્લ્ડ કપ રમવા માટે અન્ય દેશમાં જશે. આ વખતે ભારત અને ઓસ્ટ્રેલિયાના મેચને લઈને ટિકિટના ભાવમાં પણ બમણો વધારો જોવા મળી રહ્યો છે. હાલ આ મેચની ટિકિટ 1500થી શરૂ થઈને 10,000 રૂપિયાની મળી રહી છે. જ્યારે વન-ડે હોય એટલે કે 50 ઓવરની મેચ હોય, જેને લઈને મોટી સંખ્યામાં પ્રેક્ષકો પણ સ્ટેડિયમ ખાતે ઉપસ્થિત રહેશે.
