ભારત અને દક્ષિણ આફ્રિકા વચ્ચે ત્રણ મેચોની T20 શ્રેણીની બીજી મેચ રવિવાર, 02 ઓક્ટોબરે એટલે કે આજે રમાશે. પ્રથમ ટી-20માં ધમાકેદાર જીત મેળવનારી ટીમ ઈન્ડિયા બીજી મેચ જીતીને પ્રથમ વખત ઘરઆંગણે દક્ષિણ આફ્રિકા સામે શ્રેણી જીતવા ઈચ્છશે.
બુમરાહની જગ્યાએ સિરાજને તક મળી
ભારતના સ્ટાર ફાસ્ટ બોલર જસપ્રીત બુમરાહ પીઠની ઈજાના કારણે દક્ષિણ આફ્રિકા સામેની ટી-20 શ્રેણીમાંથી બહાર થઈ ગયો છે. તેના સ્થાને મોહમ્મદ સિરાજને ટીમમાં સામેલ કરવામાં આવ્યો છે. જો કે, ભારતીય કેપ્ટન વિનિંગ કોમ્બિનેશન સાથે ટિંકર કરવાનું પસંદ કરશે નહીં. આવી સ્થિતિમાં સિરાજને બેન્ચ પર જ બેસવું પડશે.
તમામની નજર આ ખેલાડીઓ પર રહેશે
ભારત અને દક્ષિણ આફ્રિકા વચ્ચેની બીજી T20માં ઘણા ખેલાડીઓની નજર રહેશે. જેમાં ભારત તરફથી કેપ્ટન રોહિત શર્મા અને વિરાટ કોહલીનો સમાવેશ થાય છે. આ બંને દિગ્ગજો પ્રથમ T20માં રન બનાવી શક્યા ન હતા. બધાની નજર દક્ષિણ આફ્રિકાના રિલે રોસો, ક્વિન્ટન ડી કોક અને કાગિસો રબાડાના પ્રદર્શન પર રહેશે.
બીજી T20માં વરસાદ વિલન બની શકે છે
ગુવાહાટીમાં રમાનારી બીજી T20માં વરસાદ વિલન બની શકે છે. હકીકતમાં, Accuweather મુજબ, ગુવાહાટીમાં દિવસ દરમિયાન લગભગ 6 ટકા વરસાદની અપેક્ષા છે, જ્યારે સાંજ પછી 40 ટકા વરસાદની અપેક્ષા છે. તે જ સમયે, દિવસભર ગાઢ વાદળો છવાયેલા રહેવાનો પણ અંદાજ છે. ચાહકો માટે ખરાબ સમાચાર એ છે કે ગુવાહાટીમાં સાંજે 7 વાગ્યે હળવો વરસાદ થવાની સંભાવના છે.
ભારત
રોહિત શર્મા (કેપ્ટન), કેએલ રાહુલ (વાઈસ-કેપ્ટન), વિરાટ કોહલી, સૂર્યકુમાર યાદવ, ઋષભ પંત (ડબ્લ્યુકે), દિનેશ કાર્તિક (ડબ્લ્યુકે), રવિચંદ્રન અશ્વિન, યુઝવેન્દ્ર ચહલ, અક્ષર પટેલ, અર્શદીપ સિંહ, હર્ષલ પટેલ, દીપક ચહર, ઉમેશ યાદવ, શ્રેયસ ઐયર, શાહબાઝ અહેમદ અને મોહમ્મદ સિરાજ.
દક્ષિણ આફ્રિકા
ટેમ્બા બાવુમા (c), ક્વિન્ટન ડી કોક (wk), બ્યોર્ન ફોર્ટ્યુન, રીઝા હેન્ડ્રીક્સ, હેનરિક ક્લાસેન, માર્કો જેન્સન, કેશવ મહારાજ, એડેન માર્કરામ, ડેવિડ મિલર, લુંગી એનગીડી, એનરિક નોર્ટજે, વેઈન પાર્નેલ, એન્ડીલે ફેહલુકવેયો. પ્રિટોરિયસ, કાગીસો રબાડા, રિલે રોસોઉ, તબરેઝ શમ્સી અને ટ્રીસ્ટન સ્ટબ્સ.
આ પણ વાંચો : એશિયા કપમાં ભારતીય મહિલા ટીમનો દબદબો, શ્રીલંકાને આટલા રનથી હરાવ્યું
