IND vs PAK: ભારત-પાકિસ્તાન મેચમાં શુભમન રમે તેવી શક્યતા
ભારત અને પાકિસ્તાન વચ્ચે શનિવારે અમદાવાદમાં મેચ રમાશે. વર્લ્ડ કપ 2023ની આ મેચની ચાહકો આતુરતાથી રાહ જોઈ રહ્યા છે. આ મેચમાં શુભમન ગિલ પણ રમી શકે છે. ડેન્ગ્યુના કારણે ગિલ ટીમ ઈન્ડિયા માટે પ્રથમ બે મેચ રમી શક્યો ન હતો. એક અહેવાલ મુજબ ગિલ અમદાવાદ પહોંચી ગયો છે અને તે ટૂંક સમયમાં પ્રેક્ટિસ શરૂ કરી શકે છે. જો કે આ અંગે હજુ સુધી કોઈ સત્તાવાર માહિતી સામે આવી નથી.
શુભમન ગિલ અમદાવાદ પહોંચી ગયો છે અને ટૂંક સમયમાં પ્રેક્ટિસ શરૂ કરી શકે છે. ગિલના પ્લેટલેટ કાઉન્ટ ઓછા હતા. આ કારણોસર તે ભારતીય ક્રિકેટ ટીમ સાથે દિલ્હી ગયો ન હતો. ગિલ ચેન્નાઈથી સીધા અમદાવાદ પહોંચ્યા છે. દિલ્હીમાં ભારતની અફઘાનિસ્તાન સામેની મેચ હતી. ટીમ ઈન્ડિયાએ આ મેચ 8 વિકેટે જીતી લીધી હતી. હવે પાકિસ્તાન સામે મેચ છે. ગિલ આ મેચમાંથી મેદાનમાં પરત ફરી શકે છે. તે ઓસ્ટ્રેલિયા સામે પણ રમી શક્યો નહોતો. ગિલ વિશે સત્તાવાર માહિતી હજુ સુધી જાહેર કરવામાં આવી નથી.
શુભમન ટીમ ઈન્ડિયાનો સર્વશ્રેષ્ઠ ખેલાડીઓમાંથી એક છે. તેણે અનેક મેચમાં સારું પ્રદર્શન કર્યું છે. ગિલે અત્યાર સુધી રમાયેલી 35 વનડે મેચોમાં 1917 રન બનાવ્યા છે. આ દરમિયાન તેણે 6 સદી અને 9 અડધી સદી ફટકારી છે. ગિલનો શ્રેષ્ઠ ODI સ્કોર 208 રન છે. તેણે બેવડી સદી ફટકારી છે. શુભમને ઓસ્ટ્રેલિયા સામેની વનડે શ્રેણીમાં શાનદાર પ્રદર્શન કર્યું હતું. ઈન્દોર વનડેમાં પણ સદી ફટકારી હતી. આ પહેલા તેણે મોહાલીમાં 74 રનની ઇનિંગ રમી હતી. જો તે ફિટ થઈને મેદાનમાં પાછો ફરે છે તો તે ભારત માટે મોટો પ્લસ પોઈન્ટ હશે.
