Ind Vs Nz T20 મેચ: વરસાદ રોકાતા શરુ થઈ મેચ, ન્યૂઝીલેન્ડે ટોસ જીતીને બોલિંગ પસંદ કરી
ભારત અને ન્યુઝીલેન્ડ વચ્ચે સીરીઝની બીજી T20 મેચ આજે રમાઈ રહી છે. પ્રથમ મેચની જેમ આ મેચમાં પણ વરસાદ પડવાની શક્યતાઓ છે. માઉન્ટ મૌંગાનુઈમાં યોજાનારી આ મેચને લઈને હવામાનની શું આગાહી છે ?
New Zealand have won the toss and elect to bowl first in the 2nd T20I against #TeamIndia.
Follow all the LIVE updates here – https://t.co/OvmynDiyd8 #NZvIND pic.twitter.com/fkE2y9nbLl
— BCCI (@BCCI) November 20, 2022
ટીમ ઈન્ડિયા T20 વર્લ્ડ કપ 2022 પછી ન્યુઝીલેન્ડ પહોંચી, આજે બીજી ટેસ્ટ છે. ભારત અને ન્યુઝીલેન્ડ વચ્ચે બીજી T20 મેચ આજે જ રમાવાની છે. પ્રથમ મેચ વરસાદને કારણે ધોવાઈ ગઈ હતી અને હવે ચાહકોને આશા છે કે અહીં કંઈક એક્શન જોવા મળશે. પરંતુ માઉન્ટ મૌનગાનુઇની સ્થિતિ આ આશાને ફરીથી ધૂંધળી કરતી જણાતી હતી છે.
આ પણ વાંચો : નરેન્દ્ર મોદી આજે મહાદેવને શરણે, જાણો સમગ્ર કાર્યક્રમ
ભારત અને ન્યુઝીલેન્ડ વચ્ચે T20 સીરીઝની બીજી મેચ માઉન્ટ મૌંગાનુઇ ખાતે રમાશે. આ મેચ ભારતીય સમય અનુસાર બપોરે 12 વાગ્યે શરૂ થવાની છે. Weather.Com મુજબ, આ દિવસે માઉન્ટ મૌંગાનુઈમાં લગભગ 87 ટકા વરસાદની આગાહી હતી.
એટલે કે પ્રથમ મેચની જેમ બીજી મેચમાં પણ વરસાદ સંકટ બની શકે છે. આ દરમિયાન માઉન્ટ મૌંગાનુઇનું તાપમાન 15 ડિગ્રી સુધી રહી શકે છે. જો કે, એવી આશા છે કે મેચ દરમિયાન વરસાદ અટકી શકે છે. તમને જણાવી દઈએ કે ભારત અને ન્યુઝીલેન્ડ વચ્ચે 3 મેચની T20 સીરીઝની પ્રથમ મેચ 18 નવેમ્બરના રોજ રમવાની હતી. તે મેચ વરસાદને કારણે રદ કરવામાં આવી હતી.
બંને ટીમોના સંભવિત પ્લેઇંગ-11
ભારતના પ્લેઈંગ-11: ઈશાન કિશન, ઋષભ પંત (વિકેટકીપર), સૂર્યકુમાર યાદવ, શ્રેયસ ઐયર, દીપક હુડા, હાર્દિક પંડ્યા (કેપ્ટન), વોશિંગ્ટન સુંદર, ભુવનેશ્વર કુમાર, અર્શદીપ સિંહ, મોહમ્મદ સિરાજ, યુઝવેન્દ્ર ચહલ.
ન્યુઝીલેન્ડની પ્લેઈંગ-11: ફિન એલન, ડેવોન કોનવે (wk), કેન વિલિયમસન (c), ગ્લેન ફિલિપ્સ, ડેરીલ મિશેલ, જેમ્સ નીશમ, મિશેલ સેન્ટનર, ઈશ સોઢી, ટિમ સાઉથી, એડમ મિલ્ને, લોકી ફર્ગ્યુસન.
વરસાદ રોકાતા શરુ થઈ મેચ
ઇન્ડિયા અને ન્યુઝીલેન્ડ વચ્ચે ત્રણ મેચની T20 સીરીઝની બીજી મેચ આજે માઉન્ટ મૌંગાનુઈ ખાતે રમાઈ રહી છે. શ્રેણીની પ્રથમ મેચ વરસાદને કારણે ધોવાઈ ગઈ હતી. તે મેચમાં ટોસ પણ થઈ શક્યો નહોતો. આવી સ્થિતિમાં, બંને ટીમો આ મેચ જીતીને શ્રેણીમાં અજેય સરસાઈ મેળવવા ઈચ્છે છે. ન્યૂઝીલેન્ડે ટોસ જીતીને પ્રથમ બોલિંગ કરવાનો નિર્ણય લીધો છે.
વિકેટ કીપર બેટ્સમેન સંજુ સેમસનને પણ આ મેચમાં રમવાની તક મળી નથી. સંજુ સેમસને આઈપીએલ દ્વારા પોતાની અલગ ઓળખ બનાવી છે અને તેના ચાહકો પણ આ મેચ જોવા માટે મેદાન પર પહોંચ્યા છે, પરંતુ જો સંજુને ટીમમાં સ્થાન નહીં મળે તો તેઓ નિરાશ થશે.
ન્યુઝીલેન્ડે ટોસ જીતીને બોલિંગ કરવાનો નિર્ણય કર્યો
ન્યૂઝીલેન્ડના કેપ્ટન કેન વિલિયમસને ટોસ જીતીને પહેલા બોલિંગ કરવાનો નિર્ણય લીધો છે. એડમ મિલ્નેને કીવી ટીમમાં તક મળી છે. આ સિવાય વર્લ્ડ કપમાં રમી ચૂકેલા ખેલાડીઓને જ તક આપવામાં આવી છે. ભારત માટે આ મેચમાં ઋષભ પંત ઇનિંગ્સની શરૂઆત કરી શકે છે.
બે ઓવલ ગ્રાઉન્ડ મોટું છે
આ મેદાન જ્યાં સ્થિત છે તેને ‘બે ઓફ પ્લેન્ટી’ કહેવામાં આવે છે અને જ્યાં સુધી ટી-20 ફોર્મેટમાં અભિગમનો સંબંધ છે ત્યાં સુધી ભારતીય ક્રિકેટને આ ક્ષણે ઘણું વિચારવા જેવું છે. ‘બે ઓવલ’ મેદાનની બાઉન્ડ્રી ઘણી મોટી છે અને તે એક ખુલ્લું મેદાન છે જે વેલિંગ્ટનમાં નહોતું.
Hello from Bay Oval for the 2⃣nd #NZvIND T20I! ????#TeamIndia pic.twitter.com/GxphUhF7tO
— BCCI (@BCCI) November 20, 2022
તમે ભારત-ન્યૂઝીલેન્ડ મેચ ક્યારે અને ક્યાં જોઈ શકશો?
ન્યુઝીલેન્ડમાં રમાતી આ સીરીઝનું પ્રસારણ ફક્ત એમેઝોન પ્રાઇમ વિડીયો પર કરવામાં આવી રહ્યું છે. તમે આ મેચને પ્રાઇમ વીડિયોની એપ અને વેબસાઇટ પર જોઈ શકશો. જો તમે આ મેચ ટીવી પર જોવા માંગો છો, તો તેને ડીડી સ્પોર્ટ્સ પર ફ્રી ડિશ પર ટેલિકાસ્ટ કરી શકાય છે.
ભારત-ન્યૂઝીલેન્ડ શ્રેણીનું શેડ્યૂલ?
• 18 નવેમ્બર – પ્રથમ T20 મેચ
• 20 નવેમ્બર – બીજી T20 મેચ
• 22 નવેમ્બર – ત્રીજી T20 મેચ
• 25 નવેમ્બર – પ્રથમ ODI
• નવેમ્બર 27 – બીજી ODI
• 30 નવેમ્બર – ત્રીજી ODI
