IND vs NZ 2nd T20I: ટીમ ઈન્ડિયાએ 6 વિકેટે જીત મેળવી, ન્યૂઝીલેન્ડને હરાવી અને શ્રેણી 1-1થી બરાબર કરી
ભારતે T20 શ્રેણીની બીજી મેચમાં ન્યૂઝીલેન્ડને 6 વિકેટે હરાવ્યું. રવિવારે લખનઉમાં રમાયેલી મેચમાં ન્યૂઝીલેન્ડની ટીમ પ્રથમ બેટિંગ કરતા માત્ર 99 રન જ બનાવી શકી હતી. જવાબમાં ભારતે છેલ્લી ઓવરમાં 4 વિકેટ ગુમાવીને મેચ જીતી લીધી હતી. ટીમ ઈન્ડિયાએ શ્રેણીમાં 1-1થી બરાબરી કરી લીધી છે. આ પહેલા રાંચીમાં રમાયેલી મેચમાં ન્યુઝીલેન્ડે જીત મેળવી હતી. લખનૌમાં ભારત તરફથી અર્શદીપ સિંહે 2 વિકેટ ઝડપી હતી. જ્યારે સૂર્યકુમાર યાદવે અણનમ 26 રન બનાવ્યા હતા.
.@surya_14kumar hits the winning runs as #TeamIndia secure a 6-wicket win in Lucknow & level the #INDvNZ T20I series 1️⃣-1️⃣
Scorecard ▶️ https://t.co/p7C0QbPSJs#INDvNZ | @mastercardindia pic.twitter.com/onXTBVc2Wu
— BCCI (@BCCI) January 29, 2023
સૂર્યકુમાર યાદવ 26 રન બનાવીને અણનમ રહ્યો હતો
ન્યૂઝીલેન્ડે આપેલા લક્ષ્યનો પીછો કરવા ઉતરેલી ભારતીય ટીમે 19.5 ઓવરમાં 4 વિકેટ ગુમાવીને મેચ જીતી લીધી હતી. આ દરમિયાન શુભમન ગિલ અને ઈશાન કિશન ઓપનિંગમાં આવ્યા હતા. આ દરમિયાન શુભમન 11 રન બનાવીને આઉટ થયો હતો. તેણે 9 બોલનો સામનો કરતા 2 ચોગ્ગા ફટકાર્યા હતા. ઈશાન કિશને 32 બોલમાં 19 રન બનાવ્યા હતા. ઈશાને પણ 2 ચોગ્ગા ફટકાર્યા હતા. રાહુલ ત્રિપાઠી 18 બોલમાં 13 રન બનાવીને આઉટ થયો હતો. વોશિંગ્ટન સુંદર રન આઉટ થયો. તેણે 9 બોલનો સામનો કરીને 10 રન બનાવ્યા હતા. સુંદરે પણ બાઉન્ડ્રી ફટકારી હતી.
2ND T20I. India Won by 6 Wicket(s) https://t.co/p7C0QbPSJs #INDvNZ @mastercardindia
— BCCI (@BCCI) January 29, 2023
ભારતે ન્યુઝીલેન્ડને 99 રનમાં રોકી દીધું હતું
પ્રથમ બેટિંગ કરવા ઉતરેલી ન્યુઝીલેન્ડની ટીમ 8 વિકેટ ગુમાવીને માત્ર 99 રન જ બનાવી શકી હતી. ટીમ તરફથી કેપ્ટન સેન્ટનરે સૌથી વધુ 19 રન બનાવ્યા હતા. તેણે 23 બોલનો સામનો કરતી વખતે ચોગ્ગો પણ માર્યો હતો. ઓપનર ફિન એલન 11 રન બનાવીને આઉટ થયો હતો. કોનવે પણ માત્ર 11 રન બનાવી શક્યો હતો. ચેમ્પમેન 21 બોલમાં 14 રન બનાવીને પેવેલિયન પરત ફર્યો હતો. ગ્લેન ફિલિપ્સ 5 રન બનાવીને આઉટ થયો હતો. ડેરિલ મિશેલ પણ કંઈ ખાસ કરી શક્યો નહોતો, તે 8 રન બનાવીને આઉટ થયો હતો.
અર્શદીપ સિંહે શાનદાર બોલિંગ કરી હતી
ભારત તરફથી અર્શદીપે શાનદાર બોલિંગ કરી હતી. તેણે 2 ઓવરમાં માત્ર 7 રન આપીને 2 વિકેટ લીધી હતી. કુલદીપ યાદવે 4 ઓવરમાં 17 રન આપીને 1 વિકેટ લીધી હતી. દીપક હુડ્ડાએ 4 ઓવરમાં 17 રન આપીને 1 વિકેટ લીધી હતી. યુઝવેન્દ્ર ચહલે 2 ઓવરમાં 4 રન આપીને 1 વિકેટ લીધી હતી. તેણે મેડન ઓવર પણ લીધી હતી. વોશિંગ્ટન સુંદર અને હાર્દિક પંડ્યાને પણ એક-એક સફળતા મળી છે.
