મળતી માહિતી અનુસાર, એવી સંભાવના છે કે, મેચના ટોસ દરમિયાન પીએમ મોદી મેચની બંને ટીમોના કેપ્ટન સાથે મેદાન પર જોવા મળશે. એટલું જ નહીં, તેઓ ટોસ માટેનો સિક્કો પણ ઉછાળી શકે છે.
આજે એટલે કે ગુરુવાર 9 માર્ચથી શરૂ થનારી ભારત અને ઓસ્ટ્રેલિયા વચ્ચેની ચોથી અને અંતિમ ટેસ્ટ મેચ એટલા માટે પણ ખાસ છે, કારણ કે ભારત અને ઓસ્ટ્રેલિયા વચ્ચેની ચોથી ટેસ્ટ જોવા માટે ભારત અને ઓસ્ટ્રેલિયાના એમ બંન્ને દેશના વડાપ્રધાન નરેન્દ્ર મોદી અને વડાપ્રધાન એન્થોની અલ્બેનીઝ અમદાવાદના નરેન્દ્ર મોદી સ્ટેડિયમમાં હાજર રહેશે. તેમજ સ્ટેડિયમમાં મેચની મજા માણતા જોવા મળશે. બહાલ પીએમ મોદી,ઓસ્ટ્રેલિયાના વડાપ્રધાન એન્થોની અલ્બેનીઝ, મુખ્યમંત્રી ભૂપેન્દ્ર પટેલ અને આચાર્ય દેવવ્રત સ્ડેડિયમ ખાતે પહોંચી ગયા છે.
આ પણ વાંચો : અભિનેતા સતીશ કૌશિકનું 66 વર્ષે નિધન, અનુપમ ખેરે ટ્વિટ કરીને આપી માહિતી
વડાપ્રધાન મોદી બપોરે 4.30 વાગ્યે દિલ્હી જવા માટે રવાના થશે. બુધવારે મોડી રાત્રે વડાપ્રધાન મોદી અમદાવાદ પહોંચ્યા હતા અને રાત્રી રોકાણ ગાંધીનગરમાં કર્યું હતું. રાજ્યપાલ આચાર્ય દેવવ્રતે રાજભવનમાં પીએમ મોદીનું ઉષ્માભર્યું સ્વાગત કર્યું હતું.
ભારત અને ઓસ્ટ્રેલિયા વચ્ચે આજે 9 માર્ચથી બોર્ડર-ગાવસ્કર ટ્રોફીની ચોથી ટેસ્ટ મેચ રમાશે. અમદાવાદના મોટેરા સ્થિત નરેન્દ્ર મોદી ક્રિકેટ સ્ટેડિયમમાં રમાનારી આ મેચ બંને ટીમો માટે ઘણી મહત્વની છે. એક તરફ આ મેચ જીતીને ટીમ ઈન્ડિયા, વર્લ્ડ ટેસ્ટ ચેમ્પિયનશિપ ફાઈનલમાં જગ્યા બનાવશે. જ્યારે, મહેમાન ટીમ ઓસ્ટ્રેલિયા આ મેચ જીતીને શ્રેણી બચાવવા માટે શ્રેષ્ઠ પ્રયાસ કરવાનો પ્રયાસ કરશે.
ગુજરાત ક્રિકેટ એસોસિએશને આ અવસર માટે સ્ટેડિયમ માટે શાનદાર તૈયારીઓ કરી છે. મળતી માહિતી મુજબ PM મોદી અને એન્થોની અલ્બેનીઝ સવારે જ સ્ટેડિયમ પહોંચે તેવી શક્યતા છે. પીએમ મોદી અને અલ્બેનીઝ મેચની શરૂઆત પહેલા બંને ટીમના ખેલાડીઓને પણ મળશે. બંને પીએમ લગભગ 2 કલાક સુધી નરેન્દ્ર મોદી ક્રિકેટ સ્ટેડિયમમાં રહે તેવી શક્યતા છે. આ પછી પીએમ મોદી, મોટેરા સ્થિત મોદી સ્ટેડિયમથી ગાંધીનગર રાજભવન જશે, જ્યારે એન્થોની અલ્બેનીઝ બપોરે દિલ્હી જવા રવાના થશે.
પીએમ મોદી ટોસનો સિક્કો ઉછાળી શકે છે
અહેવાલો અનુસાર, એવી પણ સંભાવના છે કે, મેચના ટોસ દરમિયાન પીએમ મોદી મેચની બંને ટીમોના કેપ્ટન સાથે મેદાન પર જોવા મળશે. એટલું જ નહીં, તેઓ ટોસ માટેનો સિક્કો પણ ઉછાળી શકે છે.
ભારત : રોહિત શર્માં, શુભમલ ગીલ, ચેતેશ્વર પુજારા, વિરાટ કોબલી, શ્રેયસ અય્યર, શ્રીકર ભરત, રવિન્દ્ર જાડેજા, અક્ષર પટેલ, રવિચંદ્રન અશ્વિન, મહમ્મદ સમી, ઉમેશ યાદવ
ઓસ્ટ્રેલિયા : ટ્રેવિસ હેડ, ઉસ્માન ખ્વાજા, માર્નસ લેબુશેન, સ્ટીવન સ્મિથ(સી), પીટર હેન્ડ્સકોમ્બ, કેમેરોન ગ્રીન, એલેક્સ કેરી(ડબલ્યુ), મિશેલ સ્ટાર્ક, ટોડ મર્ફી, મેથ્યુ કુહનેમેન, નાથન લિયોન
