ODI-T20 પછી ભારત ટેસ્ટમાં પણ નંબર-1, ઓસ્ટ્રેલિયા પાસેથી 3 દિવસમાં છીનવી લીધું સામ્રાજ્ય
ભારતે નાગપુર બાદ દિલ્હી ટેસ્ટમાં પણ ઓસ્ટ્રેલિયાને હરાવ્યું છે. નાગપુરની જેમ ટીમ ઈન્ડિયાએ દિલ્હી ટેસ્ટ પણ માત્ર 3 દિવસમાં જીતી લીધી હતી. પોતાની 100મી ટેસ્ટ રમી રહેલા ચેતેશ્વર પુજારાએ ભારતની જીતમાં મહત્વની ભૂમિકા ભજવી હતી. તેણે બીજા દાવમાં 115 રનના ચેઝ દરમિયાન અણનમ 31 રન બનાવ્યા હતા. આ સાથે ભારતે 4 ટેસ્ટ મેચની શ્રેણીમાં 2-0ની સરસાઈ મેળવી લીધી છે. આ સાથે જ વર્લ્ડ ટેસ્ટ ચેમ્પિયનશિપની ફાઇનલમાં પહોંચવાનો રસ્તો પણ લગભગ સાફ થઈ ગયો છે.
A major shakeup at the top of the #WTC23 standings following India's win over Australia ????
Details ????https://t.co/wDtNjKBAAZ
— ICC (@ICC) February 19, 2023
આઈસીસી રેન્કિંગમાં દિલ્હી ટેસ્ટ જીતવાનો ફાયદો પણ ટીમ ઈન્ડિયાને મળ્યો છે. ઓસ્ટ્રેલિયાને પછાડીને ભારત હવે શ્રેષ્ઠ ટેસ્ટ ટીમ બની ગયું છે. ભારત હવે ટેસ્ટ રેન્કિંગમાં નંબર-1 બની ગયું છે. દિલ્હી ટેસ્ટ જીત્યા બાદ ભારતના 121 રેટિંગ પોઈન્ટ છે જ્યારે ઓસ્ટ્રેલિયાના ખાતામાં 120 પોઈન્ટ છે. ટીમ ઈન્ડિયા પહેલાથી જ ODI અને T20માં નંબર-1 ટીમ છે. ઓસ્ટ્રેલિયા વનડેમાં પણ બીજા સ્થાને છે. તે જ સમયે, ટી-20માં ભારત પછી ઈંગ્લેન્ડ બીજા સ્થાને છે.
The Border-Gavaskar Trophy stays with India ????
The hosts go 2-0 up against with a comprehensive win in Delhi ????#WTC23 | #INDvAUS | ???? https://t.co/HS93GIyEwS pic.twitter.com/xI0xvh2vOm
— ICC (@ICC) February 19, 2023
ઓસ્ટ્રેલિયાનું સામ્રાજ્ય 3 દિવસમાં છીનવી લીધું
ઓસ્ટ્રેલિયા દિલ્હી ટેસ્ટમાં નંબર વન ટેસ્ટ ટીમ તરીકે ઉતર્યું હતું. પરંતુ 3 દિવસ પછી જ ભારતે તેના સામ્રાજ્યનો અંત લાવ્યો. આ ટેસ્ટ પહેલા ઓસ્ટ્રેલિયાના 126 રેટિંગ પોઈન્ટ હતા. આ સાથે જ ટીમ ઈન્ડિયાના ખાતામાં 115 પોઈન્ટ થઈ ગયા. પરંતુ, દિલ્હીની દંગલ જીત્યા બાદ ભારતે ઓસ્ટ્રેલિયા કરતા વધુ પોઈન્ટ મેળવ્યા છે. જ્યારે મુલાકાતી ટીમ સતત બીજી ટેસ્ટ હારવાને કારણે 6 પોઈન્ટ ગુમાવી ચૂકી છે.
આ પણ વાંચો : INDvsAUS : બીજી ટેસ્ટમાં ભારતની 6 વિકેટથી જીત, સિરીઝમાં 2-0 થી આગળ
