આ રાજ્યમાં ભાજપને મળી એકતરફી જીત, પંચાયતની ચૂંટણીમાં 97% બેઠકો કરી કબજે
- ગૃહમંત્રી અમિત શાહે પણ આ જીત પર ત્રિપુરા ભાજપને અભિનંદન પાઠવ્યા છે. તેમણે કહ્યું કે સ્થાનિક સંસ્થાઓની ચૂંટણીમાં ભાજપને ઐતિહાસિક જીત અપાવવા માટે ત્રિપુરાની જનતાનો હૃદયપૂર્વક આભાર
ત્રિપુરા, 14 ઓગસ્ટ: ત્રિપુરામાં સત્તા પર રહેલી ભારતીય જનતા પાર્ટીએ ફરી એકવાર શાનદાર પ્રદર્શન કર્યું છે. રાજ્યમાં યોજાયેલી ત્રિ-સ્તરીય પંચાયત ચૂંટણીમાં ભાજપે 97 ટકા બેઠકો જીતી છે. બુધવારે એક અધિકારીએ જણાવ્યું કે ભાજપે ગ્રામ પંચાયતો, પંચાયત સમિતિઓ અને જિલ્લા પરિષદોમાં 71 ટકા બેઠકો બિનહરીફ જીતી લીધી છે. બાકીની 29 ટકા બેઠકો માટે 8 ઓગસ્ટે મતદાન થયું હતું. ગૃહમંત્રી અમિત શાહે પણ ત્રિપુરા ભાજપને અભિનંદન પાઠવ્યા છે.
ચૂંટણીનું પરિણામ શું આવ્યું?
ભાજપે 606 ગ્રામ પંચાયતોમાંથી 584 ગ્રામ પંચાયતો અને 35માંથી 34 પંચાયત સમિતિઓ અને આઠ જિલ્લા પરિષદો જીતી છે. આઠ જિલ્લા પરિષદોની 96 બેઠકો પર યોજાયેલી ચૂંટણીમાં ભાજપે 93 બેઠકો જીતી હતી, જ્યારે કોંગ્રેસ અને CPI(M) અનુક્રમે બે અને એક બેઠક જીતી હતી. જ્યારે 1,819 ગ્રામ પંચાયત બેઠકો માટેની ચૂંટણીમાં ભાજપે 1,476 બેઠકો જીતી હતી. કોંગ્રેસ અને ટીપ્રા મોથાને અનુક્રમે 148, 151 અને 24 બેઠકો મળી હતી. વિરોધ પક્ષોએ આક્ષેપ કર્યો છે કે તેઓએ કથિત ભય ફેલાવવાની રણનીતિને કારણે 71 ટકા બેઠકો પર ઉમેદવારો ઉભા કર્યા નથી.
લોકોને પીએમ મોદી છે વિશ્વાસ: સીએમ
ત્રિપુરાના સીએમ માણિક સાહાએ પાર્ટીની જીત પર કહ્યું છે કે આ જનાદેશ દર્શાવે છે કે લોકોને વડાપ્રધાન નરેન્દ્ર મોદી અને તેમના વિકાસ કાર્યક્રમોમાં વિશ્વાસ છે. ભાજપે 97 ટકા બેઠકો જંગી માર્જિનથી જીતી છે. ભવિષ્યમાં પંચાયતની ચૂંટણીમાં 100 ટકા બેઠકો જીતવાના પ્રયાસો કરવા જોઈએ.
અમિત શાહે પણ અભિનંદન પાઠવ્યા
આ સાથે જ ગૃહમંત્રી અમિત શાહે પણ ત્રિપુરા ભાજપને આ જીત પર અભિનંદન પાઠવ્યા છે. તેમણે કહ્યું કે સ્થાનિક સંસ્થાઓની ચૂંટણીમાં ભાજપને ઐતિહાસિક જીત અપાવવા માટે ત્રિપુરાની જનતાનો હૃદયપૂર્વક આભાર. આ જીત તેમની છે. વડા પ્રધાન નરેન્દ્ર મોદીની આગેવાની હેઠળની ભાજપ સરકારની વિકાસલક્ષી પહેલોને સામાન્ય લોકો સુધી લઈ જવા માટે હું મુખ્ય પ્રધાન માણિક સાહા, પ્રદેશ ભાજપ પ્રમુખ રાજીવ ભટ્ટાચાર્ય અને અમારા કાર્યકરોને તેમના અથાક પ્રયાસો માટે અભિનંદન આપું છું.
આ પણ વાંચો: ગુજરાતના 39 વિશેષ મહેમાનો લાલ કિલ્લા ખાતે સ્વતંત્રતા દિવસની ઉજવણીમાં જોડાશે
