આ ગામમાં હાલતાં ચાલતાં સૂઈ જાય છે લોકો, કારણ જાણીને તમને પણ આશ્ચર્ય થશે

HD ન્યૂઝ ડેસ્ક – 29 ઑગસ્ટ :  જો તમારે સ્વસ્થ જીવનશૈલી જોઈતી હોય તો તમારા માટે દરરોજ પૂરતી ઊંઘ જરૂરી છે. માણસ માટે 7 થી 8 કલાકની ઊંઘ ખૂબ જ જરૂરી છે. પરંતુ આ ભાગદોડભર્યા જીવનમાં ઘણી વખત લોકો સંપૂર્ણ ઊંઘ નથી લઈ શકતા. જો કે, આ ફક્ત ક્યારેક જ થાય છે. પરંતુ શું તમે એવા કોઈ ગામ વિશે જાણો છો, જ્યાં લોકો હંમેશા સૂતા જ રહે છે? ચાલો આજે તમને દુનિયાના એક એવા અનોખા ગામ વિશે જણાવીએ, જ્યાં ચાલતાં ચાલતાં લોકો સૂઈ જાય છે.

ક્યાં છે આ ગામ? 

અમે જે ગામની વાત કરી રહ્યા છીએ તે કઝાકિસ્તાનમાં છે. આ ગામનું નામ કલાચી છે. એવું કહેવાય છે કે અહીંના લોકો ઘણા મહિના સુધી ઊંઘે છે. આ જ કારણ છે કે આ ગામને સ્લીપી હોલો પણ કહેવામાં આવે છે. આ ગામ વિશે એવો દાવો કરવામાં આવે છે કે અહીં દરેક વ્યક્તિ વર્ષમાં ઓછામાં ઓછો એક મહિનો ઊંઘે છે. હવે સવાલ એ થાય છે કે અહીંના લોકો સાથે આવું કેમ થાય છે? શું આ ગામના લોકો જાણીજોઈને આું કરે છે કે પછી તેમના શરીરમાં કંઈક એવું થાય છે જેના કારણે તેમને આટલા દિવસો સુધી ઊંઘ આવે છે?

અહીંના લોકો સાથે આવું કેમ થાય છે?

કઝાકિસ્તાનના કલાચી ગામમાંથી આવા વધુ કિસ્સાઓ પ્રકાશમાં આવવા લાગ્યા, ત્યારે વૈજ્ઞાનિકોએ તેના પર સંશોધન કર્યું અને અહીંના લોકો સાથે આવું કેમ થઈ રહ્યું છે તે જાણવાનો પ્રયાસ કર્યો. સંશોધનમાં જાણવા મળ્યું છે કે દૂષિત પાણીના કારણે અહીંના લોકો સાથે આવું થઈ રહ્યું છે. વાસ્તવમાં આ ગામના પાણીમાં કાર્બન મોનોક્સાઇડ મોટી માત્રામાં જોવા મળે છે જેના કારણે લોકોની આ હાલત છે.

અહીંની હાલત એટલી ખરાબ છે કે લોકો ઘણીવાર ચાલતાં ચાલતાં જ સૂઈ જાય છે. વર્ષ 2010માં કલાચી ગામમાં પહેલીવાર આ ઘટના બની હતી. એ વર્ષે ગામની શાળામાં કેટલાક બાળકો અચાનક ઊંઘી ગયા અને એટલા સખત સૂઈ ગયા કે તેઓ ઘણા દિવસો સુધી જાગ્યા નહીં. આ પછી ધીમે ધીમે કાર્બન મોનોક્સાઇડની અસર ગામના 14 ટકા લોકો પર થઈ અને હવે આખું ગામ તેની ઝપેટમાં આવી ગયું છે. જેના કારણે લોકો આ ગામ છોડવા લાગ્યા છે. જો કે, ગરીબ વર્ગના લોકો હજુ પણ આ ગામમાં રહે છે અને આ સમસ્યાનો સામનો કરી રહ્યા છે.

આ પણ વાંચો : સ્મૃતિ ઈરાનીએ કોંગ્રેસ નેતા રાહુલ ગાંધીના કર્યા ભરપેટ વખાણ, જાણો શું કહ્યું