પાટણમાં બેકાબુ કારે બાંકડા પર બેઠેલા 5 વૃદ્ધોને અડફેટે લીધા, એકનું મોત, 4 ઈજાગ્રસ્ત
- પાટણ લીલીવાડી વિસ્તારમાં મોડી રાત્રે અકસ્માત
- બેકાબુ કારે 5 વૃદ્ધોને અડફેટે લીધા,એકનું મોત, 4 ઈજાગ્રસ્ત
- પોલીસે ફરાર કાર ચાલકની શોધખોળ શરુ કરી
રાજ્યમાં છેલ્લા ઘણા સમયથી હિટ એન્ડ રનની ઘટનામાં સતત વધારો નોંધાઈ રહ્યો છે. ત્યારે આવી જ વધુ એક ઘટના પાટણમાંથી સામે આવી છે. પાટણ ચાણસ્મા હાઇવે રોડ પર લીલીવાડી નજીક મોડી રાત્રે અકસ્માત સર્જાયો હતો. જેમાં બાંકડા પર બેઠેલા 5 વૃદ્ધો ઉપર બેકાબૂ બનેલી ગાડી ફરી વળી હતા. જેમાં કારની ટકકરે એકનું ઘટના સ્થળે મોત નિપજ્યું હતું જ્યારે અન્ય ચારને ગંભીર ઈજાઓ પહોંચી હોવાનું જાણવા મળી રહ્યું છે.
બાકડા પર બેઠેલા 5 વૃદ્ધોને કારે મારી ટક્કર
પાટણમાં મોડીરાત્રે અકસ્માતની ઘટના બની હતી. જેમાં પાટણ હાઇવે વિસ્તાર પર આવેલા લીલીવાડી વિસ્તારમાં પૂરપાટ ઝડપે આવેલી બેકાબુ કારે બાકડા પર બેઠેલા 5 જેટલા વૃદ્ધોને ટક્કર મારી હતી. જેથી આ ઘટનામાં એક વૃદ્ધનું ઘટના સ્થળે જ મોત નિપજ્યું હતું. જ્યારે અન્ય ચારને ગંભીર ઈજાઓ પહોંચી હતી.જેથી તેઓને સારવાર અર્થે હોસ્પિટલમાં ખસેડવામા આવ્યા હતા.
પોલીસે ઘટના સ્થળે પહોંચી તપાસ હાથ ધરી
અકસ્માતની આ ઘટના બાદ બેકાબુ કારચાલક ફરાર થઇ ગયો છે.અકસ્માતની ઘટનાને પગલે મોટી સંખ્યામાં લોકો સ્થળ પર દોડી આવ્યા હતા. ત્યાર બાદ આ ઘટના અંગે પોલીસને જાણ કરતા પોલીસનો કાફલો ઘટના સ્થળે દોડી આવ્યો હતો. અને પોલીસે ઘટના સ્થળે પહોંચીને ફરાર કાર ચાલકની તપાસ હાથ ધરી હતી.
આ પણ વાંચો : ડમી કાંડમાં વધુ એક ખુલાસો : કરાઈ એકેડમીમાં તાલીમ લેતા યુવકે આપી પરીક્ષા
