મધ્યપ્રદેશના મિહોના વિસ્તારમાં તેલની લૂંટ, લોકો જે હાથમાં આવ્યું તે ભરવા દોડ્યા, જુઓ વિડીયો

• મધ્યપ્રદેશના ભિંડમાં સરસવના તેલથી ભરેલું કન્ટેનર પલટ્યું
• લોકોએ સરસવના તેલની લૂંટ ચલાવી

મધ્યપ્રદેશના ભિંડ જિલ્લાના મિહોના વિસ્તારમાં સરસવના તેલથી ભરેલું કન્ટેનર પલટી જતાં લોકોએ સરસવના તેલની લૂંટ ચલાવી હતી.હાઇવે પર કન્ટેનર પલટી જવાના અકસ્માતને પગલે અફરા-તફરી જેવો માહોલ સર્જાયો હતો. તે જ સમયે, ભીડ ડોલ અને ડબ્બામાં કન્ટેનરમાંથી નીકળતું સરસવનું તેલ ભરવાનું ચાલુ રાખ્યું. ઘટનાસ્થળે પહોંચેલી પોલીસે તેમને આમ ન કરવાની સલાહ આપી, પરંતુ તેનાથી વધુ ફાયદો થયો નહીં. વાસ્તવમાં આ ઘટના રવિવારે બની હતી જ્યારે સરસવના તેલથી ભરેલું કન્ટેનર ભીંડ પાસેથી પસાર થઈ રહ્યું હતું. આ દરમિયાન આ કન્ટેનર બાલાજી ધામ પાસે અકસ્માતનો ભોગ બન્યું હતું અને રોડની બાજુના ખેતરમાં પલટી ગયું હતું. આ વાતની જાણ સ્થાનિક લોકોને થતાં જ સ્થળ પર લોકોના ટોળા એકઠા થઈ ગયા હતા. આ પછી, આ લોકોએ પ્લાસ્ટિકની ડોલ અને બોક્સમાં કન્ટેનરમાંથી સરસવનું તેલ ચોરી કરવાનું શરૂ કર્યું.

મધ્યપ્રદેશના મિહોના વિસ્તારમાં તેલની લૂંટ, લોકો જે હાથમાં આવ્યું તે ભરવા દોડ્યા, જુઓ વિડીયો#MadhyaPradesh #MadhyaPradeshNews #robbery #ViralVideos #viral #news #newsupdate #Gujarat #GujaratiNews #humdekhengenews pic.twitter.com/gF6epmy810

— Hum Dekhenge News (@humdekhengenews) July 30, 2023

સરસવનું તેલ ભરેલું ટેન્કર પલટી ગયું

પ્રાપ્ત વિગતો અનુસાર,રવિવારે એટલે કે આજે સવારે નેશનલ હાઈવે 552 પર તેલ ભરેલું ટેન્કરજઈ રહ્યું હતું.જ્યારે સરસવનું તેલ ભરેલું ટેન્કર ભીંડ પાસેથી પસાર થઈ રહ્યું હતું. દરમિયાન બાલાજી ધામ પાસે અકસ્માત સર્જાયો હતો અને રસ્તાની બાજુના ખેતરમાં પલટી ગયો હતો. સ્થાનિક લોકોને આ વાતની જાણ થતાં જ સ્થળ પર લોકોનું ટોળું એકત્ર થઈ ગયું હતું અને આ લોકોએ પ્લાસ્ટિકની ડોલ, ડબ્બા અને પોલીથીનના કન્ટેનરમાંથી સરસવનું તેલ ચોરી કરવાનું શરૂ કર્યું હતું. મહત્વનું છે કે,આ કન્ટેનરને મોરેનાથી સરસવનું તેલ ભરીને બંગાળના હરદિયા જવા રવાના કર્યું હતું. કન્ટેનરમાં લગભગ 31,400 લિટર સરસવનું તેલ હતું.બાલાજી ધામ મંદિર પાસે અચાનક એક ડમ્પર પૂરપાટ ઝડપે તેમની સામે આવ્યું હતું. આ પછી,એક ઓટોને બચાવવા માટે, ડ્રાઇવરે કન્ટેનરને ખેતર તરફ ફેરવ્યું, જેના કારણે તે ખેતરમાં પલટી ગયું. જે બાદ લોકોએ તેલની લૂંટ શરૂ કરી દીધી હતી. લોકો ડોલ ભરી ભરીને તેલની લૂંટ કરતા જોવા મળ્યા હતા.

પોલીસ ઘટના સ્થળે દોડી ગયું

આ ઘટનાની માહિતી મળતા પોલીસ ઘટના સ્થળે દોડી ગઈ હતી. જે અંગે મિહોના પોલીસ સ્ટેશનના ઈન્ચાર્જે જણાવ્યું કે, માહિતી મળતા જ પોલીસ ઘટનાસ્થળે પહોંચી ગઈ હતી. અહીં હાઈવે પર ભારે જામ થઈ ગયો હતો. કોઈક રીતે વાહનવ્યવહાર સુચારૂ ચાલુ કરી લોકોને સમજાવવામાં આવ્યા હતા. અનેક કન્ટેનરમાંથી નીકળતું તેલ ખેતરમાં રહેલા કાદવ અને ગટરના પાણીમાં ભળી ગયું હતું. પોલીસે લોકોને સમજાવવાની ઘણી કોશિશ કરી પરંતુ લોકો માન્યા નહીં.

આ પણ વાંચો : ડિનર પછી આઇસ્ક્રીમ ખાશો તો ભોગવવા પડશે ગંભીર પરિણામ