દિલ્હી વિધાનસભામાં કેજરીવાલે કેન્દ્ર સરકાર પર સાધ્યું નિશાન, કહ્યું: LGએ ધમકી આપી…
- અમારી પાસે પોલીસ નથી, તેથી અમે બસોમાં માર્શલની નિમણૂક કરી હતી: CM કેજરીવાલ
નવી દિલ્હી, 29 ફેબ્રુઆરી: દિલ્હી વિધાનસભામાં મુખ્યમંત્રી અરવિંદ કેજરીવાલે બસોમાંથી માર્શલોને હટાવવા માટે કેન્દ્ર સરકાર અને લેફ્ટનન્ટ ગવર્નર પર નિશાન સાધ્યું હતું. અરવિંદ કેજરીવાલે કહ્યું હતું કે, 2015માં જ્યારે અમારી સરકાર બની ત્યારે કહ્યું હતું કે અમે મહિલાઓની સુરક્ષા માટે જે પણ કરી શકીએ તે કરીશું. અમારી પાસે પોલીસ નથી, તેથી બસોમાં માર્શલની નિમણૂક કરવામાં આવી હતી. માર્શલ પણ ખૂબ સારું કામ કરી રહ્યા હતા. આ યોજના સારી રીતે ચાલી રહી હતી, પરંતુ નવેમ્બરમાં અચાનક તે બંધ થઈ ગઈ. કોઈપણ વિભાગમાં કોઈ સમસ્યા નથી. પરંતુ 2023થી, અધિકારીઓએ ફાઇલોમાં લખવાનું શરૂ કર્યું કે માર્શલ સ્કીમ સારી નથી. કેજરીવાલે વધુમાં કહ્યું કે, “અધિકારીઓએ તેમને કહ્યું કે LGએ તેમને ધમકી આપી હતી કે જો તેઓ તેને બંધ નહીં કરે તો તેઓ CBI-EDને તેમની પાછળ લગાવી દેશે.”
Delhi L-G threatened officers to stall bus marshal scheme that ran from 2015 to 2022: CM Arvind Kejriwal in Assembly
— Press Trust of India (@PTI_News) February 29, 2024
Delhi L-G questioned deployment of bus marshals, saying there were CCTV cameras, panic buttons: CM Kejriwal in Assembly
— Press Trust of India (@PTI_News) February 29, 2024
અધિકારીઓએ કહ્યું કે એલજીએ ધમકી આપી: કેજરીવાલ
મુખ્યમંત્રી કેજરીવાલે વધુમાં કહ્યું કે, અમે અધિકારીઓને પૂછ્યું કે 8 વર્ષથી ચાલી રહેલી સ્કીમને રોકવાનું કારણ શું છે. ટો અધિકારીઓએ જણાવ્યું હતું કે, LGએ તેમને ધમકી આપી હતી કે જો તેઓ તેને અટકાવશે નહીં તો તેઓ CBI-EDને તેમની પાછળ લગાવશે. હું એલજીને મળ્યો અને તેમને પૂછ્યું કે તેઓ આ સ્કીમ કેમ બંધ કરી રહ્યા છે. તો તેમણે કહ્યું કે, જ્યારે બસમાં સીસીટીવી અને પેનિક બટન છે તો માર્શલની શું જરૂર છે. મેં સમજાવ્યું તો તેણે કહ્યું કે ઠીક છે, હું તેને રોકીશ નહીં. પરંતુ પછી એક દિવસ મેં પેપરમાં વાંચ્યું કે તેમને દૂર કરવામાં આવ્યા છે.
महिला सुरक्षा के लिए हमने कई काम किए जबकि महिला सुरक्षा की ज़िम्मेदारी दिल्ली पुलिस की है जो हमारे अधीन नहीं है
🔹हमने 5 साल में चप्पे चप्पे पर CCTV लगाये, दुनिया में सबसे ज़्यादा CCTV दिल्ली में लगे हैं
🔹डार्क स्पॉट्स पर Lights लगवाई
🔹बसों में CCTV, Panic Button, बस… pic.twitter.com/mrQGObiV6t— AAP (@AamAadmiParty) February 29, 2024
વિધાનસભામાં બોલતા અરવિંદ કેજરીવાલે વધુમાં કહ્યું કે, જ્યારથી સક્સેના સાહેબ એલજી બન્યા છે. ત્યારથી તમામ કામ બંધ છે. અગાઉ એલજી નવા કામ કરવા દેતા ન હતા. પરંતુ હવે LG તમામ પાયાની સુવિધાઓ બંધ કરી રહ્યા છે. પહેલા તેઓ કામ બંધ કરાવે છે અને પછી ભાજપના લોકો કહે છે કે કેજરીવાલ કામ કરી શકતા નથી.
તેઓ દિલ્હીના લોકોને મારવા માંગે છે! : CM કેજરીવાલ
મુખ્યમંત્રી કેજરીવાલે વધુમાં કહ્યું કે, તેઓ (ભાજપ) દિલ્હીના લોકોને મારવા માંગે છે, પરંતુ જ્યાં સુધી હું જીવતો છું ત્યાં સુધી દિલ્હીની જનતાને કંઈ થવા દઈશ નહીં. તેઓ ન તો દિલ્હીના લોકોની વાત સાંભળે છે અને ન તો કોર્ટની વાત સાંભળે છે, આ વિચિત્ર સરમુખત્યારશાહી છે. તેમણે જલ બોર્ડના પૈસા રોક્યા, દેવદૂત યોજના બંધ કરી દીધી, હોસ્પિટલના તમામ ડેટા એન્ટ્રી કર્મચારીઓને હટાવી દીધા. ભાજપને વોટ અપાવવા માટે તમે કેટલું ઝૂકશો?
આ પણ જુઓ: દિલ્હી સરકારને મોટો ફટકો! LGએ સોલર પોલિસી પર લગાવી રોક, ઝીરો બિલનું હતું વચન
