એક જ દિવસમાં 3 કરોડ 70 લાખ લોકો સંક્રમણનો શિકાર બનતા ચીનની ચિંતા વધી

ચીની સરકારના ટોચના આરોગ્ય અધિકારીના અનુમાન મુજબ, આ અઠવાડિયે એક જ દિવસમાં ચીનમાં લગભગ 37 મિલિયન એટલે કે 3 કરોડ લોકો કોવિડ-19થી સંક્રમિત થયા છે. આ આંકડા વિશ્વભરમાં કરવામાં આવેલા દાવા કરતા ઘણા વધારે છે. બુધવારે ચીનના નેશનલ હેલ્થ કમિશનની આંતરિક બેઠકની મિનિટો અનુસાર, ડિસેમ્બરના પ્રથમ 20 દિવસમાં ઓછામાં ઓછા 248 મિલિયન લોકો એટલે કે લગભગ 18% વસ્તી વાયરસથી સંક્રમિત થઈ હોવાની સંભાવના છે.

ચીનમાં 2022નો રેકોર્ડ તોડશે કોરોના

જો આ આંકડા સાચા હશે, તો તે જાન્યુઆરી 2022માં દરરોજ લગભગ 4 મિલિયન ચેપ દરનો રેકોર્ડ તોડી નાખશે. બેઇજિંગની શૂન્ય કોવિડ નીતિને નાબૂદ કરવાથી વસ્તીમાં અત્યંત ચેપી કોરોનાના નવા ઓમિક્રોન પ્રકારનો અવરોધ વિનાનો ફેલાવો થયો છે. એજન્સીના અનુમાન મુજબ, ચીનના દક્ષિણ પશ્ચિમમાં આવેલા સિચુઆન પ્રાંત અને રાજધાની બેઇજિંગના અડધાથી વધુ રહેવાસીઓ સંક્રમિત થયા છે. ચીનમાં લોકો હવે ચેપને શોધવા માટે ઝડપી એન્ટિજેન પરીક્ષણોનો ઉપયોગ કરી રહ્યા છે.

આ પણ વાંચો: કોરોનાના નવા વેરિયન્ટ BF.7 વિરૂદ્ધ કેટલી અસરકારક છે જૂની વેક્સિન, સ્ટડીમાં થયો ચોંકાવનારો ખુલાસો

ચીનમાં સંપૂર્ણ લોકડાઉનની શક્યતા

માનવામાં આવે છે કે આ બેઠક બાદ રાષ્ટ્રપતિ જિનપિંગ ચીનમાં સંપૂર્ણ લોકડાઉનની જાહેરાત કરી શકે છે. નિષ્ણાતોએ બેઇજિંગમાં ચેપનો દર 50 થી 70 ટકા રહેવાની આગાહી કરી છે. શાંઘાઈમાં, આગામી સપ્તાહ સુધીમાં 25 મિલિયન લોકો કોવિડ પોઝિટિવ હોવાની અપેક્ષા છે.

શી જિનપિંગ સમીક્ષા બેઠક યોજી શકે છે

ચીનના બેઈજિંગ, સિચુઆન, અનહુઈ, હુબેઈ, શાંઘાઈ અને હુનાનમાં હાલત ખરાબ થઈ રહી છે. સતત બગડતી પરિસ્થિતિ વચ્ચે સમાચાર આવી રહ્યા છે કે ચીનના રાષ્ટ્રપતિ શી જિનપિંગ પહેલીવાર શનિવાર (24 ડિસેમ્બર) અથવા રવિવારે (25 ડિસેમ્બર) કોવિડ સમીક્ષા બેઠક યોજી શકે છે.