ઈમરાન ખાનની લાહોરમાં મોટી રેલીની જાહેરાત, કહ્યું-‘મારી રેલીમાં આવવું એ લોકોનો બંધારણીય અધિકાર’
પાકિસ્તાનના પૂર્વ PM અને PTIના વડા ઈમરાન ખાને આજે લાહોરના પાકિસ્તાન મિનાર ખાતે રેલીની જાહેરાત કરી છે. તેમણે કહ્યું કે, આજે અમે પાકિસ્તાન મિનાર પર અમારો છઠ્ઠો જલસા કરવા જઈ રહ્યા છીએ, અને જો કોઈ તમને આ જલસામાં આવતા અટકાવે તો તમારે તેને કહેવું જોઈએ, અહીં આવવું તમારો બંધારણીય અધિકાર છે.
Tonight will be our 6th jalsa at Minar i Pakistan & my heart tells me it will break all records.I am inviting everyone in Lahore to attend after Tarawih prayers.I will give my vision of Haqeeqi Azadi & how we will pull Pak out of the mess cabal of crooks have put our country in.
— Imran Khan (@ImranKhanPTI) March 25, 2023
એક ટ્વીટમાં ઈમરાન ખાને કહ્યું, “આજે રાત્રે આપણે પાકિસ્તાનના મિનાર પર છઠ્ઠો જલસા કરીશું અને મારું દિલ મને કહે છે કે તે તમામ રેકોર્ડ તોડી નાખશે.” હું શહેરના તમામ લોકોને તરાવીહની નમાજ બાદ તેમાં ભાગ લેવાની અપીલ કરું છું. ઇમરાને કહ્યું કે, આ રેલીમાં તેઓ પાકિસ્તાનની વાસ્તવિક સ્વતંત્રતા અંગેનો પોતાનો મુદ્દો દેશના લોકો સાથે શેર કરશે.
They will put all sorts of hurdles to prevent people from attending, but I want to remind our ppl that it is their fundamental right to attend a political gathering. Everyone must assert their right as people of a free nation that won its independence & come to Minar i Pakistan.
— Imran Khan (@ImranKhanPTI) March 25, 2023
‘રેલીમાં ભાગ લેવો એ તમારો મૂળભૂત અધિકાર છે’
ઈમરાન ખાને તેમના મેળાવડાને લઈને સરકાર તરફથી પ્રતિકારની આશંકા વ્યક્ત કરી હતી. તેમણે કહ્યું કે, સરકાર તમને અહીં આવવા માટે રોકી શકે છે, પરંતુ તમારે યાદ રાખવું જોઈએ કે કોઈપણ રાજકીય રેલીમાં ભાગ લેવો એ તમારો બંધારણીય રીતે મૂળભૂત અધિકાર છે. અને તમારા મૂળભૂત અધિકારો કોઈ છીનવી શકે નહીં. જો તમારે તમારા મૂળભૂત અધિકારોનો દાવો કરવો હોય તો તમારે પાકિસ્તાન મિનાર પર આવવું જોઈએ.
